Category: महाराष्ट्र

स्वामी विवेकानंद प्राथमिक व माध्यमिक शाळेचा वार्षिक स्नेहसंमेलनाचा कार्यक्रम उत्हासात साजरा हरिभाऊ लाखे नाशिक : स्वामी विवेकानंद प्राथमिक व माध्यमिक शाळा इंदिरानगर नाशिक येथे २७ डिसेंबरला वार्षिक स्नेहसंमेलनाच्या कार्यक्रमाचे आयोजन करण्यात आले होते. या कार्यक्रमाचे प्रमुख पाहूणे प्राचार्य विलासकुमार देशमुख यांच्यासह माजी विद्यार्थिनी बागेश्री मानसी मनोज पारनेरकर, वृंदा जोशी,  प्ररेणा कुलकर्णी, जयसिंह पवार,  माधुरी देशपांडे, रत्नाकर वेळीस, राम बडोदे, दिपाली साळवे, आशा नागरे इत्यादी मान्यवरांच्या उपस्थितीत हा कार्यक्रम मोठ्या उत्हासात साजरा झाला. यावेळी प्रमुख पाहूण्याची आपले मनोगत व्यक्त केले, व तसेच प्रमुख पाहूण्याचे स्वागत शाळेच्या वतीने करण्यात आले. या कार्यक्रमाला शासनदार व रंगतदार करण्यासाठी शिक्षक, शिक्षकांनी फार परिश्रम घेतले होते. अंगणवाडी ते १०वीपर्यंतच्या सर्व विद्यार्थ्यांनी या कार्यक्रमात यशस्वीरित्या भाग घेतले…

हरिभाऊ लाखे नाशिक : दरवर्षी आदिवासी विकास विभागामार्फत अनुसूचित जमातीच्या विद्यार्थ्यांना परदेशात शिक्षण घेण्यासाठी शिष्यवृत्ती दिली जाते. मात्र, शिष्यवृत्ती योजनेच्या लक्ष्यांक प्रमाणात लाभ घेणाऱ्यांची संख्या कमी आहे. काही विद्यार्थ्यांनी परदेशी शिष्यवृत्तीचा…

00000 कासा : डहाणू तालुक्यासासह तलासरी तालुक्यातील अंगणवाड्यांमध्ये मदतनीस पदे रिक्त आहेत. या रिक्त पदांची भरती प्रक्रिया विधानसभा निवडणुकीमुळे अर्धवट राहिल्याने तालुक्यातील बालकांच्या आरोग्यावर गंभीर परिणाम होण्याची शक्यता निर्माण झाली…

रत्नागिरी : सन २०२४-२५ या शैक्षणिक वर्षासाठी भारतरत्न डॉ. बाबासाहेब आंबेडकर स्वाधार योजनेसाठी अर्ज करण्याची अंतिम मुदत ३१ डिसेंबरपर्यंत वाढवण्यात आली आहे. तरी अनुसूचित जाती व नवबौध्द प्रवर्गातील जास्तीत जास्त…

अनिल ठाणेकर विधानसभा निवडणुकीत मिळालेल्या प्रचंड यशानंतर हूरळून जाण्याची गरज नाही. त्याच ताकतीने आणि एकजुटीने पुन्हा आपल्याला कामाला लागायचे असून पक्षाचा एक नंबर कायम ठेवायचा आहे. त्यासाठी सर्व कार्यकर्त्यांनी मेहनत घेणे जरुरीच आहे असे मार्गदर्शन करताना आमदार संजय केळकर यांनी उपस्थित कार्यकर्त्यांना केले. ठाणे शहराचे आमदार संजय केळकर यांनी मंगळवारी भाजपा उत्तर रायगड जिल्हा सदस्यता नोंदणी कार्यशाळेत उपस्थित राहून भारतीय जनता पक्षाच्या पदाधिकाऱ्यांना मार्गदर्शन केले. ह्यावेळी व्यासपीठावर आमदार प्रशांत ठाकूर, माजी आमदार सुरेश लाड, जिल्हाध्यक्ष अविनाश कोळी, पनवेल तालुकाध्यक्ष अरुण भगत, जिल्हा सरचिटणीस दीपक बेहेरे, व पदाधिकारी व कार्यकर्ते उपस्थित होते.उत्तर रायगड जिल्हा सदस्य  नोंदणी कार्यशाळा रामशेठ ठाकूर सामाजिक विकास मंडळ पनवेल येथे पार पडली.

– डॉ. अशोक करंजकर यांची उचलबांगडी हरिभाऊ लाखे नाशिक : भूसंपादनात विशिष्ट विकसकांना् झुकते माप, संशयाच्या भोवऱ्यात सापडलेल्या काही निविदा आणि वारंवार सुट्टीवर असणे अशा कार्यशैलीने चर्चेत राहिलेले नाशिक महानगरपालिकेचे आयुक्त डॉ. अशोक करंजकर यांची अखेर शासनाने उचलबांगडी केली. त्यांच्या जागी वर्ध्याचे जिल्हाधिकारी राहुल कर्डिले यांची नियुक्ती करण्यात आली आहे. मनपा आयुक्त डॉ. करंजकर यांची कार्यकाळ पूर्ण होण्याआधीच बदली झाली आहे. २२ जुलै २०२३ रोजी त्यांची आयुक्तपदी नियुक्ती झाली होती. ते अनेक कारणांनी वादाच्या भोवऱ्यात सापडले होते. प्राधान्यक्रम बाजूला ठेवत प्रशासनाने राबविलेली भूसंपादन प्रक्रिया संशयाच्या भोवऱ्यात सापडली होती. काही विकसकांना महापालिकेने झुकते माप देत सुमारे ६२ कोेटी रुपये दिले. ही बाब उघड झाल्यानंतर मागील महायुती सरकारच्या काळात भाजप आमदारांनी याची चौकशी करून आयुक्तांची बदली करण्याची मागणी केली होती. कुठल्याही विषयावरून गदारोळ उडाला की, डॉ. करंजकर हे सुट्टीवर निघून जात असत. असे अनेकदा घडले. शेतकऱ्यांना डावलून विकसकांना मोबदला दिल्याने शेतकऱ्यांनी महापालिका मुख्यालयात गोंधळ घातला होता. विधीमंडळाच्या नुकत्याच संपलेल्या अधिवेशनात भाजप आमदारांनी वादग्रस्त भूसंपादन व निविदा प्रक्रियांबाबत तक्रारी केल्या होत्या. अधिवेशन काळात आयुक्त डॉ. करंजकर हे सुट्टीवर निघून गेले होते. करंजकर यांच्या निष्क्रियतेविषयी लोकप्रतिनिधींसह सर्वच नाराज होते. या सर्व बाबी लक्षात घेऊन शासनाने डॉ. करंजकर यांची बदली केल्याची चर्चा महापालिका वर्तुळात आहे. मनपा आयुक्तपदी वर्ध्याचे जिल्हाधिकारी राहुल कर्डिले यांची नियुक्ती करण्यात आली आहे. पदाचा कार्यभार त्वरित स्वीकारावा, असे आदेश सामान्य प्रशासन विभागाने त्यांना दिले आहेत.

अशोक गायकवाड अंबरनाथ : अंबरनाथ मधील गोल्डमॅन, रिपब्लिकन पार्टी ऑफ इंडिया (आठवले ) पक्षाचे अंबरनाथ शहर माजी अध्यक्ष, माजी नगरसेवक, अजय जाधव यांना विविध संस्था संघटनेच्या वतीने रविवारी,(दि.२२) रोजी भावपूर्ण आदरांजली वाहन्यात आली. अध्यक्षस्थानी दत्ता सरवदे होते. दिवंगत अजय जाधव हे अंबरनाथ मधील गोल्ड मॅन म्हणून ओळखले जात होते. दलित पँथर ते रिपब्लिकन चळवळीत ते कार्यरत होते. पुण्यानुमोदन कार्यक्रमात प्रारंभी ब्रम्हदेश येथील भन्ते प्रियदर्शी आणि बुद्धगया येथील भन्ते बौद्धरत्न यांनी धार्मिक कार्यक्रम आटोपला. बौद्धाचार्य मोरे यांनी प्रवचन दिले. या प्रसंगी झालेल्या आदरांजली सभेत भारतीय बौद्धमहासभा राज्य शाखेचे माजी उपाध्यक्ष सुधाकर बर्वे, राष्ट्रवादी कांग्रेस पक्षाचे अंबरनाथ शहर सचिव, माजी नगरसेवक कबीर गायकवाड, अंबरनाथचे माजी उप नगराध्यक्ष वाघमारे, नासिक विभागातील सरपंच अर्जुन डांगळे, कवी दादा पगारे, वसंत जाधव, मनोज दोंदे, फारूक शेख आदिची श्रद्धांजलीपर भाषणे झाली. शोकसभेला माजी नगरसेवक नासिर कुंजाली, आर. पी. आय अंबरनाथ शाखेचे सचिव दिलीप जाधव, ऑर्डनन्स चतुर्थी श्रेणी कर्मचारी संघटनेचे नेते बी बी मडीखांबे, जयभीम सोसायटीचे प्रतिनिधी सुनील अधांगळे, महिला कार्यकर्त्या रोशनी शेख, निर्मला घोक्षे आदी उपस्थित होत्या. कार्यक्रमाचे आयोजन युवा नेते उद्योजक यश जाधव यांनी केले होते तर सूत्रसंचालन डॉ बी आर आंबेडकर प्रतिष्ठान अध्यक्ष राहुल हंडोरे यांनी केले.

नागपूर – महाराष्ट्र राज्याचे सहकार गृहनिर्माण गृह ग्रामीण खणीकर्म शालेय शिक्षण राज्यमंत्री पंकज भोयर यांचे अभिनंदन करताना मुंबई हाउसिंग फेडरेशनचे अध्यक्ष व महाराष्ट्र राज्य गृहवित्त महामंडळाचे संचालक प्रकाश दरेकर सोबत…

आमदार राजेंद्र गावित यांची चौकशीची मागणी नुकसान भरपाई न देता आदिवासींना केले बेघर योगेश चांदेकर पालघरः पालघर जिल्ह्यातून जाणाऱ्या पायाभूत सुविधा प्रकल्पांसाठी या जिल्ह्यातील आदिवासी बांधव सकारात्मक आहेत; परंतु त्यांना कोणतीही नुकसान भरपाई न देता बेघर केले जाते. त्यांची घरे, जमिनी हडपल्या जातात. त्यातून एका आदिवासी महिलेने आत्महत्या केली असून, या प्रकरणाची चौकशी करावी आणि संबंधित प्रांताधिकारी आणि उपविभागीय पोलिस अधिकाऱ्यांवर कारवाई करावी, अशी मागणी आमदार राजेंद्र गावित यांनी आज विधानसभेत औचित्याच्या मुद्द्यावर झालेल्या चर्चेत केली. विधानसभेच्या निवडणुकीनंतर झालेल्या विधिमंडळाच्या पहिल्याच हिवाळी अधिवेशनात आ. गावित यांनी पालघर जिल्ह्यातील विविध प्रकल्पांसाठी होणारे भूसंपादन आणि त्यात आदिवासींवर होणारा अन्याय विधानसभेत मांडून विधानसभेच्या अध्यक्षांचे या प्रकरणाकडे लक्ष वेधले. प्रशासनाकडून आदिवासींचा छळ तलासरी येथील कोचाई, बोरमाळ, आणि धानीवरी या ठिकाणी भूसंपादन करताना प्रांताधिकारी आणि उपविभागीय पोलिस अधिकाऱ्यांनी कसा जाच केला, याचे पाढे आ. गावित यांनी विधानसभेत वाचले. ते म्हणाले, की पालघर जिल्ह्यातून मुंबई-अहमदाबाद बुलेट ट्रेन, मुंबई वडोदरा द्रुतगती महामार्ग, मुंबई दिल्ली कॉरिडॉर, मेट्रो प्रकल्प, टेक्सटाईल पार्क, वाढवण बंदर आदींसाठी भूसंपादन केले जात आहे. भूसंपादन करण्याला कोणाचाही विरोध असण्याचे कारण नाही; उलट विकासासठी या भागातील आदिवासींची भूमिका सकारात्मक आहे. नुकसान भरपाई न देताच जागांचा ताबा वर्षानुवर्षे आणि पिढ्यानपिढ्या ज्या जमिनी आदिवासी बांधव कसत आहेत आणि ज्या जागेवर ते राहत आहेत, त्या जागा दांडगाई करून प्रशासन ताब्यात घेत आहे. कोणतीही नुकसान भरपाई न देता या जमिनी प्रशासनाने ताब्यात घेतल्या असून त्यामुळे आदिवासी बेघर आणि भूमिहीन झाले आहेत. गेल्या काही दिवसांपूर्वी प्रचंड पोलिस फौजफाटा   बरोबर घेऊन प्रांताधिकारी आणि उपविभागीय पोलिस अधिकाऱ्यांनी आदिवासी बांधवांच्या घरांवर बुलडोझर चालवले. त्यांच्या जमिनी संपादित केल्या. घरे पाडली, असे गावित यांनी सभागृहाच्या निदर्शनास आणले. सहा वर्षे पाठपुरावा करूनही भरपाई नाही गेल्या सहा वर्षांपासून आदिवासी बांधव नुकसान भरपईसाठी डहाणू येथील उपविभागीय अधिकाऱ्यांच्या कार्यालयात चकरा मारत आहेत. पत्रव्यवहार करत आहेत; परंतु तरीही प्रशासन कोणतीच दाद द्यायला तयार नाही. या प्रकरणात पोलिस आणि प्रशासन कायदा हातात घेऊन आदिवासी बांधवांना बेघर करत त्यांना भूमिहीन करत आहेत. प्रशासन कायदा हातात घेत आहे, असे त्यांनी निदर्शनास आणले. आत्महत्येस भाग पाडल्याचा गुन्हा दाखल करा शासनाने आता या प्रकरणात दोषी असणाऱ्या अधिकाऱ्यांवर कारवाई करण्याची आवश्यकता आहे. पोलिस आणि प्रशासनाच्या दडपशाहीला आणि दांडगाईला कंटाळून आदिवासी महिला लखमी बरफ यांनी आत्महत्या केली प्रशासनावर आदिवासी महिलेला आत्महत्या करण्यास भाग पाडल्याप्रकरणी गुन्हा दाखल करून योग्य ती कारवाई करावी अशी मागणी पालघर विधानसभेचे आमदार राजेंद्र गावित यांनी विधिमंडळाच्या अधिवेशनात केली आहे.

पुरवणी मागण्यावरील चर्चेदरम्यान आमदार प्रसाद लाड यांनी केली मागणी राजेंद्र साळसकर नागपूर :  रत्नागिरी जिल्ह्यातील संगमेश्वर येथे छत्रपती संभाजी महाराज यांच्या भव्य स्मारकासाठी आणि सांगली जिल्ह्यातील कोकरूड येथे विधान परिषदेचे माजी सभापती स्व. शिवाजीराव देशमुख यांच्या स्मारकासाठी निधी देण्याबाबत पुरवणी मागण्यांवरील चर्चेदरम्यान आमदार प्रसाद लाड यांनी मागणी केली. रत्नागिरी जिल्ह्यातील संगमेश्वर तालुक्यातील मौजे कसबा येथे धर्मवीर छत्रपती संभाजी महाराज यांचे भव्य स्मारक बांधण्याचे प्रयोजन आहे. याच ठिकाणी मुघलांकडून धर्मवीर छत्रपती संभाजी महाराजांना अटक करण्यात आली होती. या स्मारकासाठी १० कोटींचा प्राथमिक निधी वर्ग करण्यात आला होता. येथील जमीन उपलब्ध होण्यास काही तांत्रिक अडचणी होत्या, परंतु त्या आता दूर झाल्या आहेत. याठिकाणी केवळ पुतळा न उभारता स्वराज्यरक्षक धर्मवीर छत्रपती संभाजी महाराजांचा इतिहास याठिकाणी दाखवता येईल, असे किमान १०० एक्करमध्ये स्मारक बनले पाहिजे, याकरिता ५० कोटींचा निधी द्यावा, अशी आग्रही मागणी आमदार लाड यांनी केली आहे. त्याचप्रमाणे सांगली जिल्ह्यातील कोकरूड येथे विधान परिषदेचे माजी सभापती स्व. शिवाजीराव देशमुख यांच्या स्मारकासाठी १० कोटींचा निधी देण्याची मागणी याप्रसंगी आमदार लाड यांनी केली.