ठाणे – कोपरी – पाचपाखाडी विधानसभा मतदार संघातून मुख्यमंत्री एकनाथ शिंदे हे १ लाख ५९ हजार ६० मतांनी विजयी झाले आहेत. एकनाथ शिंदे यांना १ लाख २० हजार ७१७ इतक्या फरकाने विजयी मिळवली.
कोपरी – पाचपाखडी विधानसभा मतदार संघातून दिवंगत धर्मवीर आनंद दिघे यांचे शिष्य मुख्यमंत्री एकनाथ शिंदे विरुद्ध दिघे यांचे पुतणे केदार दिघे यांची महत्वाची लढत मानली जात होती. प्रचारा दरम्यान, धर्मवीर आनंद दिघे आणि हिंदुहृदयसम्राट बाळासाहेब ठाकरे यांच्या विचारांचे वारसदार, लाडकी बहिण योजना, शेतकऱ्यांसाठी राबविलेल्या योजना, महिला सशक्तीकरण, युवांसाठी योजना, वीज सवलत असे मुद्दे एकनाथ शिंदे यांच्या प्रचारात मांडण्यात आले होते.
मुख्यमंत्री एकनाथ शिंदे हे १ लाख २० हजार ७१७ मतांची आघाडी घेत , त्यांचा बालेकिल्ला अबाधित ठेवला आहे. त्यांना या निवडणुकीत एकूण १ लाख ५९ हजार ६० इतकी मते मिळाली आहेत. तर, उबाठा गटाचे केदार दिघे यांना ३८,३४३ इतकी मत मिळाली असून त्यांचा पराभव झाला आहे.
याचं मतदार संघातून काँग्रेस चे बंडखोर उमेदवार मनोज शिंदे देखील अपक्ष उभे होते. परंतु, त्यांना नोटा पेक्षाही कमी मतांवर समाधान मानावे लागले आहे. या मतदार संघातून नोटाला २ हजार ६७६ इतके तर, मनोज शिंदे यांना १, ६५३ इतके मत पडली आहेत.