शिवनेरी कबड्डी २०२६
अंतिम सामन्यात मुंबई पोस्टलची बाजी, वेस्टर्न रेल्वेला तीन गुणांनी नमवले
 इतर गटात गुड मॉर्निंग स्पोर्ट्स क्लब आणि विवेक महिला संघाचे विजेतेपदावर शिक्कामोर्तब
मुंबई : शिवनेरी कबड्डी महोत्सवाच्या व्यावसायिक गटाच्या अंतिम सामन्यात मुंबई पोस्टल संघाने वेस्टर्न रेल्वे संघाचा ३०-२७ असा पराभव करत तीन गुणांनी विजेतेपद पटकावले. दोन्ही संघांमध्ये झालेल्या या अटीतटीच्या लढतीत चढाया आणि पकडींचा सुरेख खेळ पाहायला मिळाला. वेस्टर्न रेल्वेने मुंबई पोस्टलला कडवी झुंज दिली; मात्र निर्णायक क्षणी सरस खेळ करत मुंबई पोस्टलने विजयावर शिक्कामोर्तब केले.
मुंबई पोस्टलच्या अक्षय तावडे याने चढाईत आक्रमक खेळ करत संघाच्या गुणसंख्येत भर घातली. त्याला पकडीत अक्षय बर्डे याने मोलाची साथ दिली. प्रतिस्पर्धी संघाच्या चढाया रोखताना मुंबई पोस्टलच्या बचावफळीने महत्त्वाची भूमिका बजावली. दुसरीकडे, वेस्टर्न रेल्वेकडून प्रणय राणे याने चढाईत गुण मिळवण्यासाठी प्रयत्न केले, तर विजयंत याने पकडीत आपले कौशल्य दाखवले. वेस्टर्न रेल्वेने अखेरपर्यंत सामना जिंकण्यासाठी संघर्ष केला; मात्र मुंबई पोस्टलने आपली आघाडी कायम राखत ३०-२७ अशा तीन गुणांच्या फरकाने विजय मिळवला. या विजयासह मुंबई पोस्टलने शिवनेरी कबड्डी महोत्सवाच्या व्यावसायिक गटाचे विजेतेपद आपल्या नावावर केले.
कुमार गटाच्या अंतिम सामन्यात गुड मॉर्निंग स्पोर्ट्स क्लबने विजय क्लबवर सहा गुणांनी मात केली. गुड मॉर्निंग स्पोर्ट्स क्लबकडून चढाईत निलेश मोरे, तर पकडीत आदित्य धुमाळ यांनी प्रभावी कामगिरी केली. विजय क्लबकडून चढाईत दिलीप गुप्ता आणि पकडीत विजेंद्र यादव यांनी विजयासाठी प्रयत्न केले. मात्र, गुड मॉर्निंग स्पोर्ट्स क्लबने सरस खेळाच्या जोरावर विजेतेपद पटकावले.
दुसरीकडे महिला गटाच्या अंतिम सामन्यात विवेक महिला संघाने शिवशक्ती महिला संघाचा २८-२४ असा पराभव करत चार गुणांनी विजय मिळवला. विवेक महिला संघाकडून चढाईत तनू, तर पकडीत हरजीत कौर यांनी महत्त्वपूर्ण योगदान दिले. शिवशक्ती महिला संघाकडून चढाईत अदिती शिंदे आणि पकडीत पौर्णिमा जेधे यांनी चांगली कामगिरी केली. मात्र, विवेक महिला संघाने अखेरपर्यंत आघाडी कायम राखत विजेतेपदावर कब्जा केला.
संक्षिप्त धावफलक –
1. कुमार गट- गुड मॉर्निंग स्पोर्ट्स क्लब ३३ विजयी विरुद्ध विजय क्लब २७
2. महिला गट- विवेक महिला संघ २८ विजयी विरुद्ध शिवशक्ती महिला संघ २४
3. व्यावसायिक गट- मुंबई पोस्टल ३० विजयी विरुद्ध वेस्टर्न रेल्वे २७

शिवनेरी कबड्डी स्पर्धा २०२६
बीपीटीचा रिजनल स्पोर्ट्स बोर्डावर टायब्रेकरमध्ये सनसनाटी विजय
Slug १- गुड मॉर्निंग, शिवशक्ती, विवेक महिला संघाची विजयी आगेकूच
मुंबई – शिवनेरी सेवा मंडळाच्या ५८ व्या कबड्डी महोत्सवातील व्यावसायिक गटात बीपीटीने टायब्रेकमध्ये रिजनल स्पोर्ट्स बोर्डावर सनसनाटी विजय मिळवित स्पर्धेच्या उपांत्यफेरती धडक दिली. उपांत्य फेरीत बीपीटीचा मुकाबला वेस्टर्न रेल्वेशी होईल.
शिवनेरी सेवा मंडळ, दादर यांच्या वतीने भवानी माता क्रीडांगणात आयोजित करण्यात आलेल्या या कबड्डी महोत्सवाचे यंदाचे हे ५८ वे वर्ष आहे. या महोत्सवाला निखिल लॉजिस्टिक्सचे संचालक सुरेशभाई कदम यांचे संपूर्ण प्रायोजकत्व लाभले आहे.
व्यावसायिक गटात बीपीटी आणि रिजनल स्पोर्ट्स बोर्ड यांच्यातील सामना ३८-३८ असा बरोबरीत सुटला. त्यानंतर झालेल्या टायब्रेकरमधिल पाच-पाच चढायांमध्ये बीपीटीने ९-३ अशी बाजी मारत विजय मिळवला. बीपीटीकडून चढाईत जयेश महाजन आणि पकडीत आकाश अरसूल यांनी प्रभावी कामगिरी केली. रिजनल स्पोर्ट्स बोर्डकडून चढाईत सुनील दुबळे आणि पकडीत शंकर गदाई यांनी प्रयत्न केले.
व्यावसायिक गटाच्या उपउपांत्य फेरीत वेस्टर्न रेल्वेने सेंट्रल रेल्वे डिव्हिजनचा ४८-२२ असा २६ गुणांनी पराभव केला. वेस्टर्न रेल्वेकडून चढाईत प्रणय राणे आणि पकडीत नितीन कुंभार यांनी महत्त्वपूर्ण कामगिरी केली. सेंट्रल रेल्वे डिव्हिजनकडून चढाईत गणेश भोसले आणि पकडीत दिनेश कोळी यांनी प्रयत्न केले.
इतर उपांत्यपुर्व लढतीत मुंबई पोस्टलने सेंट्रल रेल्वेचा ३९-१२ असा २७ गुणांनी पराभव केला. मुंबई पोस्टलकडून चढाईत सौरभ पाटील आणि पकडीत ओंकार मोरे यांनी विजयात मोलाचा वाटा उचलला. सेंट्रल रेल्वेकडून चढाईत आशीष नरवाल आणि पकडीत अरकम शेख यांनी खेळ केला.
बीपीसीएलने बीएमसीवर ४५-३२ असा १३ गुणांनी विजय मिळवला. बीपीसीएलकडून चढाईत सौरभ राठोड आणि पकडीत हर्ष लाड यांनी प्रभावी कामगिरी केली. बीएमसीकडून चढाईत हर्ष जाधव आणि पकडीत अलंकार चव्हाण यांनी झुंज दिली.
कुमार गटाच्या उपांत्य फेरीत गुड मॉर्निंग स्पोर्ट्स क्लबने अंकुर स्पोर्ट्स क्लबचा ३८-२९ असा ९ गुणांनी पराभव केला. गुड मॉर्निंगकडून चढाईत निलेश मोरे आणि पकडीत आदित्य धुमाळ यांनी चांगला खेळ केला. अंकुर स्पोर्ट्स क्लबकडून चढाईत साई खेरूड आणि पकडीत आर्य दळवी यांनी लढत दिली.
महिला गटाच्या उपांत्य फेरीत शिवशक्ती महिला संघाने मुंबई पोलीस महिला संघाचा ३९-२९ असा १० गुणांनी पराभव केला. शिवशक्तीकडून चढाईत शुभदा खोत आणि पकडीत साधना विश्वकर्मा यांनी दमदार कामगिरी केली. मुंबई पोलीस महिला संघाकडून चढाईत तृप्ती लांडगे आणि पकडीत पूजा पाटील यांनी प्रतिकार केला. दुसऱ्या उपांत्य सामन्यात विवेक महिला संघाने शिरोडकर स्पोर्ट्स क्लबवर ३४-२४ असा १० गुणांनी विजय मिळवला. विवेककडून चढाईत हरजीत संधू आणि पकडीत स्विटी यांनी योगदान दिले. शिरोडकर स्पोर्ट्स क्लबकडून चढाईत साक्षी सावंत आणि पकडीत क्षितिजा हिरवे यांनी संघर्ष केला.
संक्षिप्त धावफलक
बीपीटी (९) विजयी विरुद्ध रिजनल स्पोर्ट्स बोर्ड (३) — पाच-पाच चढायांमध्ये.
विजय क्लब ४९ विजयी विरुद्ध अमर सेवा मंडळ २२.
गुड मॉर्निंग स्पोर्ट्स क्लब ३८ विजयी विरुद्ध अंकुर स्पोर्ट्स क्लब २९.
शिवशक्ती महिला संघ ३९ विजयी विरुद्ध मुंबई पोलीस महिला संघ २९.
विवेक महिला संघ ३४ विजयी विरुद्ध शिरोडकर स्पोर्ट्स क्लब २४.
वेस्टर्न रेल्वे ४८ विजयी विरुद्ध सेंट्रल रेल्वे डिव्हिजन २२.
मुंबई पोस्टल ३९ विजयी विरुद्ध सेंट्रल रेल्वे १२.
बीपीसीएल ४५ विजयी विरुद्ध बीएमसी ३२.