Category: ठाणे

 घोरपडे, शेट्टे, ताकमोगे, तांबवेकर, सोमण, आरंडे, गुंजाळ यांना सुवर्णपदक   पुणे १९ ऑक्टोबर २०२४: सायकलिंग असोसिएशन ऑफ महाराष्ट्र आणि क्रीडा प्रबोधिनी सायकलिस्ट असोसिएशन यांच्या वतीने आयोजित ३-या महाराष्ट्र राज्य ट्रॅक सायकलिंग अजिंक्यपद स्पर्धेच्या पहिल्या दिवशी संस्कार घोरपडे, सिद्धेश घोरपडे, साहील शेट्टे, मंगेश ताकमोगे, गायत्री तांबवेकर, आभा सोमण, सायली आरंडे, श्वेता गुंजाळ यांनी आपापल्या वयोगटात चमकदार कामगिरी करताना टाईम ट्रायल प्रकारात सुवर्णपदक पटकावले. आज या स्पर्धेचे उदघाटन सायकलिंग फेडरेशन ऑफ इंडीयाचे उपाध्यक्ष श्री प्रताप जाधव, निगडी पोलीस स्टेशनचे वरीष्ठ पोलीस निरीक्षक श्री शत्रुघ्न माळी, स्पर्धेचे मुख्य कॉमिशर सुदाम रोकडे, आंतरराष्ट्रीय पंच धर्मेंद्र लांबा, स्पर्धा संचालक दिपाली पाटील, मिलींद झोडगे, मिनाक्षी शिंदे, सायकलिंग असोसिएशन ऑफ महाराष्ट्राचे खजिनदार भिकन अंबे, महाराष्ट्र कॅरम असोसिएशनचे सहसचिव अभिजीत मोहिते आदी मान्यवर हजर होते. आज पावसामुळे काही काळ स्पर्धेत व्यतय आला. आज  सर्व वयोगटातील टाईम ट्रायल प्रकारामधील अंतिम स्पर्धा पार पडल्या. आज झालेल्या स्पर्धांचा सविस्तर निकाल पुढीलप्रमाणे. टाईम ट्रायल :- युथ बॉईज ५०० मीटर्स – सुवर्ण – संस्कार घोरपडे (पुणे ३८.८९ से.), रौप्य – अर्नव गौंड (पुणे ४२.५२ से.) कांस्य – अनुज गौंड (पुणे – ४२.६२से). युथ गर्ल्स ५०० मी. – सुवर्ण – गायत्री तांबवेकर (पुणे – ४१.८९ से.), रौप्य – ज्ञानेश्वरी माने (पुणे ४१.८९ से.), कांस्य – मुग्धा कर्वे (पुणे – ४६.०२). सब ज्युनिअर बॉईज ५०० मी.  – सुवर्ण –  सिद्धेश घोरपडे (३६.२५ से), रौप्य – प्रणय चिनगुंडे (३९.६० दोघे क्रीडा प्रबोधिनी), कांस्य – संस्कार घोरपडे (पुणे ३९.७९ से), सब ज्यनिअर गर्ल्स ५०० मी. – सुवर्ण – आभा सोमण (४१.०१ से.) रौप्य – गायत्री तांबवेकर (४२.३० से.), कांस्य – श्रीवणी परीट (४४.८१ से. सर्व पुणे). ज्युनिअर:- मुले १००० मी. सुवर्ण – साहील शेट्टे (पुणे १.१३.६०), रौप्य – हरीश डोंबाळे (क्रीडा प्रबोधिनी पुणे १.१४.३१) कांस्य – सोहम पवार (पुणे १.१४.९४) मुली ५०० मी. – सुवर्ण – सायली आरंडे (कोल्हापूर ३९.७१ से.) रौप्य  – आभा सोमण (पुणे ४१.०३से) कांस्य – झायना पिरखान (पालघर ४१.७६ से). मेन ईलाईट (पुरुष खुला गट) १००० मी. – सुवर्ण – मंगेश ताकमोगे (१.१२.०३) रौप्य – वेदांत जाधव (१.१२.३७ दोघे पुणे) कांस्य – मंथन लाटे (ठाणे १.१३.२३) वुमेन ईलाईट (महिला खुला गट) – ५०० मी. – सुवर्ण – श्वेता गुंजाळ (पुणे ३९.८० से) रौप्य – सायली आरंडे (कोल्हापूर ४०.४८ से.) कांस्य – आदिती डोंगरे (क्रीडा प्रबोधिनी, पुणे ४१.८८ से) 0000

ठाणे : विधानसभा निवडणुकीचे बिगुल वाजले असून सर्वच राजकीय पक्षांकडून उमेदवारांची चाचपणी सरू आहे, तर दुसरीकडे लोकशाहीच्या या उत्सवासाठी जिल्हा प्रशासनदेखील सज्ज झाले आहे. त्यानुसार नुकतेच जिल्हा प्रशासनाकडून १८ विधानसभा…

 ग्रामीण मतदारसंघातून राजू पाटील पुन्हा रिंगणात उतरण्याची शक्यता   कल्याण : २०१९च्या विधानसभा निवडणुकीत महाराष्ट्र नवनिर्माण सेनेला विजय मिळालेला एकमेव मतदारसंघ अशी कल्याण ग्रामीण मतदार संघाची ओळख आहे. आगरीबहुल असा हा मतदारसंघ असून मनसेचे आमदार प्रमोद उर्फ राजू पाटील यांचा हा मतदार संघ असल्याने संपूर्ण राज्याचे लक्ष आहे. या मतदारसंघातून राजू पाटील हे पुन्हा निवडणुकीला सामोरे जाणारे हे निश्चित असले तरी मनसे प्रमुख राज ठाकरे या मतदारसंघात नेमका कोणता पवित्रा घेणार, याविषयी सर्वाधिक उत्सुकता आहे. गेल्या निवडणुकीत माघार घेऊन निवडणूक न लढवणारे माजी आमदार सुभाष भोईर शिवसेना (उद्धव बाळसाहेब ठाकरे) पक्षाकडून निवडणूक लढवण्यासाठी सज्ज असल्याने ही लढत चुरशीची ठरणार आहे. कल्याण, डोंबिवली, ठाणे महापालिकेतील काही भाग, कल्याण तालुका, अंबरनाथ तालुक्यातील काही भाग, नवी मुंबईतील गावे तसेच कल्याण पूर्वेतील लोकग्राम परिसर अशा विस्तृत परिसरात कल्याण ग्रामीण मतदारसंघाचा विस्तार आहे. या मतदारसंघात आगरी मतदारांचे प्राबल्य असल्याने सर्वच राजकीय पक्षाकडून या मतदाराच्या मतांचे दान मिळविण्यासाठी आगरी चेहरा दिला जाण्याची शक्यता आहे. मात्र काहीही असले तरी यावेळी मातब्बरांनी या मतदारसंघातून निवडणूक लढविण्याची तयारी केल्याने या मतदारसंघात चुरशीची लढत होण्याची शक्यता व्यक्त होत आहे. या मतदारसंघाने यापूर्वी दोनवेळा मनसेच्या बाजूने कौल दिला आहे. लोकसभा निवडणुकीत या मतदारसंघातून मुख्यमंत्री एकनाथ शिंदे यांचे सुपुत्र श्रीकांत शिंदे यांनी निवडणूक लढवली होती. यावेळी शिवसेनेकडून मनसेला विधानसभेत सहकार्य करण्याचे आश्वासन देण्यात आले होते. या आश्वासनानंतर खासदार शिंदे यांच्या प्रचारात राजू पाटील पुढाकार घेतला होता. त्यामुळे या मदतीची परतफेड शिवसेना आणि डॉ. शिंदे यांच्याकडून होईल, अशी मनसेला अपेक्षा आहे. तर मागील विधानसभा निवडणुकीत भोईर यांना उमेदवारीपासून दूर ठेवळे होते. मात्र शिवसेनेत विभाजन झाल्यानंतर भोईर हे उमेदवारीचे प्रमुख दावेदार झाले आहेत. मतदारसंघात असलेला दांडगा जनसंपर्क आणि महाविकास आघाडीतील मित्रपक्ष काँग्रेस व राष्ट्रवादी यांच्या मताची जोड त्यांना मिळणार असल्याने महाविकास आघाडीचे आव्हान असणार आहे. महायुतीचे मित्रपक्ष असलेल्या भाजपकडूनही या मतदारसंघावर दावा केला जात असून भाजपाचे नंदू परब उमेदवारी मिळविण्यासाठी खटाटोप करत आहेत. तर शिवसेनेकडून डोंबिवली शहरप्रमुख राजेश मोरे, ठाणे महापालिकेचे उप महापौर रमाकांत मढवी आणि कल्याण तालुकाप्रमुख महेश पाटील यांच्यात चुरस वाढली आहे. मात्र महायुतीच्या जागावाटपात ही जागा शिंदे गटाला सुटल्यास ठाकरे गटाच्या उमेदवाराला शह देण्यासाठी शिवसेना शिंदे गटाकडून भोईर यांच्या मतामध्ये विभाजन करण्याची क्षमता असलेल्या उमेदवाराच्या नावावर शिक्कामोर्तब केले जाण्याची शक्यता व्यक्त होत आहे. गत निवडणुकांची पार्श्वभूमी २००९च्या निवडणुकीत या मतदारसंघातून मनसेकडून रमेश पाटील यांची लढत शिवसेनेचे उमेदवार रमेश म्हात्रे यांच्यामध्ये बरोबरी होती. मात्र त्यावेळी मनसेच्या लाटेत रमेश पाटील यांचा विजय झाला होता. तर २०१४ च्या निवडणुकीत रमेश पाटील यांच्यावर शिवसेनेच्या सुभाष भोईर यांनी मात करत हा मतदारसंघ शिवसेनेच्या ताब्यात घेतला होता. तर २०१९ च्या निवडणुकीत मनसेने पुन्हा एकदा शिवसेनेचे उमेदवार रमेश म्हात्रे यांच्यावर मात करत हा मतदारसंघ जिंकला. सुभाष भोईर यांनी यावेळी शांत राहण्याचा घेतलेला निर्णय काहीसा मनसेच्या पथ्यावर पडल्याची चर्चा होती. २०१९ च्या निवडणुकीत मनसेने हा मतदारसंघ जिंकला असला तरी आता परिस्थिती बदलली आहे. 0000

विधानसभा सार्वत्रिक निवडणूक 2024 च्या पार्श्वभूमीवर ठाणे : विधानसभा सार्वत्रिक निवडणूक 2024 च्या पार्श्वभूमीवर जिल्हाधिकारी तथा जिल्हा निवडणूक निर्णय अधिकारी श्री.अशोक शिनगारे यांच्या निर्देशानुसार जिल्हा नियोजन समिती सभागृहात FST/SST/VST/ VVT व कंट्रोल रुममधील अधिकारी- कर्मचाऱ्यांना CVIGIL App व ESMS App चे प्रशिक्षण देण्यात आले. यावेळी आदर्श आचारसंहितेबाबत क्षेत्रीय स्तरावर काम करणारे अधिकारी-कर्मचारी उपस्थित होते. जिल्हा सूचना व विज्ञान अधिकारी नरेंद्र भामरे यांनी आयटी ॲप्लिकेशन्स विषयी मार्गदर्शन केले तसेच उपजिल्हाधिकारी सुकेशिनी कांबळे-पगारे व तहसिलदार सायली भगत यांनीही उपस्थितांना मार्गदर्शन केले.

भाईंदर : जनहित की आवाज या माध्यमाद्वारे मिरा भायंदर महापालिकेतील महासभेत आलेल्या विषयांवर नगरसेविका नीला सोन्स आवाज उठवत आहेत. हा विषय लोकांच्या जिव्हाळ्याचा असून, यात न्याय मिळावा असं त्यांनी घेतलेल्या…

मुलुंड मराठा मंडळ या ज्ञाती संस्थेचे कार्य समाजाला दीपस्तंभाप्रमाणे प्रेरणादायी आहे – मेजर डॉ. आश्लेषा तावडे -केळकर   ठाणे : सुप्रसिध्द लेखक, संपादक अशोक राजाराम तावडे संपादित आश्लेषा या दिवाळी अंकाचा प्रकाशन सोहळा नुकताच १६ ऑक्टोबरला कोजागिरी पौर्णिमेच्या मंगल दिवशी मराठा मंडळ मुलुंड, मुंबई या संस्थेच्या चंद्रकांत गणपत देसाई सभागृहात मराठा मंडळाचे अध्यक्ष रमेश शिर्के यांच्या शुभहस्ते संपन्न झाला. यावेळी पुढे बोलताना मेजर डॉ. आश्लेषा तावडे – केळकर यानी मराठा मंडळाच्या कार्याचा गौरवपूर्ण शब्दात उल्लेख करून आश्लेषा दिवाळी अंकाची जन्मकथा आणि पहिल्या अंकाच्या प्रकाशनाचा हृदयस्पर्शी आढावा घेतला. या अंकाचे संपादक अशोक तावडे यानी भारतीय लष्कर सेवेतून मेजर म्हणून निवृत्त झालेल्या आपल्या कर्तबगार कन्येचा गौरवपूर्ण शब्दात उल्लेख करून आश्लेषा हे आपल्या कन्येचेच नाव या अंकाला ठेवण्याची आठवण सांगितली. मुलुंड मराठा मंडळाचे ज्येष्ठ सभासद अशोक तावडे  यांनी मराठा मंडळाच्या ४६ व्या वर्धापनदिनाचे औचित्य साधून हा प्रकाशन सोहळा घडवून आणला. व्यासपीठावर मंडळाचे अध्यक्ष रमेश शिर्के यांच्याबरोबरच अशोक तावडे, मेजर डॉ. आश्लेषा तावडे-केळकर मंडळाचे उपाध्यक्ष अरुण चव्हाण, शिवाजी सावंत, कार्याध्यक्ष महेश चव्हाण, सरचिटणीस अजय खामकर, वाचनालय / अभ्यासिका विभाग प्रमुख मिनल सावंत आणि इतर मान्यवर उपस्थित होते. या संदर्भात सुप्रसिध्द वृत्तपत्र पत्रलेखक सूर्यकांत भोसले, मंडळातील एक सेवाभावी सेवक सुंदरराज पिल्ले यांच्याबरोबरच मंडळाच्या कर्तबगार महिला कार्यकर्त्या माधुरी तळेकर, रश्मी राणे, ऐश्वर्या ब्रीद व मिनल सावंत यांचाही मेजर डॉ. आश्लेषा तावडे यांच्या शुभहस्ते यथोचित सत्कार करण्यात आला. 00000

ठाणे : जिल्ह्यातील महापालिकांसह उद्योग, कारखान्यांना पाणी पुरवठा करणारे बारवी धरण या आधी ९ ऑगस्टला भरले होते. तेव्हा उघडलेले स्वयंचलित दरवाजे पाणी कमी झाल्यामुळे बंद झाले होते. पण आज परतीच्या…

 विधानसभा सार्वत्रिक निवडणुक 2024 च्या पार्श्वभूमीवर ठाणे,दि.19(जिमाका):- प्रत्येक निवडणुकीत पोलीस दलाने नि:पक्षपातीपणे व निर्भयपणे काम केलेले आहे. लोकसभा निवडणुकांप्रमाणे येत्या 20 नोव्हेंबर 2024 रोजी होत असलेल्या विधानसभा सार्वत्रिक निवडणुकांमध्येही सर्व पोलीस अधिकारी-कर्मचाऱ्यांनी निवडणूक आयोगाने दिलेल्या मार्गदर्शक सूचनांचे पालन करुन नि:पक्षपातीपणे व जबाबदारीने काम करावे, असे मार्गदर्शन कायदा व सुव्यवस्था नोडल अधिकारी दीपक क्षीरसागर यांनी केले. विधानसभा सार्वत्रिक निवडणूक 2024 च्या पार्श्वभूमीवर जिल्हाधिकारी तथा जिल्हा निवडणूक निर्णय अधिकारी अशोक शिनगारे यांच्या निर्देशाप्रमाणे आज जिल्हा नियोजन समिती सभागृह येथे जिल्हास्तरीय पोलीस अधिकाऱ्यांचे “कायदा व सुव्यवस्था” या विषयाबाबतचे प्रशिक्षण पोलीस आयुक्त आशुतोष डुंबरे, सह आयुक्त संजय जाधव यांच्या प्रमुख उपस्थितीत नोडल अधिकारी, कायदा व सुव्यवस्था दीपक क्षीरसागर यांच्या मार्गदर्शनाखाली संपन्न झाले, त्यावेळी ते बोलत होते. या प्रशिक्षण वर्गास जिल्ह्यातील सर्व उपायुक्त, सहाय्यक पोलीस आयुक्त तसेच वरिष्ठ पोलीस अधिकारी आणि इतर पोलीस अधिकारी-कर्मचारी उपस्थित होते. कोणत्याही निवडणुकांमध्ये पोलीस प्रशासनाची महत्वाची जबाबदारी असते. निवडणूक आयोगाने प्रत्येक मतदान केंद्रावर नेमून दिलेल्या कर्मचाऱ्यांसोबत पोलीस कर्मचारीसुद्धा तैनात असतात, त्यामुळे मतदान केंद्रावर कोणताही अनुचित प्रकार घडणार नाही याची काळजी प्रत्येकाने घेणे गरजेचे आहे. निवडणुकीची ड्यूटी ही कायद्याचे पालन करुन डोळ्यात तेल घालून करणे आवश्यक आहे. मॉक ड्रिल्स कधी घ्यावेत याचेही नियोजन करणे गरजेचे आहे. निवडणुकीसाठी मतदान केंद्रावर लागणाऱ्या मशीन्सची याची जबाबदारी देखील पोलीसांवर असते व ती आपण काटेकोरपण पार पाडत असतो, त्यामुळे या निवडणुकीतही आपण सर्वजण ती निश्चितपणे पार पडणार आहोत, असा विश्वासही कायदा व सुव्यवस्था नोडल अधिकारी दीपक क्षीरसागर यांनी यावेळी व्यक्त केला. निवडणूक कालावधीत आचारसंहितेचा भंग होणार नाही याचीही दक्षता पोलिसांनी घेणे आवश्यक आहे. तसेच कोणताही अनुचित प्रकार घडल्यास त्याबाबतची माहिती आपल्या वरिष्ठांना कळवावी. तसेच मतदान केंद्रावर कोणतेही गैरव्यवहार होणार नाही, या दृष्टीने काम करावयाचे आहे, अशा सूचनाही यावेळी उपस्थित पोलीस अधिकारी- कर्मचाऱ्यांना देण्यात आल्या. 00000

पक्षाअंतर्गत विरोधकांची कोंडी, पक्षांतरांच्या चर्चांनाही पूर्णविराम   बदलापूर: मुरबाड विधानसभा मतदारसंघाचे विद्यमान आमदार किसन कथोरे यांना भाजपने तिसऱ्यांदा उमेदवारी जाहीर केली आहे. भाजपने जाहीर केलेल्या पहिल्या उमेदवार यादीत किसन कथोरे यांच्या मुरबाड विधानसभा मतदारसंघाचाही समावेश असून भाजपने कथोरे यांना तिकीट दिल्याने त्यांच्या पक्षांतरांच्या चर्चांना पूर्णविराम मिळाला आहे. तसेच लोकसभेचे माजी खासदार कपिल पाटील यांच्यासह कथोरे यांच्याविरुद्ध आघाडी उघडणाऱ्या अनेकांना धक्का दिला आहे. मुरबाड विधानसभा मतदारसंघाचे आमदार किसन कथोरे भाजपाकडून तिसऱ्यांदा निवडणुकीच्या रिंगणात उतरले आहे. भाजपने रविवारी उमेदवारांची पहिली यादी जाहीर केली. यात मुरबाड विधानसभा मतदारसंघातून किसन कथोरे यांचे नाव निश्चित झाले. दरम्यान यापूर्वी किसन कथोरे पक्षांतर करून राष्ट्रवादी काँग्रेस शरद पवार पक्षात प्रवेश करणार अशा चर्चा रंगल्या होत्या. लोकसभा निवडणुकीत पराभूत झालेले भाजपचे उमेदवार आणि केंद्रीय राज्यमंत्री कपिल पाटील यांनीही कथोरे यांच्याविरुद्ध जुन्या जाणत्या भाजप पदाधिकाऱ्यांची आघाडी उभी केली होती. तसेच कथोरे यांना, हिम्मत असेल तर अपक्ष लढून आपली ताकद दाखवा असे आव्हानही पाटील यांनी उघडपणे दिले होते. त्याचवेळी महायुतीतील घटक पक्ष असलेल्या शिवसेनेतील बदलापूर शहरप्रमुख वामन म्हात्रे, मुरबाड ग्रामीण मधून शिवसेनेचे प्रतिनिधित्व करत असलेले जिल्हा परिषदेचे माजी उपाध्यक्ष सुभाष पवार यांनी कथोरे यांना आव्हान देत मुरबाड विधानसभा मतदारसंघाची मागणी केली होती. या पक्षांतर्गत आणि महायुतीतील विरोधामुळे किसन कथोरे शरद पवारांच्या गटात जाणार असल्याची एक मांडणी केली जात होती. हीच मांडणी करत शिवसेनेतील काही इच्छुक मुख्यमंत्री एकनाथ शिंदे यांना भेटून मुरबाड विधानसभा मतदारसंघात तयारी करण्यासाठी आदेश द्या, अशी विनंती केली होती . मात्र रविवारी भाजपने पहिल्याच यादीत आमदार किसन कथोरे यांचे नाव जाहीर केल्याने भाजपने सर्वांना स्पष्ट उत्तर दिल्याचे बोलले जाते आहे. पहिल्या यादीतील किसन कठोर यांच्या नावामुळे पक्षांतरांच्या चर्चांना पूर्णविराम मिळाला आहे. तसेच भाजपने कथोरे यांच्या पक्षातील विरोधकांना थेट उत्तर दिल्याचे बोलले जाते.

 १४७ कोपरी पाचपखाडी विधानसभा मतदारसंघाच्या ठाणे : भारत निवडणूक आयोगाने १५ ऑक्टोबर २०२४ रोजीच्या अधिसूचनेनुसार विधानसभा सार्वत्रिक निवडणूक २०२४ ची आदर्श आचार संहिता जाहीर केलेली आहे. १४७ कोपरी पाचपाखाडी विधानसभा मतदारसंघाच्या कार्यक्षेत्रासाठी मतदारांच्या तक्रारी नोंदविणे, त्यांना माहिती देणे या कामे करण्याकरिता १४७ कोपरी पाचपाखाडी विधानसभा मतदारसंघाच्या मध्यवर्ती मतदान केंद्रात नियंत्रण कक्ष (२४४७) उभारण्यात आले असून या नियंत्रण कक्षात लँडलाईन दूरध्वनी क्रमांक ०२२- २०८१२८३६ व  १८००२२००२१ हा टोल फ्री क्रमांक कार्यान्वित करण्यात आला आहे, असे १४७ कोपरी पाचपाखाडी विधानसभा मतदारसंघाचे  सहायक निवडणूक निर्णय अधिकारी मिलिंद मुंढे यांनी कळविले आहे.