नवी मुंबई : ‘स्वच्छ सर्वेक्षण 2024’ अंतर्गत नमुंमपा आयुक्त डॉ. कैलास शिंदे यांच्या मार्गदर्शनाखाली विविध नविन्यपूर्ण उपक्रम राबविले जात असताना या कामात स्वच्छताकर्मींचे महत्वाचे योगदान लक्षात घेऊन त्यांच्या सेवाभावी कामाप्रती…
रमेश औताडे मुंबई : राज्य सरकारी कर्मचारी मध्यवर्ती संघटना आणि बृहन्मुंबई राज्य सरकारी संघटनेने दिलेल्या संपाच्या हाकेनुसार २९ ऑगस्टच्या बेमुदत संपाच्या पार्श्वभूमीवर गुरुवारी मिनिस्ट्रियल स्टाफ असोसिएशन आरोग्य सेवा आयुक्तालय मुंबई आरोग्य भवन येथे द्वार सभेचे आयोजन करण्यात आले होते. महाराष्ट्र राज्य वस्तू व सेवा कर विभागाचे अध्यक्ष संजय मंडले, कोषाध्यक्ष विजय पोस्टूरे तसेच बृहन्मुंबई जिल्हा राज्य सरकारी कर्मचारी संघटनेच्या महिला संघटक कविता ठोंबरे, जी एस टी संघटनेचे संतोष सरवदे उपस्थित होते. यावेळी संजय मंडले यांनी बेमुदत संपाची पार्श्वभूमी सांगत एन पी एस NPS धारकांनी राज्य सरकारी कर्मचाऱ्यांची चळवळ जाणून घेणे आणि राज्य सरकारी कर्मचाऱ्यांच्या नेतृत्त्वाच्या आदेशाचे पालन करुन संपात १००% सहभाग नोंदवावा असे आवाहन केले. या संपामुळे जे लाभ मिळणार आहेत ते मिळवण्याचा जास्तीत जास्त प्रयत्न संपाच्या माध्यमातून करुया तसेच उर्वरित लाभासाठी पुन्हा संघर्षाची तयारी ठेवावी लागली तर पुन्हा तीव्र आंदोलन करण्याची तयारी ठेवा असे मत व्यक्त केले. तर कविता ठोंबरे यांनी विस्तृतपणे संपामध्ये मिळवलेल्या सर्व बाबींची मांडणी केली. महिला वर्गांनी सुद्धा नेहमीप्रमाणे याही संपामध्ये १०० टक्केसहभाग नोंदवावा अशी अपेक्षा व्यक्त करुन संघशक्तीचे दर्शन घडवावे असे आवाहन केले. द्वारसभेच्या दरम्यान, स्थानिक संघटनेचे अध्यक्ष विलास तरटे, उपाध्यक्ष जितेंद्र नागवेकर व सचिव बाबासाहेब साळवे इतर पदाधिकारी आणि आरोग्य भवन विभागातील बहुसंख्य कर्मचारी उपस्थित होते. ०००००
कर्जत : कर्जतचे नांव ‘पुस्तकाचे गाव’ मध्ये समाविष्ठ करा, असे कर्जत जि.रायगड मधील साहित्यप्रेमी व्यक्ती व जागृत पत्रकार व विविध संस्थाना विनम्र आवाहन दिलीप प्रभाकर गडकरी यांनी केले आहे. वेल्समधील ‘पुस्तकांचे गाव’ या संकल्पनेच्या धर्तीवर महाराष्ट्र शासनाने काही वर्षांपूर्वी ही योजना अमलात आणली.या अंतर्गत सातारा जिल्यातील वाई तालुक्यातील भिलार येथे पहिले पुस्तकांचे गाव आकारास आले. या संकल्पनेचे मराठी भाषाप्रेमी , साहित्यिक ,लेखक , पर्यटक या सर्वांकडून मोठ्या प्रमाणात स्वागत करण्यात आल्याने आता या योजनेचा विस्तार करण्याचे धोरण महाराष्ट्र शासनाने ठरवल्याचे मराठी भाषा खात्याचे राज्यमंत्री डॉ.विश्वजित कदम यांनी पत्रकारांना सांगितले. यानुसार पुणे महसूल विभागातून औदुंबर जि.सांगली ,औरंगाबाद विभागातून वेरूळ जि.औरंगाबाद , नागपूर विभागातून नवेगाव बांध जि.गोंदिया आणि कोकण विभागातून पोंभुर्ले जि.सिंधुदुर्ग या चार गावांची निवड करण्यात आली आहे.या गावांना साहित्याची पार्श्वभूमी आहे असे म्हणतात. या गावांच्या पार्श्वभूमीचा विचार केल्यास कोकण विभागातील रायगड जिल्ह्यातील मुंबई पुण्याच्या मध्यावर असलेले कर्जत सुध्दा या पंक्तीत बसू शकते. कर्जत शहराच्या मध्यभागी असलेली जीवन शिक्षण मंदिर ही शाळा १८९४ साली सुरू झाली.१२८ वर्ष पूर्ण केलेल्या हया शाळेत राम गणेश गडकरी, र.वा.दिघे आणि प्रबोधनकार ठाकरे यांचे शिक्षण झाले आहे.सध्या रायगड जिल्हापरिषदेच्या ताब्यात असलेल्या हया शाळेत दहा खोल्या असून राम गणेश गडकरी सभागृह नावाचा हॉल आहे.हया शाळेत पहिली ते सातवी पर्यंत अवघे चाळीस विद्यार्थी आहेत.त्यांची इतरत्र सोय करून पुस्तकाचे गाव या योजनेअंर्तगत विविध प्रकारच्या साहित्य , कथा , कादंबरी , आत्मचरित्र , प्रवासवर्णनपर ग्रंथांनी सुसज्य अशी भव्यदिव्य दालने कमीतकमी खर्चात उभी करणे शक्य आहे. ह्याच भागात असलेल्या सभागृहाचा वापर प्रदर्शन भरवणे , व्याख्याने आयोजित करणे इत्यादी कामासाठी होऊ शकेल.शासनाने हा उपक्रम थोर साहित्यिकांच्या पदस्पर्शाने पावन झालेल्या १२८ वर्षाच्या जुन्या ऐतिहासिक वास्तूत राबवला तर हया तीन महान साहित्यिकांचे एकत्रित भव्य स्मारक उभे राहील आणि साहित्यप्रेमींच्यासाठी विशेष आकर्षण ठरून महाराष्ट्रातील सर्व पुस्तकांच्या गावात कर्जतच्या गावाचा नंबर वरचा राहील यात शंकाच नाही. कर्जत शहर हे मुंबई-पुणे यांच्या मध्यभागी असल्याने पर्यटकांना रेल्वेने अथवा रस्त्याने प्रवास करणे सोयीचे ठरेल. यापूर्वी कर्जत येथे अनेक साहित्यिक उपक्रम राबवले गेले. अभिनव ज्ञान मंदिर या शाळेचे मुख्याध्यापक कमलाकर वारे यांच्या प्रयत्नाने अडीच हजार विद्यार्थांचे बालसाहित्य संमेलन आयोजित करण्यात आले होते. साहित्यप्रेमींनतर्फे जिल्हास्तरीय साहित्य संमेलन, ग्रामीण साहित्य संमेलन आयोजित केले होते. त्यानिमित्त ज्येष्ठ साहित्यिक मधु मंगेश कर्णिक, नारायण सुर्वे, वि.आ.बुवा, रामदास फुटाणे, प्रवीण दवणे,गिरिजा कीर, ज्येष्ठ कवी अरुण म्हात्रे इत्यादी अनेक साहित्यिकांना निमंत्रित केले होते.कर्जतमध्ये राम गणेश गडकरी , र.वा.दिघे , प्रबोधनकार ठाकरे , चि.त्र्यं. खानोलकर ह्यांचे काही काळ वास्तव्य होतेच परंतु स्थानिक साहित्यिकांनी सुध्दा कर्जतचे नांव उज्वल केले आहे. कै.गजानन रघुनाथ मुळे ,मोरेश्वर शास्त्री काळे , श्री सदाशिव रहातेकर यांनी संस्कृत भाषेतील साहित्याचे मराठीत भाषांतर करून मराठी साहित्यात भर घातली. पद्माकर वैद्य , श्री वसंतराव जोशी , अँड.गोपाळ शेळके , साहेबराव गायकवाड , बबन गायकवाड , कवी अशोक अभंगे , शीघ्र कवी चंद्रकांत कडू , डॉ.विलासीनी आरेकर , प्रा.डॉ.नितीन आरेकर , अनुपमा कुळकर्णी, मृदुला गडणीस, मीरा वैद्य , पद्मा कुलकर्णी इत्यादी अनेक साहित्यिकांनी कर्जतचे नांव उज्वल केले आहे.…
अशोक गायकवाड रायगड : राज्यातील सर्व व्यवस्थापनांच्या व सर्व माध्यमांच्या शाळांमधील शिक्षक, पालक, विद्यार्थी व माजी विद्यार्थी यांच्यात शाळेप्रती उत्तरदायित्वाची भावना निर्माण व्हावी, गुणवत्ता वाढ व त्यायोगे स्पर्धात्मक वातावरणातून विद्यार्थ्यांना शिकण्यासाठी आनंददायी व प्रेरणादायी वातावरण मिळावे तसेच शाळेचा सर्वागीण विकास करणे यासाठी भारतरत्न डॉ.बाबासाहेब आंबेडकर आदर्श शाळा योजनेंतर्गत ‘मुख्यमंत्री माझी शाळा, सुंदर शाळा’ या अभियानाचा कालावधी २९ जुलै ते १५ सप्टेंबर २०२४ हा ठरविण्यात आला आहे. या अभियानाच्या टप्पा २ मध्ये जिल्ह्यातील सर्व शाळांनी अभियानात सहभागी व्हावे असे आवाहन जिल्हा परिषद मुख्य कार्यकारी अधिकारी डॉ भरत बास्टेवाड यांनी केले आहे. या अभियानात सहभागी होणाऱ्या शाळांचे पुढील मुद्दयांच्या आधारे गुणांकन करण्यात येईल. पायाभूत सुविधा ३३ गुण, शासन ध्येय धोरण अंमलबजावणी ७४ गुण, शैक्षणिक संपादणूक ४३ गुण. तालुकास्तरावरील मुल्यांकनाचे कार्य- प्राथमिक स्तरावरील मुल्यांकन समितीचे अध्यक्ष केंद्रप्रमुख हे आहेत. तालुका स्तरावरील मुल्यांकन समितीचे अध्यक्ष गट विकास अधिकारी, पंचायत समिती हे आहेत. जिल्हास्तरावरील मुल्यांकन समितीचे अध्यक्ष मुख्य कार्यकारी अधिकारी, जिल्हा परिषद हे आहेत. पारितोषिके:- तालुकास्तरावर स्थानिक स्वराज्य संस्थांच्या शाळांमधून प्रथम क्रमांक ३ लक्ष, द्वितीय क्रमांक ३ लक्ष, तृतीयक्रमांक- ३ लक्ष. इतर व्यवस्थापनांच्या शाळांमधून प्रथम क्रमांक ३ लक्ष, व्द्वितीय क्रमांक २ लक्ष, तृतीयक्रमांक १ लक्ष. जिल्हास्तरावर स्थानिक स्वराज्य संस्थांच्या शाळांमधून प्रथम क्रमांक ११ लक्ष, द्वितीय क्रमांक ५ लक्ष, तृतीय क्रमांक -३ लक्ष. इतर व्यवस्थापनांच्या शाळांमधून प्रथम क्रमांक ११ लक्ष, द्वितीय क्रमांक ५ लक्ष, तृतीयक्रमांक ३ लक्ष, अशाप्रकारे रायगड जिल्हयात बक्षिसे मिळणार आहेत.
मुंबई: राज्याच्या विविध भागात महिलांवरील अत्याचाराच्या पार्श्वभूमीवर अंधेरी (पश्चिम) येथील भाजपचे आमदार अमीत साटम यांनी झोन-९ चे पोलीस उपायुक्त राज टिळक रौशन यांना पत्र लिहून बीएमसी, शासन अनुदानित, ICSE आणि…
१ सप्टेंबरला तबला वादन स्पर्धा मुंबई : दादर माटुंगा सांस्कृतिक केंद्रातर्फे रविवार, १ सप्टेंबर या दिवशी सकाळी ९.३० वाजता तबला वादन स्पर्धा आयोजित केली आहे. स्पर्धा अव्यावसायिक कलाकारांसाठी आहेत. या दिवशी १० ते १५ वर्षे या छोट्या गटात स्पर्धा घेतल्या जातील. अधिक माहितीसाठी संपर्क ०२२-२४३०४१५०, www.dadarmatungaculturalcentre.org ०००००
मॅन्युअल स्कॅवेंजिंग संदर्भात ठाणे : मॅन्युअल स्कॅवेंजिंग विरूद्ध कायद्याअंतर्गत मॅन्युअल स्कॅवेंजिंगच्या घटना कळवण्यासाठी या विषयावरील जिल्हा समितींचे आणि दक्षता समितींचे वेगळे ईमेल पत्ते आणि सोशल मीडिया हँडल्स लगेच म्हणजे पुढच्या ९ सप्टेंबरला होणाऱ्या सुनावणीआधी स्थापन करावेत, असा स्पष्ट आदेश मुंबई उच्च न्यायालयाने महाराष्ट्र सरकारला दिला आहे. महाराष्ट्र राज्यातील मॅन्युअल स्कॅवेंजिंग घटनांबद्दल सरकारकडून नोडल ऑफिसर आणि सामाजिक न्याय विभागाचे आयुक्त प्रवीण पुरी यांनी दाखल केलेल्या अहवालात म्हंटले आहे की, महाराष्ट्रातील सर्वच्या सर्व ३६ जिल्ह्यातून मॅन्युअल स्कॅवेंजिंग हद्दपार झालेले आहे. या विरुध्द श्रमिक जनता संघाने याचिका दाखल केली होती की हा अहवाल चुकीचा आहे आणि राज्यात अशा घटना अद्यापही घडत आहेत हे पुराव्याने दाखवून दिले होते. न्यायालयाच्या या आदेशाचे श्रमिक जनता संघाने स्वागत केले आहे. या याचिकेवर मुंबई उच्च न्यायालयाचे न्यायाधीश नितीन जमादार आणि एम. एम. साठये यांनी काल आपला निर्णय देताना महाराष्ट्र सरकारला दिलेल्या आदेशात पुढे म्हटले आहे की, ईमेल व सोशल हॅंडल्समुळे कोणीही व्यक्ती किंवा सामाजिक संस्थांना अशा घटना रिपोर्ट करायला सुविधा होईल आणि जिल्हा पातळीवरील समिती आणि दक्षता समितींना ही माहिती लगेच मिळू शकेल. त्यांनी पुढे राज्याच्या समाज कल्याण विभागास आदेश दिला आहे की, त्यांनी या कायद्याअंतर्गत स्थापन झालेल्या सर्व समितींची एकत्रित माहिती त्यांच्या वेबसाइट वर प्रसिद्ध करावी. मॅन्युअल स्कॅवेंजिंग कुठेही होत नाही हे पाहणे हे समाज कल्याण खात्याचे वैधानिक कर्तव्य पार पाडण्यास ईमेल आणि सोशल मीडिया वर आलेल्या माहितीमुळे मदत होईल. त्यांनी पुढे असेही नमूद केले आहे की हे सगळे आधीच्या २०१३ च्या कायद्याने दिलेल्या कर्तव्यांच्या बरोबरीने करायचे आहे. कोर्टाने पुढे सूचना केली की दक्षता समितीच्या बैठका ठराविक दिवसांनी नियमित व्हाव्या आणि त्या मीटिंगचे इतिवृतांत वेबसाइट वर अपलोड करावे. श्रमिक जनता संघाच्या वतीने ज्येष्ठ विधिज्ञ गायत्री सिंह, सुधा भारद्वाज आणि नवाज दोर्डी यांनी खटला लढवला. महाराष्ट्र राज्याच्या वतीने जेष्ठ विधिज्ञ राम आपटे, अजित पितळे आणि हर्षद नहाता यांनी बाजू मांडली. 00000
केतन खेडेकर मुंबई : गिरगावातील मुगभाट क्रॉस लेन इथल्या विठ्ठल मंदिरत दक्षिण मुंबई दैवज्ञ समाज महिला मंडळच्या वतीने सामूहिक मंगळागौरीचे आयोजन करण्यात आले होते. ह्या प्रसंगी सकाळी शुभमुहूर्तावर करण्यात आलेल्या मंगळागौरी पूजनाचा मान नुकत्याच लग्न बंधनात बांधल्या गेलेल्या नऊ वधूंना देण्यात आला होता. त्यामुळे नववधूंच्या चेहऱ्यावरचा आनंद द्विगुणित व गगनात मावेनासा झाला होता.मंदिराचे सभागृह सकाळपासूनच महिलांनी खचाखच भरून गेले होते.ह्या वेळेस ५०० हून अधिक महिलांनी हजेरी लावत ह्या सामूहिक मंगळागौरी कार्यक्रमाचा भरघोस आनंद लुटला. सकाळी मंगळागौरी पूजन आटपल्यानंतर दुपारी काही काळ विश्रांती घेतल्यावर सर्व महिला भगिनींची पावले पुन्हा विठ्ठल मंदिराच्या दिशेने वळू लागली होती आणि पहतपहता मंदिराचे संपूर्ण सभागृह महिलांनी पुन्हा गच भरून गेले होते. संध्याकाळी मंगळागौरीचे खेळ सरू होण्यापूर्वी महिलांच्या अंगात नवचैतन्य आणि ऊर्जा निर्माण करण्यासाठी आयोजकान तर्फे संध्याकाळच्या सुमारास थालीपीठ, बिरड आणि शिरा अशा प्रकारच्या पौष्टिक नाश्त्याची खास सोय करण्यात आली होती. भेदभाव न करता सर्व जाती-धर्मातील महिलांसाठी हा कार्यक्रम आयोजित केला जात असल्याचे अध्यक्ष कमलाक्षी उसपकर यांनी सांगितले. मंगळागौरीला विविध खेळ खेळत जागरण करण्याची अगदी पूर्वपार काळापासून परंपरा चालत आलेली आहे. यामध्ये मंगळागौरीची आरती केल्यानंतर रात्रीच्या वेळेस अनेक विधी आणि जुनी गाणी म्हणत लाट्या बाई लाट्या सारंगी लाट्या, फू बाई फू, अठूडं केलं गठूडं केलं अशी पारंपरिक गाणी आणि खेळ खेळत अनुभवी महिलां सोबत नववधूंनी देखील या कार्यक्रमात सामील होऊन खूपच मज्जा लुटली . नऊवारी साडी, नाकात पारंपरिक नथ, दागिने असा पेहराव करत नववधू देखील हौशीने सहभागी झाल्या होत्या. सामूहिक मंगळागौर कार्यक्रम सुरू करून आज ३२ वर्षे उलटली आहेत. मंगळागौरी पूजनाला सकाळी नववधुना पूजनाचा मान दिला जातो. मंगळागौरीचे २५ वे वर्ष मोठ्या थाटामाठात आणि धुमधडाक्यात साजरे करण्यात आले होते त्यावेळेस जवळ जवळ दोन हजारहून जास्त महिला सहभागी झाल्या होत्या. हा कार्यक्रम एका मोठ्या सभागृहात पार पडला होता. कल्याण, डोंबिवली, विरार, भांडुप,खार,सांताक्रुज, पनवेल येथून महिला मंडळी नववधूंना सोबत घेऊन कार्यक्रमात सहभागी झाल्या होत्या. अशा प्रकारचे सामूहिक मंगळागौर पूजन कुठेही होत नाही. आमच्या भगिनी स्टेशन करत असतात अशी माहिती दक्षिण मुंबई दैवज्ञ महिला समाजाचा उपाध्यक्ष कविता साने यांनी दिली.
डिवाईन विन्सपायर फाउंडेशनच्या मुंबई : खाजगी रुग्णालयात रुग्णांवर उपचार करणे सामान्यांसाठी खर्चिक असल तरी, भांडुप परिसरात अल्प किमतीत उपचार मिळावेत यासाठी रुग्णालय सुरू करण्यात आले आहे. डिवाईन विन्सपायर फाउंडेशन यांच्या ‘एन व्ही झाल्टे मॅटर्निटी अँड जनरल हॉस्पिटल’चे उद्घाटन नुकतच झाले असून, या हॉस्पिटल मध्ये जनरल फिजिशियन, आर्थो, डेंटल सोनोग्राफी, इसिजी सारख्या अनेक गोष्टी चॅरिटेबल दरात करण्याची सोय आहे. भांडुप पश्चिम फरीद नगर, बी पी ई एस शाळे जवळ डिवाईन विन्सपायर फाउंडेशन यांचे एन व्ही झालटे मॅटर्निटी अँड जनरल हॉस्पिटल चालू करण्यात आले आहे. या हॉस्पिटलच्या उद्घाटनाचे सूत्रसंचालन श्री किरण खोत यांनी केले तसेच या प्रसंगी स्पिरिच्युअल बिजनेस कोच श्री. शशिकांत खामकर, विनर्स एजुकेशन चॅरिटेबल ट्रस्ट च्या सौ. ज्योती खामकर, खासदार संजय दिना पाटील, आमदार श्री रमेश कोरगावकर, माजी आमदार श्री अशोक पाटील, सिनिअर पोलीस ऑफिसर श्री दत्तात्रय खंडागळे, पराग विद्यालयाचे संस्थापक श्री बाळकृष्ण बने , श्री भास्कर विचारे, श्री भास्कर विचारे, श्री संदिपभाई जळगावकर, सौ. जागृतीताई पाटील , सौ. प्रांजलताई जाधव आणि ॲड. धनंजय भोसले इ. मान्यवर उपस्थित होते. चॅरिटेबल ट्रस्ट च्या माध्यमातून या हॉस्पिटल मध्ये उपचार केले जाणार आहे. सर्वसामान्यांना स्वस्तात उपचार मिळावेत या एका हेतून हॉस्पिटल चालू करण्यात आले असल्याची माहिती डिवाईन विन्सपायर फाउंडेशन चे संस्थापक डॉ. आशिष दामा,सौ. कविता बागवे, श्री. वैभव बागवे, श्री. गौतम पटाडे, श्री. अविनाश चौगुले आणि सौ. राणी कुशारे दिली. हॉस्पिटल मध्ये जनरल फिजिशियन, आर्थो, डेंटल सोनोग्राफी, इसिजी, बालरोग, त्वचारोग, स्त्रीरोग, लसी करण आदो अद्यावत सुविधा ठेवण्यात आल्या असून, तज्ञ डॉक्टर या हॉस्पिटल मध्ये रुग्णांवर उपचार करणार आहेत. 0000
