नवी मुंबई : महानगरपालिका अतिक्रमण विभागाच्या वतीने नोटीस देऊनही संबधितांनी नोटिशीची दखल न घेतल्यामुळे त्या अनधिकृत बांधकामांविरोधात नमुंमपा आयुक्त डॉ. कैलास शिंदे यांच्या निर्देशानुसार व अतिरिक्त आयुक्त (2) डॉ. राहुल गेठे यांच्या मार्गदर्शनाखाली अतिक्रमण विभागाने कोपरखैरणे व ऐरोली विभागात निष्कासनाची धडक कारवाई केली.
नवी मुंबई महानगरपालिका कार्यक्षेत्रातील कोपरखैरणे विभागांतर्गत (1) श्री.पांडुरंग हरी पाटील/श्रीम.लक्ष्मी पांडुरंग पाटील, एसएस टाईप,रूम नं 907, सेक्टर- 4, कोपरखैरणे, नवी मुंबई. व (2) श्री.आनंदा सखाराम भिलारे, एसएस टाईप, रूम नं 932, सेक्टर- 4, कोपरखैरणे, नवी मुंबई यांच्या बांधकामांस महाराष्ट्र प्रादेशिक नियोजन व नगररचना अधिनियम, 1966 मधील कलम 54 अन्वये नोटीस बजावण्यात आली होती. त्यांच्या बांधकामावर तोडक कारवाई करण्यात आली.
तसेच कोपरखैरणे, सेक्टर 1 येथील फ्लायओव्हरखालील व कोपरखैरणे रेल्वे स्टेशनच्या अंडरपास ब्रिजच्या खालील बेघर लोकांचे सामान डम्पींगच्या ठिकाणी जमा करण्यात आले. या मोहीमेत एकूण 32 झोपड्या निष्कासित करण्यात आल्या.
या अनधिकृत बांधकामावर कोपरखैरणे विभागामार्फत तोडक मोहीमेचे आयोजन करण्यात आलेले होते. या धडक मोहिमेसाठी कोपरखैरणे विभागाचे सहा.आयुक्त सुनिल काठोळे, कनिष्ठ अभियंता चंद्रकांत धोत्रे व इतर अधिकारी / कर्मचारी उपस्थित होते. तसेच सदर कारवाईसाठी 9 मजूर, 02 इलेक्ट्रॉनिक हॅमर, 01 गॅस कटर, पिकअप व्हॅन, जे.सी.बी. यांचा वापर करण्यात आला.
त्याचप्रमाणे नवी मुंबई महानगरपालिका कार्यक्षेत्रातील ऐरोली विभागांतर्गत घर क्र. 1529 ते 1532, से-1/ए, ऐरोली येथील आरसीसी इमारतीचे बांधकाम नवी मुंबई महानगरपालिकेची कोणतीही परवानगी न घेता अनधिकृतपणे सुरु केले होते. सदर अनधिकृत बांधकामास ऐरोली विभाग कार्यालयामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीस बजाविण्यात आलेली होती. संबंधितांनी केलेले अनधिकृत बांधकाम स्वत:हून हटविणे आवश्यक होते. परंतु त्यांनी अनधिकृत बांधकाम सुरु ठेवले होते. सदरचे अनधिकृत बांधकाम आज दिनांक 14/01/2025 रोजी अतिक्रमण मोहिम राबवून अंशत: निष्कासित करण्यात आले आहे.
या धडक मोहिमेसाठी जी विभाग ऐरोलीचे सहाय्यक आयुक्त डॉ. अंकुश जाधव, कनिष्ठ अभियंता संदीप म्हात्रे व अतिक्रमण विभागाचे अधिकारी / कर्मचारी उपस्थित होते. सदर मोहिमेसाठी 6 हॅमर, 3 गॅस कटर, 6 ब्रेकर, 15 मजूर व 01 मुकादम यांचा वापर करण्यात आलेला आहे. यापुढील काळातही अशाप्रकारे अतिक्रमण विरोधी कारवाई अधिक तीव्रतेने राबविण्यात येणार आहे.
0000
