38वी राष्ट्रीय क्रीडा स्पर्धा स्पर्धा, उत्तराखंड 2024-25 आदिती, ओमला कांस्य, रिले शर्यतीतही रूपेरी कामगिरी हल्दवानी ः उत्तराखंडात सुरू असलेल्या 38व्या राष्ट्रीय क्रीडा स्पर्धेत महाराष्ट्राने आज पदकाची चौकर झळकविला. 2 रौप्य व 2 कास्य पदके जिंकून महाराष्ट्राने…
विद्यार्थी क्रीडा केंद्र आयोजित ४ फुट ११ इंच व व्यावसायिक पुरुष व महिला खो-खो स्पर्धा मुंबई खो-खो संघटनेच्या मान्यतेने विद्यार्थी क्रीडा केंद्र आयोजित किशोर गट (४ फुट ११ इंच) व व्यावसायिक पुरुष – महिला गटाच्या खो-खो स्पर्धा लाल मैदान परळ येथे पार पडली. व्यावसायिक पुरुष गटाच्या अंतिम सामन्यात मध्य रेल्वेने पश्चिम रेल्वेचा (८-८-९-६) १७-१४ असा ३ गुणांनी पराभव केला. मध्य रेल्वेतर्फे दिलीप खांडवीने १:१०, २:२० मिनिटे संरक्षण करून आक्रमणात २ गडी बाद केले. अवधूत पाटीलने १:३०, २:२० मिनिटे संरक्षण करून आक्रमणात २ गडी बाद केले. मिलिंद चावरेकर व रोहन शिंगाडेने प्रत्येकी १:००, १:२० मिनिटे संरक्षण करून आक्रमणात प्रत्येकी ४ गडी बाद केले. पश्चिम रेल्वेतर्फे सम्यक जाधवने १:१० मिनिटे संरक्षण करून आक्रमणात ५ गडी बाद केले. वृषभ वाघने २:१० मिनिटे संरक्षण करून आक्रमणात ३ गडी बाद केले. दिपक माधवने २:१०, १:३० मिनिटे संरक्षण केले. व्यावसायिक महिला गट: व्यावसायिक महिला गटाच्या अंतिम सामन्यात रचना नोटरी वर्क्सने महावितरण कंपनी संघाचा (६-५-४-६) ११-१० असा १ गुण व १:१० मिनिटे राखुन पराभव केला. रचनातर्फे पुजा फरगडेने २:००, २:३० मिनिटे संरक्षण करून आक्रमणात ३ खेळाडू बाद केले. श्वेता जाधवने २:२० मिनिटे संरक्षण करून आक्रमणात ४ खेळाडू बाद केले. सेजल यादवने ३:२०, १:४० मिनिटे संरक्षण केले. महावितरण तर्फे दिलेली लढत संघाला पराभवापासून वाचवू शकली नाही. ४ फुट ११ इंच किशोर गट: ४ फुट ११ इंच किशोर गटाच्या अंतिम सामन्यात सरस्वती स्पोर्ट्स क्लबने विद्यार्थी क्रीडा केंद्राचा (३-१-१-२) ४-३ असा १ गुण व ५:३० मिनिटे राखून पराभव केला. सरस्वतीतर्फे मेहक आदवडेने नाबाद ६:००, नाबाद ३:१० मिनिटे संरक्षण करून आक्रमणात १ गडी बाद केला. वरुण गुप्ताने २:५० मिनिटे संरक्षण करून आक्रमणात १ गडी बाद केला. शिवम झाने १:००, १:०० मिनिटे संरक्षण केले. विद्यार्थीतर्फे अपसर शेखने ३:२० मिनिटे संरक्षण केले. पवन गुरवने १:०० मिनिटे संरक्षण करून आक्रमणात १ गडी बाद केला. ओमकार जाधवने २:३० मिनिटे संरक्षण केले. तृतीय क्रमांकाचे सामने: व्यावसायिक महिला गटाच्या तृतीय क्रमांकाच्या सामन्यात महाराष्ट्र पोस्टाने मुंबई पोलीस संघाचा (५-३-४-५) ९-८ असा १ गुणांनी पराभव केला तर व्यावसायिक पुरुष गटाच्या तृतीय क्रमांकाच्या सामन्यात रचना नोटरी वर्क्सने महाराष्ट्र पोस्टने संघाचा (९-७-३-४) १२-११ असा १ गुण व ३:१० मिनिटे राखून पराभव केला. ४ फुट ११ इंच किशोर गटाच्या तृतीय क्रमांकाच्या सामन्यात ओम साईश्वर सेवा मंडळाने ओम समर्थ भारत व्यायाम मंदिराचा (१०-२-२) १०-४ असा १ डाव व ६ गुणांनी पराभव केला. स्पर्धेतील उत्कृष्ट खेळाडू ४ फुट ११ इंच किशोर गट आक्रमक – पवन गुरव (विदयार्थी) संरक्षक – अधिराज गुरव (ओम साईश्वर)…
ठाणे : माँ शिक्षण संस्था समूह आयोजित 22 व्या ठाणे शहर आंतरशालेय मैदानी क्रीडा स्पर्धांचे उद्घाटन ठाणे शहर वाहतूक पोलीस विभागाचे पोलीस उपायुक्त पंकज शिरसाट यांच्या हस्ते संपन्न झाले. या स्पर्धांमध्ये 37 शाळांनी सहभाग घेतला. ठाणे शहर चॅम्पियनशिप 2024-25 विजेते पुढीलप्रमाणे – मुली – होली क्रॉस कॉन्व्हेंट हायस्कूल, ठाणे; मुले – ठाणे पोलीस स्कुल, ठाणे ; समूह – ठाणे पोलीस स्कुल वैयक्तिक पारितोषिके – 6 वर्षाखालील मुले – स्पर्श कांबळे (वसंत विहार शाळा); 6 वर्षाखालील मुली – निर्वी कुलकर्णी (वसंत विहार शाळा); 8 वर्षांखालील मुले- जिहांश पाटील (अंबर इंटरनॅशनल स्कूल); 8 वर्षाखालील मुली- निष्का मनुधने (मती सुनीतीदेवी सिंघानिया शाळा); 10 वर्षाखालील मुले- जयदीप खैरनार (ठाणे पोलीस स्कुल); 10 वर्षाखालील मुली- पिरल बिरवटकर (वसंत विहार शाळा); 12 वर्षाखालील मुले- अभिराज वाळंज ( मावळी मंडळ शाळा); 12 वर्षांखालील मुली- इरा जाधव (मती सुलोचनादेवी सिंघानिया शाळा); 14 वर्षाखालील मुले- अनिरुद्ध नंभोदारी (मती सुलोचनादेवी सिंघानिया शाळा); 14 वर्षाखालील मुली- रिसा फर्नांडिस (मती सुलोचना देवी सिंघानिया स्कूल); 16 वर्षाखालील मुले- धैर्य सूर्यराव (मती सुलोचनादेवी सिंघानिया शाळा); 16 वर्षाखालील मुली- रिद्धी माने (होली क्रॉस कन्व्हर्ट हायस्कूल)
नवी मुंबई : नवी मुंबईमधील सानपाडा तरुणाईची व क्रीडा रसिकांची सर्वाधिक पसंतीची क्रिकेट लीग, सानपाडा प्रिमियर लीग च्या ८ व्या पर्वाचा सांगता समारंभ मोठया जल्लोशात संपन्न झाला, अशी माहिती मारुती…
38व्या राष्ट्रीय क्रीडा स्पर्धा हल्दवणी, उत्तराखंड : महाराष्ट्राच्या पुरुष व महिला खो-खो संघाने यजमान उत्तराखंडवर दणदणीत डावाने विजय मिळवित 38व्या राष्ट्रीय क्रीडा स्पर्धेची विजयी सलामी दिली. गौलापूर येथील इंदिरा गांधी स्पोर्टस् संकुलात मंगळवारी सुरू असलेल्या या स्पर्धेत सलामीच्या सामन्यात प्रियांका इंगळे हिच्या अष्टपैलू खेळामुळे (2.20 मिनिटे नाबाद व 2.10 मिनिट संरक्षण व 8 गुण) महिला संघाने उत्तराखंडवर 37-14 असा 23 गुण व 1 डाव राखून विजय मिळविला. आश्विनी शिंदे (2.30मि.) व सानिका चाफे (2.20 मिनिटे) यांनी तिला संरक्षणात साथ दिली. उत्तराखंडची कर्णधार भारती गिरी हिने एक मिनिटे संरक्षण करीत एकाकी लढत दिली. पुरुष गटातही महाराष्ट्राने उत्तराखंडला 37-22 असे 15 गुण व एक डावाने नमविले. यात रामजी कश्यपने अष्टपैलू खेळ करताना आपल्या धारदार आक्रमणात 8 गडी बाद करीत संरक्षणात 1.46 मिनिटे पळतीचा खेळ केला. अनिकेत चेंदवणकरने 2.10 मिनिटे संरक्षणाची बाजू सांभाळली. उत्तराखंडकडून प्रींस कश्यप व राहूल शर्मा यांनी प्रत्येकी 6 गडी बाद करीत लढत दिली. अन्य निकाल ः पुरुषः ओडीसा विजयी विरुद्ध छत्तीसगड 43-34, 9 गुण व 6.25 मिनिटे राखून. महिला ः ओडीसा वि.वि. तामिळनाडू 36-18, 18 गुण व एक डावाने.
३८वी राष्ट्रीय क्रीडा स्पर्धा, उत्तराखंड २०२४-२५ डेहराडून : गतवेळी केवळ एका पदकावर समाधान मानावे लागलेल्या महाराष्ट्राच्या नेमबाजी चमूकडून यावेळी ३८व्या राष्ट्रीय क्रीडा स्पर्धेत किमान १५ पदकांची अपेक्षा आहे. डेहराडून येथील त्रिशूल शूटींग रेंजवर २९ जानेवारी ते ६ फेब्रुवारीपर्यंत ही स्पर्धा रंगणार आहे. महाराष्ट्र ऑलिम्पिक असोसिएशनच्या (एमओए) नेतृत्वाखाली उत्तराखंडच्या स्वारीवर गेल्यानंतर महाराष्ट्राच्या खेळाडूंनी ‘टीम महाराष्ट्र, जय महाराष्ट्र’ असा नारा दिलाय. जागतिक पदकविजेती कोल्हापूरची सोनम म्हसकर, तिचीच शहर सहकारी आणि राज्यस्तरीय स्पर्धेत विक्रमी कामगिरी करणारी शांभवी क्षीरसागर व राष्ट्रीय पदकविजेती नाशिकची आर्या बोरसे हे त्रिकूट नेमबाजीच्या १० मीटर एअर रायफल प्रकारात अचूक वेध साधण्यासाठी एकाग्रचित्त होतील. या प्रतिभावान नेमबाजांकडून महाराष्ट्राला उद्या पदकांची अपेक्षा असेल. मागील गोव्यातील ३७व्या राष्ट्रीय स्पर्धेत कोल्हापूरच्या अभिज्ञा पाटील हिने २५ मीटर पिस्तूल प्रकारात महाराष्ट्राला नेमबाजीतील एकमेव पदक जिंकून दिले होते. त्यामुळे यावेळी महाराष्ट्राचे नेमबाज किती पदके जिंकणार याकडे सर्वांच्या नजरा असतील. कोल्हापूरच्या नेमबाजांवर मदा ऑलिम्पिक कांस्यपदकविजेता स्वप्नील कुसाळे व अर्जून पुरस्कारार्थी अनुभवी नेमबाज राही सरनोबत या कोल्हापूरच्या स्टार नेमबाजांच्या उपस्थितीमुळे महाराष्ट्राच्या पदकांची अपेक्षा वाढली आहे. शिवाय मुंबईची हिना सिद्धू व राष्ट्रीय पदकविजेती छत्रपती संभाजीनगरची रिया थत्ते हे नेमबाजही पदकाच्या शर्यतीत असतील. महाराष्ट्राचे नेमबाज यंदाच्या राष्ट्रीय स्पर्धेत किमान १५ पदके जिंकतील, असा विश्वास संघाच्या व्यवस्थापिका श्रद्धा नालमवार यांनी व्यक्त केला.
श्री स्वयंभु हनुमान क्रीडा मंडळ चिवे संघ विजेता ठाणे ः भारतीय जनता पार्टी ठाणे शहर व सन्मान फाउंडेशन आयोजित सुधागड तालुका स्तरीय भव्य कबड्डी स्पर्धा आमदार चषक रविवारी कॉम्रेड गोदुताई परुळेकर मैदान, चंदनवाडी येथे संपन्न झाली. दिवसभरात 32 संघांनी सहभाग घेतला. अंतिम सामना चिवे विरुद्ध झाप असा रंगला. अतितटीच्या लढतीत चिवे – झाप अंतिम गुणफलक नोंदवून चिवे – श्री स्वयंभु हनुमान क्रीडा मंडळ या संघाने 12-11 असा विजय मिळवला. विजेता संघाला प्रथम पारितोषिक सन्मान चिन्ह व रोख 21000/- रुपये देण्यात आले. द्वितिय पारितोषिक झाप – श्री नाथभैरव क्रीडा मंडळाने पटकावत 15 हजार रुपये रोख व सन्मानचिन्ह जिंकले. तृतीय क्रमांक पारितोषिक ओम काळभैरव आपटवणे संघ ठरला. त्यांना रोख पारितोषिक 10 हजार रुपये व सन्माचिन्ह देण्यात आले. श्री भैरवनाथ नागशेत क्रीडा मंडळ चतुर्थ क्रमांकाचे मानकरी ठरला. त्यांनाही रोख पारितोषिक 10 हजार रुपये व सन्माचिन्ह देण्यात आले. विजेत्यांना आमदार संजय केळकर यांच्या हस्ते देण्यात आले. यावेळी भाजपा राज्य कार्यकारिणी सदस्य राजेश मापारा, पेण सुधागड राज्यसभा खासदार धैर्यशील पाटील, वैकुंठ पाटील, शिवसेना नेते प्रकाश देसाई, परिवहन सदस्य विकास पाटील, अनिल भोईर, गणपत डिगे, प्रकाश शिलकर, आयोजक रमेश सागळे, भाजपा ठाणे शहर महिला चिटणीस रेवती सागळे, ज्ञानेश्वर यादव, यांच्यासाह सुधागड वासी मोठया संख्येने उपस्थित होते. वैयक्तिक पारितोषिकात उत्कृष्ट पकड झाप संघाचा कल्पेश देशमुख, उत्कृष्ट चढाई ओम काळभैरव आपटवणे संघाचा समाधान मोरे, पबिलक हिरो श्री भैरवनाथ क्रीडा मंडळ नागशेत संघाचा राज बेलोसे, सर्वोत्कृष्ट खेळाडू चिवे संघाचा अमर ठाकूर ठरला. शिस्तबद्ध संघाचे पारितोषिक श्री. भैरवनाथ जोगेश्वरी आतोणे सुधागड तालुकास्तरीय कबड्डी स्पर्धेचे उद्घाटन आमदार संजय केळकर, आमदार अॅड. निरंजन डावखरे, भाजपा ठाणे शहर जिल्हा अध्यक्ष संजय वाघुले व ज्येष्ठ नगरसेवक नारायण पवार यांच्याहस्ते करण्यात आले. यावेळी सुधागड तालुका रहिवासी सेवा संघ ठाणे अध्यक्ष विठ्ठल घाडगे, उद्योजक अच्युत दामले, पालीचे नगरसेवक पराग मेहता, सुधागड तालुका मराठा समाज अध्यक्ष धनंजय साजेकर, माजी अध्यक्ष गणपत सितापराव, संचालक प्रा. बळीराम निंबाळकर सर, सुधागड तालुका रहिवासी सेवा संघ, ठाणे सल्लागार चंद्रकांत बेलोसे, उद्योजक गणेश दंत, उद्योजक चारुदत्त सावंत, ज्येष्ठ पत्रकार संतोष उतेकर, ज्येष्ठ नगरसेवक संदीप लेले, ज्येष्ठ संपादक कैलाश म्हापदी, भाजपा ठाणे शहर सरचिटणीस सचिन पाटील, उद्योेजक ओमकार साजेकर, कल्याण-डोंबिवली सुधागड तालुका अध्यक्ष यशवंत कदम, चिवे गावचे सरपंच रोहिदास साजेकर, उद्योजक प्रवीण खाडे, उद्योजक स्वप्नील पायगुडे, टेंभीनाका शिवसेना शाखाप्रमुख निखिल बुडजडे, उद्योजक संतोष तोडकर, धीरज साजेकर, सखाराम आंबेकर, सुर्यकांत साळुंखे, भाजपा ठाणे शहर सचिव संतोष साळुंखे, भाजपा ठाणे शहर चिटणीस माधुरीताई मेटांगे, रंजना खाडे, कोकण पदवीधर संयोजक सचिन मोरे, शिवाजी दळवी, शिवसेना उपविभागप्रमुख सिद्धु यादव, भाजपा ठाणे शहर उपाध्यक्ष विक्रम भोईर, भाजपा ठाणे शहर उपाध्यक्ष महेश कदम, भार्जे गावचे सुभाष मुंडे, सुजित बारस्कर, भाजपा ओबीसी सेलचे कृष्णा भुजबळ, राजेश कवे, पी. आय. संतोष धाडवे, शिवाजी दळवी, निलेश महाडीक, महेश सितापराव, उद्योजक संजय सागळे, नवतरुण सुधागड तालुका रहिवासी सेवा संघ डोंबिवली अध्यक्ष जयेश ठाकूर यांच्यासह ठाणे, रायगड, मुंबई, पुणे जिल्ह्यातून सुधागडवासी मोठ्या संख्येने उपस्थित होते. या कार्यक्रमासाठी आयोजक रमेश सागळे, कार्याध्यक्ष प्रकाश शिलकर, सुनिल तिडके, राकेश थोरवे, अविकांत साळुंके, जयगणेश दळवी, धनंजय खाडे, प्रविण बामणे, ज्ञानेश्वर यादव, अजित सागळे, सुधीर नेमाणे, सखाराम चव्हाण, रविंद्र चव्हाण, सुहास यादव, दत्ता यादव, गजानन केदारी, विजय जाधव, अजय जाधव, चंद्रकांत बेलोसे, दत्ता सागळे, श्याम बगडे, जनार्दन घोंगे, सुरेश शिंदे, अनिल सागळे, दिनेश बुरुमकर, गजानन जंगम, हरिश्चंद्र मालुसरे, मोहन भोईर, राम भोईर भगवान तेलेगे यांच्यासह तालुक्यातील अनेक सामाजिक कार्यकर्त्यांनी मेहनत घेतली. केतन म्हस्के व अलंकार मनवी यांच्या उत्कृष्ट सुत्रसंचलनाने प्रेक्षकांना खिळवून ठेवले. दिवसभरात उपस्थितांच्या मनोरंजनासाठी बल्लाळेश्वर म्युझिकल ग्रुप आणि रिदम म्युझिक अॅकेडमीच्यावतीेने मराठी वाद्यवृंदाचेही आयोजन करण्यात आले होते. यामध्ये गायक नथुराम शिंदे, किशोर शिलकर, समीर दंत, नुतन सावंत, प्रतिक्षा भणगे (शिलकर), ढोलकीपटु तेजस मोरे व बालशाहीर – गायक सौजस मोरे यांनी सुमधूर गायनाने रसिकांची मने जिंकली. गायक किशोर शिलकर यांनी आयोजक रमेश सागळे यांच्या जीवनावर वैयक्तिक तयार केलेले गीत सादर केले व सौजश मोरे यांनी कबड्डडीसाठी तयार केलेले गाणे सादर केले. शेवटी आयोजक रमेश साबळे यांनी उपस्थितीत मान्यवर, सुधागड तालुका रहिवासी, ठाणेकर, खेळाडु, पंच आणि पोलीस प्रशासनाचे आभार व्यक्त केले.
मुंबई : लोकमान्य बँक्वेट हॉल, माटुंगा येथे आयोजित केलेल्या भारतीय आयुर्विमा महामंडळ, इंडियन ऑईल व ओ. एन. जी. सी पुरस्कृत ३२ व्या सिनियर मुंबई जिल्हा अजिंक्यपद कॅरम स्पर्धेत पुरुष एकेरी गटाच्या अंतिम सामन्यात रिझर्व बँकेच्या प्रशांत मोरेने अंतिम विजेतेपद मिळविले. परंतु याकरिता त्याला तीन सेटपर्यंत झुंज द्यावी लागली. पहिला सेट प्रशांतने २५-१० असा सहज जिंकला होता. मात्र दुसऱ्या सेटमध्ये शिवतारा कॅरम क्लबच्या राहुल सोळंकीने २५-९ अशी मात करत सामन्यात रंगत निर्माण केली. तिसऱ्या आणि अंतिम सेटमध्ये सातव्या बोर्ड अखेरीस प्रशांतकडे १७-९ अशी ८ गुणांची आघाडी होती. परंतु शेवटच्या क्षणापर्यंत राहुलने हार मानली नाही. त्याने आठवा बोर्ड ७ गुणांचा घेतला. मात्र एक गुणांच्या फरकाने त्याला १६-१७ असा अंतिम सेट आणि सामना गमवावा लागला. विजेतेपद पटकावणाऱ्या प्रशांत मोरेने रोख रुपये १५,०००/= आणि चषकावर आपले नाव कोरले. महिला एकेरीच्या अंतिम सामना चुरशीचा झाला. यामध्ये इंडियन ऑईलच्या अनुभवी काजल कुमारीने पोस्टलच्या रिंकी कुमारीवर मात केली. पहिला सेट रिंकीने २०-१२ असा जिंकून सामन्यात आघाडी घेतली होती. परंतु अनुभवी काजलने दुसरा सेट २५-९ असा सहज जिंकून आपले आव्हान कायम ठेवले. तिसऱ्या आणि अंतिम सेटमध्ये सातव्या बोर्ड अखेरीस रिंकीकडे १७ -१२ अशी पाच गुणांची आघाडी होती. मात्र आठवा ब्रेक काजलकडे असल्याने त्याचा फायदा उठवत तिने हा बोर्ड ९ गुणांचा घेत तिसरा सेट २१-१७ असा जिंकून विजेपदाचे चषक आणि रोख रुपये ७५००/= चे इनाम काबीज केले. पुरुष वयस्कर गटाच्या अंतिम सामन्यात हाफकिन इंस्टीट्युटच्या पवन मेस्त्रीने विजय कॅरम क्लबच्या गणेश पाटणकरवर रंगतदार तीन सेटमध्ये २५-९, ९-२४ व २४-५ असा विजय मिळवून रोख रुपये ५,०००/= आणि चषक पटकावला. पुरुषांच्या तिसऱ्या क्रमांकासाठी झालेल्या लढतीत डी. के. सी. सी. च्या सिद्धांत वाडवलकरने शिवतारा क्लबच्या सलमान खानवर २५-८, २५-१३ अशी मात केली. तर महिलांच्या तिसऱ्या क्रमांकांसाठी झालेल्या लढतीत जैन इरिगेशनच्या मिताली पाठकने पोस्टलच्या नीलम घोडकेला २१-१२, २१-९ असे नमविले. वयस्कर गटाच्या तिसऱ्या क्रमांकाच्या लढतीत ए. के. फाउंडेशनच्या नूर महम्मद शेखने फ्रेंड्स कॅरम क्लबच्या बाबुलाल श्रीमलवर २४-१०, २५-५ अशी मात केली. विजेत्या खेळाडूंना एकंदर १ लाख ६० हजारांची रोख पारितोषिके, चषक, मेडल्स व प्राविण्य प्रमाणपत्रे मुंबई डिस्ट्रिक्ट कॅरम असोसिएशनचे अध्यक्ष प्रदीप मयेकर, उपाध्यक्ष यतिन ठाकूर, केतन चिखले, मानद सचिव सरचिटणीस अरुण केदार, खजिनदार संजय देसाई, राज्य कॅरम संघटनेचे खजिनदार अजित सावंत, लोकमान्य मंडळ माटुंग्याचे कार्याध्यक्ष मनोहर गोडसे, सुहास बेडेकर व श्रीकांत गोडसे यांच्या हस्ते देण्यात आली.
महाराष्ट्र राज्य मास्टर बॅडमिंटन चॅम्पियनशिप ठाणे : नुकत्याच ठाणे येथे झालेल्या Yonex Sunrise महाराष्ट्र राज्य मास्टर बॅडमिंटन चॅम्पियनशिप 2024-25 स्पर्धेत मुंबईच्या मिलिंद पूर्णपात्रे व दिलीप सुखटणकर यांनी 65 वर्षे वर्षावरील दुहेरीचे राज्य विजेतेपद पटकाविले. त्यांना सुवर्णपदक व प्रमाणपत्र देण्यात आले. त्यांनी मुंबईच्या कुमार हिंदुजा व रमण Venkatkrshanan यांचा 19-21, 21-19 व 21-17 अशा अटीतटीच्या लढतीत पराभव केला़. या स्पर्धा ठाणे शहर व ठाणे जिल्हा यांनी महाराष्ट्र बॅडमिंटन असोसिएशन यांच्या मार्गदर्शनाखाली घेण्यात आल्या. या प्रसंगी मिलिंद पूर्णपात्रे यांनी गेल्या 50 वर्षांपेक्षा जास्त राज्य, राष्ट्रीय, आंतरराष्ट्रीय स्पर्धेत सातत्याने उत्तम कामगिरी केल्या बद्दल तसेच प्रशिक्षक व संघटक म्हणुन जी कामगिरी करून बॅडमिंटन चा प्रसार करण्यास हातभर लावला त्याबद्दल श्री श्रीकांत वाड, महाराष्ट्र बॅडमिंटन असोसिएशन चे सेक्रेटरी यांच्या हस्ते मिलिंद पूर्णपात्रे यांना मानचिन्ह देऊन गौरविण्यात आले.
एन एस फिटझोन जिम आयोजित अंतर्गत क्रिकेट स्पर्धा नौपाडा विभागातील राम मारुती मार्गावरील सुप्रसिद्ध एन एस फिटझोन जिम आयोजित अंतर्गत क्रिकेट स्पर्धेत सचिन जाधव यांच्या नेतृत्वाखाली खेळणाऱ्या द हंटर संघाने विजेतेपदाला गवसणी घातली.देशाच्या ७६ व्या प्रजासत्ताक दिनानिमित्त या स्पर्धेचे आयोजन केले होते. संघाच्या अंतिम विजयात मोलाची कामगिरी बजावणाऱ्या वैदूल कामठेला सामन्यातील सर्वोत्तम खेळाडूचा पुरस्कार देऊन गौरविण्यात आले.स्पर्धेतील सर्वोत्तम फलंदाजाचे पारितोषिक नितेश गालाला देण्यात आले.तर प्रशिक रोकडे स्पर्धेतील सर्वोत्कृष्ट गोलंदाज ठरला. राज्याच्या सामान्य प्रशासन विभागातील उप सचिव चंद्रकांत कृष्णा मोरे यांनी नारळ फोडून या स्पर्धेचे रितसर उद्घाटन केले. एनएस फिटझोन जिमचे संचालक मंगेश सावर्डेकर यांनी स्पर्धा यशस्वी करण्यासाठी विशेष परिश्रम घेतले.
