ठाण्यातील भगवती मैदानावर सोमवारी दिवसभर कार्यक्रम
ठाणे : विश्वास सामाजिक संस्थेच्या वतीने ठाण्यातील भगवती मैदानावर धूलीवंदनाच्या दिवशी सोमवारी (दि. २५ मार्च) भव्य रंग जल्लोष कार्यक्रम आयोजित केला आहे. भाजपाचे ठाणे शहर जिल्हाध्यक्ष व विश्वास सामाजिक संस्थेचे अध्यक्ष संजय वाघुले यांच्या वतीने या कार्यक्रमाचे आयोजन केले आहे. त्यात पारपंरिक व नैसर्गिक पद्धतीने धूलीवंदनाबरोबरच बहारदार गाण्यांवर नागरिकांना ठेका धरता येईल.
हिंदू संस्कृतीतील प्रमुख सण पारंपरिक पद्धतीने व उत्साहात साजरे करण्यावर विश्वास सामाजिक संस्थेकडून प्राधान्य दिले जाते. त्यानुसार यंदा नौपाड्यातील भगवती मैदानावर धूलीवंदनाच्या दिवशी २५ मार्च रोजी सकाळी ९ वाजल्यापासून रंगोत्सव २०२४ कार्यक्रमाचे आयोजन केले आहे. या कार्यक्रमात पारंपरिक पद्धतीने धूलीवंदन साजरे केले जाईल. तसेच बहारदार संगीताची मैफल सादर केली जाणार आहे. धूलीवंदनानिमित्ताने प्रसिद्ध गायक-गायिका सारिका सिंग, अनुजा वर्तक, विद्या शिवलिंग, सई जोशी, प्रशांत मापेरी, निलेश निरगुडकर, सतीश भानुशाली यांच्या वतीने सादर केल्या जाणाऱ्या प्रसिद्ध गीतांवर नागरिकांना ठेका धरता येईल. या कार्यक्रमाचे निवेदन विनित देव यांच्याकडून केले जाणार आहे.
विश्वास सामाजिक संस्थेतर्फे अध्यक्ष संजय वाघुले यांच्याबरोबरच भाजपाचे नौपाडा मंडल अध्यक्ष विकास घांग्रेकर, नौपाडा प्रभाग अध्यक्ष रोहित गोसावी, भाजपा जिल्हा कार्यकारिणीचे सदस्य गौरव अंकोला, नौपाडा मंडल महिला मोर्चाच्या अध्यक्षा वृषाली वाघुले-भोसले, विश्वास सामाजिक संस्थेचे सदस्य अमित वाघचौरे आदींकडून कार्यक्रमाची तयारी सुरू आहे.