ठाणे: लोकशाहीच्या उत्सवात सहभागी होणाऱ्या मतदार राजासाठी विविध आस्थापनांनी आपल्या उत्पादनावर भरघोस सुट दिली आहे. यामध्ये आता हॉटेल व्यावसायिक देखील सहभागी झाले आहेत. ‘बोटाला मतदान केल्याची शाई दाखवा, आणि १० टक्के डिस्काउंट मिळवा’, अशी योजना कल्याण आणि ठाणे शहरातील प्रमुख हॉटेल व्यावसायिकांनी तयार केली आहे.
निवडणूक आयोग वेगवेगळ्या जाहिराती, पथनाट्याद्वारे मतदारांमध्ये मतदानासाठी जनजागृती करत आहे. त्यांना या कामात महाविद्यालये, शाळा आणि स्वयंसेवी संस्थादेखील मदत करत आहेत. दरम्यान, शहरातील हॉटेल व्यावसायिकांनी देखील मतदानाचा टक्का वाढावा यासाठी पुढाकार घेतला आहे.
रिलायन्सच्या इलेक्ट्रॉनिक स्टोर्सने आपल्या शोरुमधिल उत्पदानांवर मतदान करणाऱ्यांसाठी सुट जाहीर केली आहे. ठाणे आणि कल्याणमधील बहुतांश हॉटेलमध्ये ही सूट उपलब्ध असेल. त्याचबरोबर, शहरामध्ये मिष्टान्नांची विक्री करणाऱ्या काही दुकानांमध्ये देखील खाद्यपदार्थांवर १० ते १५ टक्के सूट देण्यात आली आहे.