मुंबई : जळगाव येथे झालेल्या तिसऱ्या मर्दानी स्पोर्ट्स राष्ट्रीय स्पर्धेत रायगडच्या खेळाडूंनी शानदार कामगिरी करताना एकुण १७ पदकांची कमाई केली. त्यात १० सुवर्ण, ४ रौप्य आणि ३ कास्य पदकांचा समावेश होता. या स्पर्धेत १६ राज्यातून ३७८ खेळाडूंनी भाग घेतला होता. स्पर्धेचे उद्घाटन रक्षाताई खडसे, केंद्रीय क्रीडा मंत्री यांच्या हस्ते करण्यात आले. यावेळी सीमाताई भोळे, माजी महापौर जळगाव देखील उपस्थित होत्या. उद्घाटन प्रसंगी दाखवण्यात आलेल्या चित्त थरारक प्रात्यक्षिकांनी सर्वांची दाद मिळवली. या खेळाला राष्ट्रीय आणि आंतरराष्ट्रीय खेळाचा दर्जा मिळवण्यासाठी आपण प्रयत्न करु असे आश्वासन रक्षाताई खडसे यांनी दिले. यावेळी संघटनेचे साउथ एशिया अध्यक्ष मंदार पनवेलकर, राष्ट्रीय अध्यक्ष दिलीप मिंग, राष्ट्रीय महासचिव संतोष खंदारे, राज्य अध्यक्ष प्रशांत मोहिते आणि सचिव विनोद कुंजीर देखील उपस्थित होते. सोहम सावंत संघाचे प्रशिक्षक होते. तर व्यवस्थापक म्हणून रोहित थाळी संघासोबत होते.
स्पर्धेतील पदक विजेते खेळाडू : सुवर्ण
वरद केणी, अनिकेत दुशिंग, प्रज्वल दरेकर, कौस्तुभ जोशी, अंगत कदम, अथर्व मदने, निकुंज पिंगळे, फिरोज अन्सारी, सृष्टी पवार, वासुसेन जुनघरे
रौप्य : तनिषा शेणपती, आदित्य भागवत, अवनीश कंक, वर्धन कदम
कांस्य : मनोज भंडारी, करण शिरोडकर, पार्थवी भांड
00000
