Author: bittambatami.com

मालमत्ता कर विभागाची कारवाई कल्याण : नियमित नोटिसा बजावुनही मालमत्ता कर भरण्यास टाळाटाळ करणाऱ्या कल्याण पश्चिमेतील चिकणघर येथील रोशन पेट्रोल पंप मालकाचा पेट्रोल पंप कल्याण डोंबिवली पालिकेच्या मालमत्ता कर विभागाचे अधिकारी आणि ब प्रभागाचे साहाय्यक आयुक्त, अधीक्षक यांनी मंगळवारी सील केला. रोशन पेट्रोल पंप मालकाकडे मालमत्ता कराची पालिकेची ९५ लाख १४ हजार रूपयांची थकबाकी आहे. रोशन पेट्रोल पंप हा कल्याण पश्चिमेतील चिकणघर भागातील महत्वाचा पेट्रोल पंप आहे. या पेट्रोल पंपवर सीलबंद करण्याची कारवाई केली तर त्याचा त्रास वाहन चालकांना होईल. या सहानुभूती विचारातून पालिकेने या थकबाकीदार पेट्रोल पंप चालकाला थकित कर भरणा करण्यासाठी मुभा दिली होती. अलीकडेच रोशन पेट्रोल पंप मालकाला थकित कर भरण्यासाठी ब प्रभागाच्या कर विभागातून नोटीस बजावण्यात आली होती. या रकमेचा टप्प्याने भरणा करावा, असेही प्रयत्न पालिका अधिकाऱ्यांनी केले. त्यालाही पंप मालकाने दाद दिली नाही. अखेर मंगळवारी आयुक्त डाॅ. इंदुराणी जाखड यांच्या आदेशावरून ब प्रभागाच्या साहाय्यक आयुक्त सोनम देशमुख, मालमत्ता कर विभागाच्या साहाय्यक आयुक्त स्नेहा करपे, कर अधीक्षक प्रमोद पाटील यांनी चिकणघर येथे जाऊन रोशन पेट्रोल पंप सील करण्याची कारवाई केली. जोपर्यंत मालमत्ता कराची थकित रक्कम पंंप मालकाकडून पालिकेत भरणा केली जात नाही तोपर्यंत सील न काढण्याचा निर्णय प्रशासनाने घेतला आहे. ज्या मालमत्ताधारकांकडे पालिकेची मालमत्ता कराची थकबाकी आहे. त्यांनी तातडीने आपली चालू, थकित रक्कम पालिकेत भरणा करावी आणि पालिकेकडून होत असलेली कटू कारवाई टाळावी, असे आवाहन मालमत्ता कर विभागाने केले आहे.

दुपटीने वाढ, प्रतिदिन १०८३ रुपये कर्तव्यभत्ता लागू हरिभाऊ लाखे नाशिक : महाराष्ट्र राज्यातील गृहरक्षक दलाच्या स्वयंसेवकांच्या प्रलंबित विनंतीला मंजुरी देत मानधनात दुपटीने वाढ करण्यात आली आहे. त्यानुसार होमगार्डला आता प्रतिदिन १ हजार ८३ रुपये कर्तव्यभत्ता लागू झाला आहे. तर, सर्व भत्ते मिळून होमगार्डला प्रतिदिन अठराशे रुपयांपर्यंत मानधन मिळणार आहे. विधानसभा निवडणुकीपूर्वी शासनाने घेतलेल्या महत्त्वपूर्ण निर्णयांमध्ये होमगार्डच्या मानधनवाढीचाही समावेश आहे. महाराष्ट्रात ६ डिसेंबर १९४६ रोजी स्थापन झालेल्या गृहरक्षक दलाच्या स्वयंसेवकांच्या मानधनात वाढ करण्याचा निर्णय गृह विभागाने घेतला आहे. त्यानुसार १ ऑक्टोबर २०२४ पासून सुधारित भत्ता लागू झाल्याने नवरात्र उत्सवात पोलिसांसमवेत कर्तव्य बजावणाऱ्या होमगार्डला त्याचा लाभ होणार आहे. यासह दिवाळी व आगामी विधानसभा निवडणुकीतील बंदोबस्तातही सुधारित भत्त्यानुसार होमगार्डला मानधन दिले जाईल. तर, राज्यात गत महिन्यात ११ हजार २०७ गृहरक्षकांच्या भरतीची प्रक्रिया पूर्ण झाल्याने नवीन होमगार्डसाठी ही शुभवार्ता ठरली आहे. त्यानुसार, नाशिक शहरात १६१, इगतपुरीत चाळीस, सिन्नरमध्ये पन्नास आणि निफाडमध्ये तीस होमगार्डची निवड करण्यात आली. सध्या नाशिक जिल्ह्यात दीड हजारांपेक्षा जास्त होमगार्ड कर्तव्य बजावत आहेत. दरम्यान, होमगार्डला नियमित कर्तव्यावर बोलावण्यात येत नाही. महत्त्वाचा बंदोबस्त, सणोत्सव आणि निवडणुकीत होमगार्डला कर्तव्यावर नेमण्यात येते. यासह पोलिस ठाण्यांमध्ये मनुष्यबळाच्या कमतरतेमुळे अनेकदा नाकाबंदी व इतर बंदोबस्तासाठी बोलावण्यात येते. त्यामुळे पोलिस भरतीसह इतर यंत्रणांत भरतीच्या प्रतीक्षेत असणारे उमेदवार सध्या होमगार्डचे कर्तव्य पार पाडत आहेत. या सर्वांसाठी प्रतिदिन अठराशे रुपयांचे मानधन महत्त्वपूर्ण व उमेद वाढविणारे ठरणार आहे. सन २०२४-२५ साठी ५५२ कोटी अतिरिक्त रक्कम मंजूर सन २०२५ पासून दरवर्षी ७९५ कोटींची तरतूद करण्यास मान्यता सन २००८ पासून १५० रुपये प्रतिदिन भत्ता; तत्पूर्वी ७५ रुपये प्रतिदिन सन २०१४ पासून ३०० रुपये प्रतिदिन भत्ता; सध्या ५७० रुपये प्रतिदिन होमगार्ड भत्ता सध्याचे दर सुधारित दर कर्तव्य ५७० रुपये प्रतिदिन १,०८३ रुपये प्रतिदिन उपहार १०० रुपये २०० रुपये कवायत ९० रुपये १८० रुपये खिसा ३५ रुपये १०० रुपये भोजन १०० रुपये २५० रुपये

आमदार प्रताप सरनाईक यांच्या पुढाकारामुळे घाटाला अहिल्यादेवींचे नाव ठाणे : ठाण्यातील उपवन घाटाला पुण्यश्लोक अहिल्यादेवी होळकर नाव देण्यात आले असून याच लोकार्पण सोहळा नुकताच मोठ्या उत्साहात संपन्न झाला. आमदार प्रताप सरनाईक यांच्या संकल्पनेतून उपवन तलावालगत घाटाची निर्मिती करण्यात आली होती या घाटाला पुण्यश्लोक अहिल्यादेवी होळकर यांचे नाव देण्यात यावे अशी मागणी धनगर प्रतिष्ठान ठाणे जिल्हा यांच्या वतीने करण्यात आली होती. प्रतिष्ठानने केलेली मागणी मान्य करत आमदार प्रताप सरनाईक यांनी पुढाकार घेऊन पुण्यश्लोक अहिल्यादेवी होळकर उपवन घाट असे नाव दिले आहे असून या घाटाचा लोकार्पण सोहळा मुख्यमंत्री एकनाथ शिंदे यांच्या शुभहस्ते ऑनलाइन पद्धतीने करण्यात आले. तर जागेवर धनगर समाज बांधवांच्या हस्ते नारळ वाढवून करण्यात आले. या कार्यक्रमाला आमदार प्रताप सरनाईक धनगर प्रतिष्ठानचे अध्यक्ष दीपक कुरकुंडे धनगर प्रतिष्ठान महिला मंडळाचे अध्यक्ष माधवी बारगीर, यशवंत सेनेचे नवी मुंबई जिल्हा प्रमुख अभिजीत कोकरे, समाजसेवक अभिजीत चोरामले, शिक्षक सेनेच्या महिला अध्यक्ष शोभा गरांडे,भाजपा भटक्या विमुक्त आघाडीच्या महिला अध्यक्षा  वर्षा माने, भाजपा वार्ड अध्यक्ष संदीप माने, प्रतिष्ठानचे कार्याध्यक्ष महेश गुंड सचिव तुषार धायगुडे, उपाध्यक्ष बाळा विरकर,खजिनदार अनिल जरग, कार्यकारणी सदस्य गणेश बारगीर, सुरेश भांड, संतोष बुधे, दीपक झाडे,उद्धव गावडे, उत्तम यमगर, नामदेव चांगण,अनिकेत पाडसे, मनोज खाटेकर वैभव सामसे,सुनील पळसे, महिला मंडळ सचिव गायत्री गुंड, सुषमा बुधे,सुजाता भांड,सीमा कुरकुंडे, तृप्ती पाडसे,आदिसह समाजबांधव मोठ्या संख्येने उपस्थित होते. नदीवर घाट बांधण्याची मूळ संकल्पना ही पुण्यश्लोक अहिल्यादेवी होळकर यांची आहे. संपूर्ण भारतभर विविध ठिकाणी त्यांनी घाट उभारले आहेत. त्यामुळे या घाटाला पुण्यश्लोक अहिल्यादेवी होळकर यांचे नाव देण्यात यावे अशी मागणी धनगर प्रतिष्ठानने केली होती अखेर त्यांच्या या मागणीला यश आले असून आमदार प्रताप सरनाईक यांच्या पुढाकाराने उपवन घाटाला पुण्यश्लोक अहिल्यादेवी होळकर उपवन घाट असे नाव देण्यात आले आहे. यामुळे धनगर प्रतिष्ठानने आमदार प्रताप सरनाईक यांचा सत्कार करून त्यांचे विशेष आभार व्यक्त केले.तसेच या नावाच्या निर्मितीसाठी परिश्रम घेणारे ठेकेदार सत्या लांडगे यांचे देखील प्रतिष्ठाच्या वतीने आभार व्यक्त करण्यात आले.

माथेरान : पर्यटन नगरी माथेरान मधील मुख्य रस्त्यावर अनेक दिवसांपासून बत्तीगुल असल्याने पर्यटकांना आणि नागरिकांना अंधारातून चाचपडत मार्गक्रमण करावे लागत आहे. संबंधीत ठेकेदार याबाबत काहीही ठोस उपाययोजना करत नसून केवळ आपली कामांची बिले वसुलीसाठी केव्हातरी येऊन हजेरी लावत असल्याचे स्थानिकांमधून बोलले जात आहे. त्याचप्रमाणे गावातील गल्लीबोळात सुध्दा हीच परिस्थिती असल्याने काळोखातून अपंग व्यक्तींना पायी चालत जाणे खूपच त्रासदायक बनलेले आहे. अनेकदा याबाबत सोशल मीडियावर काहींनी आवाज उठविण्याचा प्रयत्न केला आहे परंतु त्याकडे संबंधित खात्याने दुर्लक्षच केल्यामुळे नागरिकांमध्ये तीव्र संताप व्यक्त केला जात आहे. माथेरान हे पर्यटनस्थळ असल्यामुळे रात्री अपरात्री केव्हाही पर्यटक येत असतात. दस्तुरी पासून गावांपर्यंत क्ले पेव्हर ब्लॉकचे रस्ते असल्याने चालत येणे सोयीचे ठरते. परंतु या मुख्य रस्त्यावर नेहमीच बत्ती गुल असते. काही दिवसांपूर्वी मुख्य बाजारपेठ येथील मुन्ना पानवाले यांच्या दुकानात चोरीची घटना घडली होती. असे प्रकार आगामी काळात होण्याची शक्यता नाकारता येत नाही.रहदारीच्या रस्त्यावर सातत्याने वीजपुरवठा खंडित होण्याचे प्रमाण अधिक आहे. त्यामुळे खरेदीसाठी येणाऱ्या पर्यटकांना रात्रीच्या वेळी खरेदी करणे कठीण होते. त्यामुळे काहीही खरेदी न करता ते आपल्या हॉटेलमध्ये जातात याचा परिणाम इथल्या व्यापारी वर्गावर, लहानमोठ्या स्टोल्स धारकांवर होत असतो. याकामी संबंधित खात्याने या समस्या मार्गी लावण्यासाठी युद्धपातळीवर कामे करावीत अशी मागणी जोर धरू लागली आहे.

  ठाणे : रोटरी क्लब ऑफ न्यू कल्याण, रोटरी क्लब ऑफ ठाणे नॉर्थ यांच्या वतीने रोटरी दिव्यांग सेंटर कल्याण संचालित ऑटोसच्या सहकार्याने दिव्यांगांना कृत्रिम पाय व कॅलिपरचे विनामूल्य वाटप करण्यात येणार आहे. यासाठी दिव्यांग व्यक्तींचे एक शिबिर रविवारी ठाण्यात संपन्न झाले. त्यात दिव्यांगांच्या पायाचे मोजमाप घेण्यात आले. रोटरी क्लब ऑफ न्यू कल्याण अध्यक्ष बिजू उन्निथन, रोटरी क्लब ऑफ ठाणे नॉर्थ अध्यक्ष मेधा जोशी, सचिव रमेश मोरे, सचिव अमोल नाले, प्रकल्प प्रमुख प्रफुल  क्षिरसागर, प्रकल्प प्रमुख देवयानी वेद यांच्या मार्गदर्शनाखाली हे शिबिर संपन्न झाले. रोटरी क्लब सामाजिक भावनेतून गेली अनेक वर्ष हा उपक्रम राबवित आहे. नौपाडा येथील सरस्वती शाळेच्या आवारात हे शिबिर संपन्न झाले. महाराष्ट्र राज्यातील विविध जिल्ह्यांतून  52 दिव्यांगांनी नोंदणी केली होती. 40 दिव्यांग या शिबिरास उपस्थित होते. तज्ञ व्यक्तिंनी या दिव्यांगांच्या पायाचे मोजमाप घेतले. सरस्वती विद्यालयात 27 ऑक्टोबर रोजी एका कार्यक्रमात दिव्यांगांना कृत्रिम पाय व कॅलिपरचे वाटप करण्यात येणार आहे. आमदार निरंजन डावखरे यांनी शिबिराला उपस्थिती लावत रोटरीच्या सामाजिक कार्याचे कौतुक केले.

 राजीव चंदने मुरबाड : मुरबाड तालुक्यात माजी महसुलमंत्री स्व.शांताराम बापू घोलप यांच्या कार्यकाळात झालेल्या लघु पाटबंधारे प्रकल्पांमुळे तालुक्यात पिण्यासाठी व पिकांना पाण्याची उपलब्धता झाली, आणि त्यानंतर पुढे शेतकरी हा भाजीपाला पिक घेवुन स्वयंपूर्ण होवु लागला परिणामी मधल्या काळात शेतकऱ्यांची आर्थिक भरभराट झाली. सद्यस्थितीत शेतकऱ्यांसाठी १२ महिने पाण्याची आवश्यकता असताना पाणी योग्य नियोजनामुळे पाणी फक्त १० महिनेच उपलब्ध असते त्यामुळे शेतीतून पुढील दोन महिन्यात नफ्याचे उत्पन्न घेणे अडचणीचे ठरत असल्यामुळेच मुरबाड तालुका कॉंग्रेस कमिटीच्या वतीने पुढील पाच वर्षात  “शेतीसाठी पाणी” हाच अजेंडा चालवण्यात येणार असल्याचे मत चेतनसिंह पवार यांनी व्यक्त केले. मुरबाड तालुक्यातील पवाळे, पाडाळे, धसई व फांगलोशी लघु पाटबंधारे प्रकल्पांवर जलपूजन कार्यक्रमाचे आयोजन मुरबाड तालुका कॉंग्रेस कमिटी तालुकाध्यक्ष चेतनसिंह पवार यांच्या शुभहस्ते करण्यात आले व यावेळी किसान कॉंग्रेसचे जिल्हासरचिटणीस जयवंत पवार, तालुका समन्वयक काळुराम विशे, तालुका पदाधिकारी अंकुश धुमाळ, विभागप्रमुख दिपक आलम तसेच शेतकऱ्यांचे प्रतिनिधी म्हणुन  फनाडे, शिवाजी पवार, धनाजी पवार, अविनाश घोरड, विष्णू मुरबाडे, जनार्दन गोंडाबे आदीं मान्यवर उपस्थित होते. सदरील कार्यक्रम यशस्वी करण्यासाठी तालुका उपाध्यक्ष नेताजी लाटे, अल्पसंख्यांक तालुकाध्यक्ष जावेद शेख, किसानचे तालुका उपाध्यक्ष चिंतामण पष्टे, खोपिवली विभागप्रमुख वसंत कराळे, युवक तालुका उपाध्यक्ष विपुल सुरोशे, जिल्हा पदाधिकारी पांडुरंग शिद, भगवान पवार, मुरबाडे आदींनी मेहनत घेतली तर कार्यक्रमाचे पौरोहित्य उदय मंडलिक यांनी केले. जलपूजन हा उपक्रम तालुक्यासाठी नवीन असुन आमच्यासारख्या सर्वसामान्य शेतकऱ्यांना मान दिल्याबद्दल कॉंग्रेस कमिटी व चेतनसिंह पवार यांचे आभार यावेळी जनार्दन गोडांबे यांनी मांडले.

मुंबई : मुंबईहून उड्डाण केलेल्या तीन विमानांमध्ये तर मुंबईहून रवाना झालेल्या एका ट्रेनमध्ये बॉम्ब ठेवल्याची धमकी देण्यात आल्याने एकच खळबळ उडाली. एअर इंडियाचे पहिले विमान मुंबईहून न्यूयॉर्कला जात होते. माहिती मिळताच विमान दिल्लीकडे वळवण्यात…

मुंबई : माजी मंत्री बाबा सिद्दीकी यांची गोळ्या झाडून हत्या करणाऱ्या मारेकऱ्यांना बाबा सिद्दीकी यांचा मुलगा आमदार झिशानचाही गेम करायचा होता अशी धक्कादायक माहिती पोलिस तपासातून पुढे आली आहे. बाबा सिद्दीकी…

 आदित्य ठाकरेंनी दिली माहिती मुंबई – माजी मुख्यमंत्री आणि उद्धव बाळासाहेब ठाकरे शिवसेनेचे पक्षप्रमुख उद्धव ठाकरे यांची प्रकृती ठणठणीत असून लवकरच ते प्रचारात सहभागी होतील अशी माहीती आदित्य ठाकरे यांनी दिली. उद्धव ठाकरे सोमवारी नियमित तपासणीसाठी मुंबईतील…