मुंबई : देवेंद्र फडणवीस यांच्या शपथविधी सोहळ्यासाठी राजशिष्टाचार विभागाकडून ठाकरे गटाचे प्रमुख उद्धव ठाकरे , राष्ट्रवादी शरदचंद्र पवार पक्षाचे सर्वेसर्वा शरद पवार आणि वंचित बहुजन आघाडीचे प्रमुख प्रकाश आंबेडकर या सर्वांना उद्याच्या शपथविधीसाठी निमंत्रण देण्यात आले आहे. उद्या साडेपाच वाजता आझाद मैदान येथे शपथविधी सोहळा पार पडणार आहे. यामध्ये विरोधी पक्षनेते त्यासोबतच राज्यातील इतर राज्याचे पक्षप्रमुख पक्ष अध्यक्ष यांना सुद्धा राज शिष्टाचार विभागाकडून निमंत्रण देण्यात आला आहे
शपथविधी सोहळ्या दरम्यान होणारी गर्दी लक्षात घेता मुंबई पोलिसांकडून अडिच हजारहून अधिक पोलिस बंदोबस्त तैनात करण्यात आला आहे. शपथविधी दरम्यान १० पोलिस उपायुक्त, २० सहाय्यक पोलिस आयुक्त, १०० पोलिस निरीक्षक, १५० सहाय्यक व पोलिस उपनिरीक्षकांसह १५०० हून अधिक पोलिस कर्मचारी बंदोबस्तासाठी उपस्थित राहणार आहेत. याच बरोबर सशस्र पोलिस दल, टास्क फोर्ससह इतर सुरक्षा यंत्रणाही सज्ज असणार आहेत. या शिवास आझाद मैदान परिसर हा नो फ्लाईंग झोन म्हणून घोषित करण्यात आला असून आजू बाजूच्या उंच इमारतींवरही पोलिस तैनात असणार आहेत. शिवाय ड्रोन द्वारेही पोलिसांची करडी नजर असणार आहे.