मिरा – भाईंदर:महाराष्ट्र प्रदेश काँग्रेस कमिटीचे वरिष्ठ उपाध्यक्ष आणि मिरा – भाईंदरचे माजी आमदार मुजफ्फर हुसेन यांना कृषी क्षेत्रातील त्यांच्या नाविन्याबद्दल नवी दिल्लीत ‘ॲग्री स्टार्टअप ऑफ द इयर (राष्ट्रीय)’ आणि ‘क्रॉप आयकॉन अवॉर्ड २०२६’ या पुरस्कारांनी सन्मानित करण्यात आले आहे. आधुनिक आणि सेंद्रिय शेतीमधील त्यांच्या योगदानाबद्दल भारतीय कृषी संशोधन परिषदेतर्फे हुसेन यांना हा सन्मान प्रदान करण्यात आला. दिल्लीत मत्स्य आणि दुग्धव्यवसाय मंत्रालयाचे माजी सचिव डॉ. तरुण श्रीधर, ॲग्रीइनोव्हेट इंडिया लिमिटेडचे मुख्य कार्यकारी अधिकारी प्रवीण मलिक, झायडेक्स ग्रुपचे अध्यक्ष आणि व्यवस्थापकीय संचालक अजय रांका आणि कृषी जागरण व ॲग्रीकल्चर वर्ल्डचे संस्थापक आणि मुख्य संपादक एम. सी. डॉमिनिक यांच्या उपस्थितीत त्यांना हा पुरस्कार प्रदान करण्यात आला.
मुझफ्फर हुसेन हे केवळ एक अनुभवी राजकारणीच नाहीत, तर महाराष्ट्राच्या विदर्भ प्रदेशातील प्रगत कृषी क्षेत्रातील एक नेते असून, ते शेतकऱ्यांसाठी उत्कृष्ट आणि प्रेरणादायी कार्य करत आहेत. हा प्रतिष्ठित राष्ट्रीय पुरस्कार मिळाल्याबद्दल मीरा -भाईंदरच्या रहिवाशांनी हुसेन यांचे अभिनंदन केले आहे.
कृषी क्षेत्रातील ‘ॲग्री स्टार्टअप ऑफ द इयर’ पुरस्काराने मुजफ्फर हुसेन यांचा गौरव.
