मतदान करा, लोकशाही मजबूत करा”
SVEEP मोहिमेतून आवाहन
मिरा-भाईंदर – शहरातील मतदारांमध्ये मतदानाबाबत जागरूकता निर्माण करण्यासाठी SVEEP (Systematic Voters’ Education and Electoral Participation) अभियानांतर्गत विविध उपक्रम राबविण्यात येत आहेत. नाताळ सणानिमित्त आयोजित कार्यक्रमात माहिती व जनसंपर्क अधिकारी राजकुमार घरत यांनी उपस्थित नागरिकांना मतदानाचे महत्व समजावून सांगत लोकशाही प्रक्रियेत सक्रिय सहभागाची गरज स्पष्ट केली.
यावेळी नागरिकांना मतदानाची शपथ देण्यात आली. तसेच आगामी निवडणुकीत निर्भयपणे व जबाबदारीने मतदान करण्याचे आवाहन करण्यात आले. महापालिका प्रशासनाने सांगितले की, आगामी निवडणुकीत मतदानाचा टक्का वाढावा, अधिकाधिक नागरिकांनी आपला मतदानाचा हक्क बजावावा आणि लोकशाही अधिक बळकट व्हावी यासाठी नागरिकांनी सहकार्य करावे.