Month: December 2024

मद्यधुंद खासगी बस चालकावर कारवाई   कल्याण : उल्हासनगर येथील २६ खेळाडू विद्यार्थ्यांना विरार येथे घेऊन जाणाऱ्या खासगी बसच्या चालकाने मद्य सेवन केले होते. या बसचा चालक शुक्रवारी उल्हासनगर येथून निघून कल्याण शहरातून बस घेऊन जात होता. बस चालक वेडीवाकडी बस चालवत असल्याचे कल्याणमधील वाहतूक पोलिसाच्या निदर्शनास आले. पोलिसाने तात्काळ त्या बसला रोखून बस चालकाची मद्यसेवन तपासणी केली. चालकाने मद्य सेवन केले असल्याचे पोलिसांच्या निदर्शनास आले. मद्यधुंद अवस्थेत बस चालकाने ही बस विरारपर्यंत नेण्याचा प्रयत्न केला असता तर वाटेत या बसची दुर्घटना घडण्याची शक्यता होती, अशी भीती वाहतूक पोलिसांनी व्यक्त केली. पोलिसांनी तात्काळ या बस चालकाला बसमधून उतरवून त्यांना मद्य सेवन करून बस चालविल्याबद्दल दहा हजार रूपयांचा दंड ठोठावला, अशी माहिती कल्याण वाहतूक विभागाचे वरिष्ठ पोलीस निरीक्षक राजेश शिरसाट यांनी दिली. वाहतूक पोलिसांनी दिलेली माहिती, अशी उल्हासनगर येथील एक खासगी बस जग्गु ॲकेडमीतील २६ विद्यार्थ्यांना घेऊन विरार येथे फूटबाॅल खेळण्यासाठी चालली होती. विरार येथील ग्लोबल शाळेत फूटबाॅल स्पर्धा होत्या. शुक्रवारी उल्हासनगर येथून विद्यार्थ्यांना घेऊन निघालेली खासगी बस कल्याणमध्ये वालधुनी पुलावरून सुभाष चौकाकडे येत होती. रस्त्यावर वाहतूक नियोजनाचे काम करत असलेल्या वाहतूक पोलीस सुरेश पाटील यांना खासगी बस चालक वाहतूक कोंडी नसताना बस वेडीवाकडी, वाहतुकीचे नियम तोडून चालवित असल्याचे लक्षात आले. वाहतूक पोलीस पाटील यांना बस चालका विषयी संशय आल्याने वाहतूक पोलिस पाटील यांनी तात्काळ पुढे जाऊन उल्हासनगरहून आलेल्या बस चालकाला बस थांबण्याचा इशारा केला. बस रस्त्याच्या बाजुला घेऊन वाहतूक पोलीस सुरेश पाटील यांनी जवळील ब्रेथ ॲनालायझरच्या साहाय्याने खासगी बस चालक सुरेंद्र प्रसाद गौतम यांची मुख तपासणी केली. या तपासणीत चालक गौतम यांनी मद्यसेवन केले असल्याचे आढळले. वाहतूक विभागाचे पथक तात्काळ घटनास्थळी दाखल झाले. खासगी बस चालकाच्या मालकाला ही माहिती देण्यात आली. विद्यार्थ्यांची गैरसोय होणार नाही असे नियोजन करून उल्हासनगरची खासगी बस कल्याणच्या वाहतूक विभागाने जप्त केली. वाहतूक पोलीस सुरेश पाटील यांच्या सतर्कतेमुळे मोठी दुर्घटना टळली. वाहतूक विभागाच्या वरिष्ठांनी पाटील यांच्यासह पथकाचे कौतुक केले. उल्हासनगर मधील एक खासगी बसचा चालक विद्यार्थी घेऊन विरार येथे जात होता. या बसच्या चालकाने मद्यसेवन केले असल्याने त्यांच्यावर दहा हजार रूपये दंडाची कारवाई करून बस जप्त करण्यात आली. हवालदार पाटील यांच्या हा प्रकार वेळीच निदर्शनास आल्याने मोठी दुर्घटना टळली. राजेश शिरसाट वरिष्ठ पोलीस निरीक्षक, वाहतूक विभाग. कल्याण.

 परिवहन मंत्री प्रताप सरनाईक यांची इच्छा   ठाणे : जेव्हापासून एकनाथ शिंदे यांच्याकडे ठाणे जिल्ह्याचे पालकमंत्री पद आले. तेव्हापासून ठाणे जिल्ह्याला विकासाची नवी झळाळी मिळाली. ठाणे जिल्हा विकासाकडे जाऊ लागला. मुख्यमंत्रीपदाच्या कार्यकाळात त्यांनी जिल्ह्याला करोडो रुपयांचा निधी उपलब्ध करून ठाणे जिल्ह्याला वेगळ्या उंचीवर नेऊन ठेवले. त्यामुळे ठाणे जिल्ह्याचे पालकमंत्रीपद एकनाथ शिंदे यांनाच मिळावे अशी इच्छा परिवहन मंत्री प्रताप सरनाईक यांनी व्यक्त केली. पालकमंत्री पदावरून महायुतीमधील तिन्ही पक्षांमध्ये रस्सीखेच सुरू आहे. ठाणे जिल्ह्यात एकनाथ शिंदे, गणेश नाईक आणि प्रताप सरनाईक यांना मंत्रीपद मिळाले आहे. त्यामुळे ठाणे जिल्ह्यात कोणाला पालकमंत्री पद मिळेल यावरून चर्चा सुरू आहे. रविवारी खोपट आगाराच्या पाहाणी वेळी उपमुख्यमंत्री एकनाथ शिंदे यांनी पालकमंत्री पद स्विकारावे अशी इच्छा परिवहन मंत्री प्रताप सरनाईक यांनी व्यक्त केली. जेव्हापासून एकनाथ शिंदे यांच्याकडे ठाणे जिल्ह्याचे पालकमंत्री पद आले. तेव्हापासून ठाणे जिल्ह्याला विकासाची नवी झळाळी मिळाली. ठाणे जिल्हा विकासाकडे जाऊ लागला. मुख्यमंत्रीपदाच्या कार्यकाळात त्यांनी जिल्ह्याला करोडो रुपयांचा निधी उपलब्ध करून ठाणे जिल्ह्याला वेगळ्या उंचीवर नेऊन ठेवले. त्यामुळे शिंदे यांनीच ठाणे जिल्ह्याचे पालकमंत्री पद स्विकारावे आणि ठाणे जिल्ह्याचा विकास करावा असे सरनाईक म्हणाले. 00000

 खोपट बस स्थानकाची केली पाहणी   ठाणे : नुकतेच राज्याच्या मंत्रिमंडळाचे खाते वाटप करण्यात आले. राज्याच्या परिवहन मंत्री पदाची प्रताप सरनाईक यांना जबाबदारी देण्यात आली. लगेच रविवारी सकाळी प्रताप सरनाईक यांनी खोपट येथील बस स्थानकाचा आढावा घेतला. एकनाथ शिंदे यांनी १५ फेब्रुवारी २०२४ रोजी खोपट बस आगार येथे इलेक्ट्रिक बस सेवा उद्घाटन प्रसंगी परिवहन सेवा, बस आगार व कर्मचाऱ्यांना मिळणाऱ्या सुविधा सुधारण्याकरिता काही सूचना दिल्या होत्या. सदर सूचनांची अंमलबजावणी प्रत्यक्षात झाली की नाही हे पाहण्याकरिता परिवहन मंत्री प्रताप सरनाईक यांनी खोपट बस आगार भेट देऊन तेथील सेवा, व्यवस्थापन आणि कर्मचाऱ्यांच्या सुविधांबाबत आढावा घेतला.प्रवाशांसाठी अधिक चांगल्या सोयी-सुविधा पुरवण्यासाठी तसेच कर्मचाऱ्यांना कामाचे सुसज्ज वातावरण देण्यासाठी संबंधित अधिकाऱ्यांना तातडीच्या सूचना दिल्या. बस आगारात स्वच्छता गृह, प्रतीक्षालय आणि पिण्याच्या पाण्याच्या सुविधा उभारण्याचे निर्देश दिले. तसेच तेथील नागरिकांशी संवाद साधत त्यांच्या समस्या जाणून त्या सोडवण्यासाठी संबंधित अधिकाऱ्यांना निर्देश दिले.खोपट बस आगारातील अतिक्रमण तसेच गर्दुल्ले यांचा वावर त्वरित थांबवण्यात यावा अशा सूचना संबंधित अधिकाऱ्याला दिल्या. तसेच राज्यातील सर्वच बस आगारांना भेट देऊन तेथील नियोजन व समस्यांचा आढावा घेणार आहे, असे परिवहन मंत्री प्रताप सरनाईक यांनी सांगितले. ०००००

माथेरान : शाळांना सुटट्या पडायला लागल्या आहेत. त्यामुळे पर्यटक सहकुटूंब पर्यटनासाठी घराबाहेर पडण्याच्या तयारीत आहेत.मुंबई आणि पुण्याच्या पर्यटकांसाठी रायगड जिल्ह्यातील सर्वात आवडते ठिकाण म्हणजे माथेरान होय आहे.हिवाळ्यात नाताळच्या सुट्टीमध्ये येणार्‍या…

ठाणे : भारतातील बंदर व गोदी कामगारांचा वेतन करार २७ सप्टेंबर २०२४  रोजी झाला असून,  या वेतन कराराची अंमलबजावणी जानेवारी २०२५ पासून होणार आहे.  असे ज्येष्ठ कामगार नेते ॲड. एस. के. शेट्ये यांनी…

 अटलबिहारी वाजपेयी जयंतीदिनी भाजपाचे जिल्हाध्यक्ष संजय वाघुले व विश्वास सामाजिक संस्थेतर्फे आयोजन   ठाणे :  माजी पंतप्रधान अटलबिहारी वाजपेयी यांच्या जन्मशताब्दी वर्षानिमित्ताने भाजपा ठाणे शहर जिल्हा अध्यक्ष व माजी ज्येष्ठ नगरसेवक संजय वाघुले व भाजपा महिला मोर्चाच्या नौपाडा मंडल अध्यक्षा वृषाली वाघुले यांच्या वतीने ठाण्यात २५ डिसेंबर रोजी बुधवारी अटल संध्या कार्यक्रम आयोजित करण्यात आला आहे. नौपाड्यातील भगवती शाळेच्या मैदानावर सायंकाळी ६ वाजता सुमधूर गीतांच्या माध्यमातून अटलबिहारी वाजपेयी यांना आदरांजली अर्पण केली जाईल. या कार्यक्रमात गायिका मधुरा देशपांडे, गायक सर्वेश मिश्रा, प्रीती निमकर-जोशी आणि अनिल वाजपेयी यांची मराठी-हिंदी गीतांची मैफल रसिकांना अनुभवता येईल. समीरा गुजर-जोशी यांच्याकडून निवेदन केले जाईल. या कार्यक्रमासाठी नागरिकांना मोफत प्रवेश दिला जाणार आहे. संपर्क : ९३२११९३७७५ रेल्वे स्टेशनबाहेर रक्तदान शिबीर स्वर्गीय अटल बिहारी वाजपेयी यांच्या जयंतीनिमित्ताने दरवर्षी विश्वास सामाजिक संस्थेचे अध्यक्ष व माजी ज्येष्ठ नगरसेवक संजय वाघुले व भाजपा नौपाडा मंडल महिला मोर्चा अध्यक्षा वृषाली वाघुले यांच्याकडून ठाणे रेल्वे स्टेशनजवळ भव्य रक्तदान शिबीर भरविण्यात येते. यंदा १९ व्या वर्षीही शिबिराची परंपरा कायम सुरू राहणार आहे. यंदा अटलबिहारी वाजपेयी यांच्या जन्मशताब्दीवर्षानिमित्त सॅटीस प्रकल्पालगत २५ डिसेंबर रोजी बुधवारी सकाळी ९ ते दुपारी दोनपर्यंत शिबीर भरविण्यात येणार आहे. या शिबिरात रक्तदान करून नागरिकांनी पवित्र राष्ट्रीय कर्तव्य बजावावे, असे आवाहन संजय वाघुले यांनी केले आहे. 000000

ठाणे शहरातील अनधिकृत होर्डिंगवरून शपथपत्र सादर करण्याचे पालिका प्रशासनाला आदेश ठाणे : ठाणे शहरातील भल्यामोठ्या ४९ अनधिकृत होर्डिंगवर कागदोपत्री कारवाईचा दिखावा करणाऱ्या ठाणे महापालिका प्रशासनाला उच्च न्यायालयाने शुक्रवारी फटकारले. तसेच पालिकेला शपथपत्र सादर करण्यास सांगून ठोस कारवाईचे आदेश दिलेत. घाटकोपर येथील होर्डिंग दुर्घटनेनंतर ठाणे महापालिकेने बेकायदा होर्डिंगवर कारवाई केली होती. मात्र ठाणे महापालिकेने किती फलकांवर काय कारवाई केली याबाबत संदिग्धता होती. त्यामुळे महाराष्ट्र नवनिर्माण सेनेचे ओवळा-माजिवडा विधानसभा विभाग अध्यक्ष संदीप पाचंगे यांनी माहिती घेतली व त्यात धक्कादायक माहिती उघडकीस आली.  ठाणे महापालिका आयुक्तांना निवेदन देऊनही गेली अनेक वर्षे महापालिकेची फसवणूक करणाऱ्या होर्डिंग व्यवसायिकांसह, चुकीचा स्थळ पाहणी अहवाल देणाऱ्या जाहिरात विभागातील अधिकाऱ्यांवर फौजदारी कारवाई करण्याची मागणी केली होती. महापालिकेच्या निष्क्रिय कारभाराला कंटाळून वकील सागर जोशी यांच्यामार्फत संदीप पाचंगे यांनी उच्च न्यायालयात जनहित याचिका दाखल केली आहे. त्यावर शुक्रवारी झालेल्या सुनावणीत महापालिकेची बाजू मांडणारे वकील मंदार लिमये यांना कोर्टाने खडेबोल सुनावले. महापालिकेने ११ कोटी रूपयांचा दंड ४९ जाहिरात फलक कंपन्यांना ठोठावला होता तसेच वसूल करायला ७ दिवसांची वेळ दिली होती मात्र महापालिका राजकीय दबावामुळे कारवाई करण्यास टाळाटाळ करत आहे. अनधिकृत ४९ होर्डिंगवर काय कारवाई केली, याची माहिती सादर करण्यास सांगण्यात आले होते. मात्र, फलकांचा वाढीव आकार कमी करण्याचे आदेश देण्याशिवाय महापालिकेने काहीच कारवाई केलेली नाही. काही जाहिरात कंपन्यांकडून वारंवार नियमांचे उल्लंघन करून भलेमोठे फलक लावण्यात आले आहेत. महापालिका अकार्यक्षम आहे किंवा होर्डींग व्यवसायात भागीदार आहे असे कडक ताशेरे मुख्य न्यायमूर्ती देवेंद्रकुमार उपाध्याय आणि न्यायमूर्ती अमित बोरकर यांच्या खंडपीठाने ओढले. कोर्टाने आता संपूर्ण ठाणे शहरातील जाहिरात फलकांबाबत काय कारवाई करणार आहात याचे शपथपत्र पुढील तारखे आधी देण्यास सांगितले आहे. चौकाचौकात मृत्यूचे सापळे ठाणे महापालिकेने प्रत्यक्षात किती फलकांवर कारवाई झाली आणि उर्वरित फलकांचे काय झाले याबाबत स्पष्टता नव्हती. या कारवाईमुळे बेकायदेशीर होर्डिंग रोखण्यास मदत होईल आणि शहराचे सौंदर्यही टिकून राहील. तसेच नागरिकांच्या सुरक्षिततेलाही धोका निर्माण होणार नाही. होर्डिंग्जच्या नियंत्रणाबाबत ठोस धोरण आखण्याची आणि त्याची कठोर अंमलबजावणी करण्याची गरज असल्याचे मत संदीप पाचंगे यांनी व्यक्त केले आहे.

– सहा हजारहून अधिक नागरिकांच्या उत्साही सहभागातून नवी मुंबई : स्वच्छतेमधील नवी मुंबईचे मानांकन उंचाविण्याचा निर्धार करीत 6 हजाराहून अधिक नागरिकांनी उत्साहाने सहभागी होत पामबीच मार्गावर आयोजित स्वच्छ नवी मुंबई…

डॉ. रवींद्र थत्ते यांचे २५ डिसेंबरला मुंबई : दादर माटुंगा सांस्कृतिक केंद्राच्या वतीने गीता व ज्ञानेश्वरीवर आधारित डॉ. रवींद्र थत्ते यांचे `तत्वज्ञान सोपे आहे’  हे व्याख्यान आयोजित करण्यात आले आहे. कै.…

मुंबई : श्री उद्यानगणेश मंदिर सेवा समितीतर्फे मुंबई-ठाणे परिसरातील १७ वर्षाखालील इयत्ता १० वी पर्यंत मुले व मुलींच्या शालेय कबड्डी संघांची श्री उद्यानगणेश मंदिर चषक कबड्डी स्पर्धा १० व ११…