‘यू विन पोर्टल’मार्फत नियमित लसीकरण – डॉ. गंगाधर परगे
ठाणे: जिल्ह्यातील गरोदर माता व बालक लसीकरण विना राहू नये तसेच बालकांचे आरोग्य सुदृढ रहावे यासाठी केंद्रीय आरोग्य मंत्रालय आणि राज्य सरकारच्या मार्गदर्शक सूचनेनुसार आता ‘यू विन पोर्टल’वर नोंद…
महाविद्यालयीन शिक्षकेतर संघाचा आमदार निरंजन डावखरे यांना पाठिंबा
ठाणे : विधान परिषदेच्या कोकण पदवीधर मतदारसंघातील निवडणुकीत भाजपाचे उमेदवार निरंजन डावखरे यांना विविध संघटनांचा वाढता पाठिंबा मिळत असून, अशासकीय महाविद्यालयीन शिक्षकेतर कर्मचारी संघानेही आमदार डावखरे यांच्या उमेदवारीला पाठिंबा दिला. संघाचे अध्यक्ष डॉ. आर. बी. सिंह, सरचिटणीस माधव राऊळ यांनी आमदार डावखरे यांचा मोठ्या मताधिक्याने विजय होईल, असा विश्वासही व्यक्त केला. कोकणातील महाविद्यालयांमधील हजारो कर्मचारी अशासकीय महाविद्यालयीन शिक्षकेतर कर्मचारी संघाचे सदस्य आहेत. कोकणातील शिक्षक व शिक्षकेतर कर्मचारी आणि पदवीधरांचे प्रश्न सोडविण्यासाठी आमदार डावखरे यांनी सातत्याने पुढाकार घेतला. अशासकीय शिक्षकेतरांचे प्रश्न सोडविण्यासाठी मंत्रालयात बैठका आयोजित करण्यासाठी प्रयत्न करून, अनेक प्रश्नांवर तोडगाही काढला. त्याचे कोणतेही श्रेय न घेता प्रामाणिकपणे शिक्षकेतर संघाला मदत केली. त्यामुळे संघाने सलग दुसऱ्या निवडणुकीत आमदार निरंजन डावखरे यांना पाठिंबा दिला, असे संघाचे अध्यक्ष डॉ. आर. बी. सिंह यांनी सांगितले. कोकणातील पदवीधर मतदारांपर्यंत शिक्षकेतर कर्मचारी पोचून डावखरेंचा मोठ्या मताधिक्याने विजय घडवून आणतील, असा विश्वासही त्यांनी व्यक्त केला. दरम्यान, यापूर्वी कोकणातील शिक्षकांची अग्रगण्य संघटना दिवंगत माजी आमदार स्व. रामनाथ मोते यांच्या विचाराने कार्य करणारी महाराष्ट्र राज्य शिक्षण क्रांती संघटना, आमदार किसन कथोरे यांचा महाराष्ट्र राज्य स्वाभिमान प्राथमिक शिक्षक संघाने आमदार डावखरे यांना पाठिंबा दिला आहे. त्यांच्या पदाधिकारी व कार्यकर्त्यांकडून पदवीधर मतदारांबरोबर संपर्क साधला जात आहे.
महाविद्यालयीन शिक्षकेतर संघाचा आमदार निरंजन डावखरे यांना पाठिंबा
ठाणे : विधान परिषदेच्या कोकण पदवीधर मतदारसंघातील निवडणुकीत भाजपाचे उमेदवार निरंजन डावखरे यांना विविध संघटनांचा वाढता पाठिंबा मिळत असून, अशासकीय महाविद्यालयीन शिक्षकेतर कर्मचारी संघानेही आमदार
वाऱ्याने हलणारे होर्डिंग ठाणे महापालिका काढणार!
ठाणे : पूर्व द्रुतगती महामार्गालगतच्या सेवा रस्त्यावरील वाऱ्याने हलणारे होर्डिंग तत्काळ काढण्यात येणार आहे. त्याची तयारी महापालिकेने सुरू केली आहे. तसेच, महापालिकेने होर्डिंग मालक आणि जागा मालक यांना नोटिसा बजावल्या आहेत. त्याचबरोबर, या होर्डिंगच्या नव्याने प्राप्त झालेल्या स्थिरता प्रमाणपत्राची (स्टॅबिलिटी रिपोर्ट) छाननी करण्याचा निर्णयही महापालिकेने घेतला आहे. सेवा रस्त्यावरील मुक्ता अडर्व्हटायझिंग कंपनीकडे असलेले होर्डिंग वाऱ्याने हलत असल्याची तक्रार आल्यानंतर तेथे जाहिरात विभाग उपायुक्त दिनेश तायडे, उथळसर प्रभाग समितीचे सहाय्यक आयुक्त महेश आहेर यांच्यासह महापालिकेच्या अभियंत्यांनी प्रत्यक्ष पाहणी केली. या पाहणीनंतर, कोणतीही दुर्घटना होऊ नये यासाठी हे होर्डिंग काढले जात आहे. तसेच, जागामालक व होर्डींग कॉन्ट्रॅक्टरला नोटीस देण्यात येणार असल्याची माहिती महापालिकेचे अतिरिक्त महापालिका आयुक्त प्रशांत रोडे यांनी दिली. 00000
शिक्षक व पदवीधर मतदारसंघासाठी निवडणूक निरिक्षकांची नियुक्ती – अमोल यादव
ठाणे : भारत निवडणूक आयोगाने जाहीर केलेल्या मुंबई पदवीधर, कोकण विभाग पदवीधर, मुंबई शिक्षक मतदारसंघाच्या द्विवार्षिक निवडणूकीसाठी निवडणूक आयोगामार्फत मतदारसंघनिहाय निवडणूक निरिक्षकांची नियुक्ती करण्यात आली आहे, अशी माहिती उपआयुक्त (सा.प्र.)कोकण विभाग तथा सह. निवडणूक निर्णय अधिकारी अमोल यादव यांनी दिली. भारत निवडणूक आयोगाच्या प्रसिध्दी पत्रकानुसार २६ जून २०२४ रोजी महाराष्ट्र विधान परिषदेच्या मुंबई पदवीधर,कोकण विभाग पदवीधर व मुंबई शिक्षक मतदारसंघाच्या निवडणूकीचे मतदान होणार आहे. या निवडणूकीच्या अनुषंगाने मुंबई पदवीधर मतदारसंघासाठी श्रीमती. अंशु सिन्हा,भाप्रसे (एमएच:99) यांची निवडणूक निरिक्षक म्हणून नियुक्ती करण्यात आली आहे. श्रीमती. सिन्हा यांचा दूरध्वनी क्रमांक 9920793676 असून त्यांचा ईमेल आयडी anshus72@yahoo.com असा आहे. उमेदवार,राजकीय पक्ष,मतदार व नागरिकांना विभागीय आयुक्त कार्यालय, पहिला मजला, जुनी सचिवालय, महात्मा गांधी मार्ग, फोर्ट, मुंबई -32 या कार्यालयात सकाळी 11.00 ते दुपारी 1.00 या वेळेत श्रीमती. सिन्हा यांच्यांशी संपर्क साधता येईल. कोकण विभाग पदवीधर मतदारसंघासाठी एन नवीन सोना, भाप्रसे (एमएच:2000) यांची निवडणूक निरिक्षक म्हणून नियुक्ती करण्यात आली आहे. श्री. सोना यांचा दूरध्वनी क्रमांक 8591248668 असून त्यांचा ईमेल आयडी nawin.sona@gmail.com असा आहे. उमेदवार,राजकीय पक्ष,मतदार व नागरिकांना विभागीय आयुक्त कार्यालय,पहिला मजला, जुनी सचिवालय, महात्मा गांधी मार्ग, फोर्ट, मुंबई -32 या कार्यालयात सकाळी 11.00 ते दुपारी 01.00 या वेळेत श्री. सोना यांच्यांशी संपर्क साधता येईल.मुंबई शिक्षक मतदारसंघासाठी डॉ.महेंद्र कल्याणकर, भाप्रसे (एमएच:2007) यांची निवडणूक निरिक्षक म्हणून नियुक्ती करण्यात आली आहे. डॉ. कल्याणकर यांचा दूरध्वनी क्रमांक 9324565110 असून त्यांचा ईमेल आयडी mahendrakalyankar@gmail.com असा आहे. उमेदवार,राजकीय पक्ष,मतदार व नागरिकांना विभागीय आयुक्त कार्यालय,पहिला मजला, जुनी सचिवालय, महात्मा गांधी मार्ग, फोर्ट, मुंबई -32 या कार्यालयात सकाळी 11.00 ते दुपारी 01.00 या वेळेत डॉ. कल्याणकर यांच्यांशी संपर्क साधता येईल.
डॉ. मोहन भागवतांचे चिंतनीय विचार…
राष्ट्रीय स्वयंसेवक संघाचे सरसंघचालक डॉ.मोहन भागवत यांनी काल नागपुरात कार्यकर्ता प्रशिक्षण वर्गाच्या समारोप समारोहात जे काही विचार व्यक्त केले ते या देशातील सर्वच सुजाण नागरिकांना विचार करायला लावणारे आहेत. देशात…
नवी मुंबई महापालिका आयुक्त डॉ.कैलास शिंदे यांची लक्षणीय कामगिरी
द.आफ्रिकेतील कॉम्रेड मॅरेथॉनमध्ये नवी मुंबई : दक्षिण अफ्रिकेतील 86.6 किलोमीटर अंतराच्या जागतिक स्तरावरील मानाच्या कॉम्रेड मॅरेथॉनमध्ये नवी मुंबई महानगरपालिकेचे आयुक्त डॉ. कैलास शिंदे यांनी सहभागी होत निर्धारित वेळेच्या आधीच ११ तास १० मिनिटे ५६ सेकंदात अंतर पूर्ण करून नवी मुंबई शहराचा नावलौकिक जगभरात उंचावला आहे. कॉम्रेड मॅरेथॉन ही जगातील एक नामांकित स्पर्धा असून तब्बल 86.6 किलोमीटरची ही स्पर्धा पूर्ण करताना खेळाडूंचा कस लागतो. स्पर्धेत सहभागी होऊन वेळेत स्पर्धा पूर्ण करणे हे प्रत्येक मॅरेथॉन धावणाऱ्या खेळाडूचे स्वप्न असते. त्याकरिता खेळाडू कठोर मेहनत घेत असतात. यावर्षी 9 जून रोजी ही 97 वी मॅरेथॉन डर्बन येथून सुरू होऊन पीटरमार्टिझबर्ग शहरात संपन्न झाली. यावर्षीची मॅरेथॉन अपरन अर्थात चढणीची होती. एक वर्ष डाऊन रन आणि एक वर्ष अपरन अशी कॉम्रेड मॅरेथॉन असते. यावर्षी 5923 फूट उंचीचे 86.6 किलोमीटर अंतर पार करण्यासाठी 74 हून अधिक देशातील 22 हजारपेक्षा जास्त स्पर्धक सहभागी झाले होते. यामध्ये 366 भारतीय स्पर्धकांचा समावेश होता. समुद्रसपाटीपासून 1800 मीटर उंचीवर असलेल्या हे अंतर पार करताना 20 ते 25 टेकड्या चढाव्या लागतात. ही स्पर्धा 12 तासांच्या आत पूर्ण करावी लागते. डॉ. कैलास शिंदे यांनी 11 तास 10 मिनिटे 56 सेकंदात हे अंतर पार करून आपली शारीरिक क्षमता सिध्द केलेली आहे. त्यासाठी मागील सहा महिन्यांपासून डॉ. कैलास शिंदे कसून सराव करत होते. प्रामुख्याने सुट्टीच्या दिवशी त्यांनी रात्री व पहाटे सराव करून मॅरेथॉनच्या अंतराचे व वेळेचे व्यवस्थित नियोजन केले. आफ्रिकेसारख्या देशात धावायचे असल्याने तेथील भौगोलिक परिस्थितीचाही विचार करून त्यांनी तशा प्रकारे सरावावर भर दिला. महत्त्वाचे म्हणजे आपल्या सरावाचा कोणताही परिणाम त्यांनी दैनंदिन कामकाजावर होऊ दिला नाही. नवी मुंबई महानगरपालिकेचे प्रशासकीय कामकाज त्यांनी आयुक्त म्हणून संपूर्ण क्षमतेने पाहिलेच शिवाय लोकसभा निवडणुकीची निरीक्षक म्हणून बिहारमध्ये जबाबदारी पार पाडत असतानासुद्धा धावण्याच्या सरावात खंड पडू दिला नाही. जगातील अत्यंत आव्हानात्मक आणि खडतर समजल्या जाणा-या या जागतिक मॅरेथॉ़नमध्ये सहभागी होणारे ते एकमेव सनदी अधिकारी आहेत. सलग दुसऱ्या वर्षी त्यांनी हे यश मिळवले असून गतवर्षीपेक्षा कमी वेळेत स्पर्धा पूर्ण करीत त्यांनी आपली कामगिरी आणखी उंचावली आहे. आधी सिडकोचे सह व्यवस्थापकीय संचालक व त्यानंतर नवी मुंबई महानगरपालिकेचे आयुक्त तथा प्रशासक म्हणून अत्यंत महत्त्वाची प्रशासकीय जबाबदारी आणि अत्यंत व्यस्त दिनक्रमातही त्यांनी आपल्यातील खेळाडू जिवंत ठेवला आहे. ध्येय पार करण्याची जिद्द, अथक परिश्रम, चिकाटी आणि योग्य नियोजन याच्या बळावर त्यांनी हे यश मिळविेले असून या जागतिक पातळीवरील कॉम्रेड मॅरेथॉनमधील यशाबद्दल नवी मुंबई महानगरपालिकेचे तथा प्रशासक डॉ.कैलास शिंदे यांचे सर्व स्तरांतून अभिनंदन व प्रशंसा करण्यात येत आहे.
एकीकडे झटका, दुसरीकडे इतिहास!
विश्लेषण अजय तिवारी अरुणाचल प्रदेश आणि सिक्कीममधील निवडणुकांचे निकाल काँग्रेसला अडचणीत आणणारे ठरले. अरुणाचलमध्ये जनतेने नरेंद्र मोदी यांच्या कार्यकाळाचे आणि पेमा खांडू सरकारच्या आठ वर्षांच्या कार्याचे मूल्यमापन करून मतदान केले,…
स्वस्तिक संघाला विजेतेपद
राज्यस्तरीय कबड्डी स्पर्धा भाईंदर : येथे नुकत्याच झालेल्या बालयोगी श्री सदानंद महाराज राज्यस्तरीय कबड्डी स्पर्धेत स्वस्तिक क्रीडा मंडळाने विजेतेपदाचा मान मिळवला. स्वस्तिकने उपांत्यफेरी मध्ये ओवळी क्रीडा मंडळाचा आरामात पराभव केला. तर अंतिम सामन्यामध्ये त्यांनी…