मुंबई : मुंबई शालेय क्रीडा असोसिएशनतर्फे सह्याद्री विद्या प्रसारक संस्था, भांडूप येथे आयोजित करण्यात आलेल्या १४ व १६ वर्षा खालील मुला – मुलींच्या ५६ व्या आंतर शालेय खो-खो स्पर्धेत ठाणे येथील युनिव्हर्सल हायस्कूल,भांडुपच्या पराग इंग्लिश स्कूल व गोरेगाव येथील गोकुळधाम हायस्कूल विजेतेपदाचा मान संपादन केला. मुलांच्या अंतिम सामन्यात पराग इंग्लिश स्कूलने गोरेगावच्या गोकुळधाम हायस्कूलसंघाचा १ डाव व ६ गुणांनी आरामात पराभव केला. अष्टपैलू खेळ करणारा साई गावकर त्यांच्या विजयाचा शिल्पकार ठरला. त्याने ३मिनिटे ५० सेकंद पळतीचा सुरेख खेळ त्याला भव्य इंगळे व स्पर्श धुरी यांनी ३-३ गाडी बाद करून चांगली साथ दिली. पराभूत संघाच्या देवांश सावंत ची लढत एकाकी ठरली. त्याने १ मिनिट २० सेकंद संरक्षण करुन १ गडी देखील टिपला.
१४ वर्षा खालील मुलींच्या निर्णायक सामन्यामध्ये गोरेगावच्या गोकुळधाम हायस्कूलने आई ई एस न्यू इंग्लिश स्कूल, बांद्रा यांचा ३ गुण व डावाने ने पराभव करून मागील वर्षीच्या पराभवाची परतफेड केली. ज्ञानदा सावंत ४ मिनटे ३० सेकंद , चैताली राव १मिनिट २० सेकंद,२ गडी अर्या अरख 3 गडी या तिघींचा विजयात मोठा वाटा होता. १६ वर्षा खालील गटात युनिव्हर्सल ने राणी लक्ष्मी ट्रॉफी पहिल्यांदाच जिंकली ती पृथा पाटील १मिनिट पळतीचा ५ गडी देखील बाद केले. फ्रान्सिना बिजील ने १ मिनिट १० सेकंद संरक्षण केले. तसेच आक्रमणात २ गडी टिपले. एकताने ३ मिनिटे हुलकावण्या देत छान पळतीचा खेळ केला. नालांदाच्या याधिका कुलकर्णी व कृषा शाह यांनी कडवी झुंज दिली
स्पर्धेचा पारितोषिक वितरण समारंभ श्री . जगनाथ आंब्रे सचिव सह्याद्री विद्या प्रसारक संस्था, श्री रमेश राणे ,सह सचिव सह्याद्री विद्या प्रसारक संस्था. तसेच श्री रामसागर पांडे यांच्या हस्ते संपन्न झाला. स्पर्धा प्रमुख श्री प्रशांत पाटणकर व एम एस एस ए भारतीय खेळ, सचिव दीपक शिंदे यानी या स्पर्धा आयोजनात मोलाची जबाबदारी पार पाडली.
स्पर्धेचा अंतिम निकाल
१४ वर्षा खालील मुले (बालमोहन शिल्ड)
१. पराग इंग्लिश हायस्कूल, भांडूप
२. गोकुळधाम हायस्कूल, गोरेगांव
३. आय ई एस न्यू इंग्लिश स्कूल, वांद्रा
४. वसुदेव सी. वाधवा आर्य विद्या मंदीर,वांद्रे, पूर्व
१६ वर्षा खालील मुली (लक्ष्मी ट्रॉफी )
१.युनिव्हर्सल हायस्कूल, ठाणे
२. नालंदा पब्लिक स्कूल, मुलुंड
३.गोकुळधाम हायस्कूल, गोरेगांव
४. सौ लक्ष्मीबाई इंग्लिश मिडीयम आहे स्कूल, मुलुंड
. १४ वर्षा खालील मुली
१.गोकुळधाम हायस्कूल, गोरेगांव
२.आय ई एस न्यू इंग्लिश स्कूल, वांद्रा
३.आर्यन एज्युकेशन सोसायटी शाळा, गिरगांव
४. आनंद विश्व गुरुकुल, ठाणे