मुंबई : मुंबई मराठी पत्रकार संघाचे प्रतिष्ठेचे पुरस्कार जाहीर झाले आहेत. ज्येष्ठ छायाचित्रकार घनश्याम भडेकर यांनी लिहीलेल्या पुस्तकाला यंदाचा प्रतिष्ठेचा जयहींद पुरस्कार जाहीर करण्यात आला आहे. ललित लेखनासाठी सकाळच्या विनोद राऊत यांना विद्याधर गोखले पुरस्कार तर उत्कृष्ट राजकीय बातमीसाठी ज्येष्ठ पत्रकार पांडुरंग म्हस्के यांना पुरस्कार जाहीर करण्यात आला आहे.
पत्रकार संघातर्फे दरवर्षी पत्रकार दिनी ६ जानेवारी रोजी हे पुरस्कार दिले जातात. मुंबई मराठी पत्रकार संघाचे अध्यक्ष श्री. संदीप चव्हाण यांनी हे पुरस्कार जाहीर केले.
जाहिर झालेले विविध पुरस्कार पुढीलप्रमाणे :
१. आप्पा पेंडसे पत्रकारिता पुरस्कार : (बृहन्मुंबईतील नागरी समस्यांवरील गेल्या वर्षभरातील उत्कृष्ट वृत्तांत, स्तंभ व लिखाण यासाठी दिला जाणारा पुरस्कार) -श्री. मंगेश मोरे, दै. सामना
२. जयहिंद प्रकाशन पुरस्कार : पत्रकारितेला उपयुक्त ठरणार्या विषयावर (उदा. सामाजिक, आर्थिक, पर्यावरण आदी) लेखन लिहिणार्या पत्रकाराचे चालू सालातील उत्कृष्ट पुस्तक – घन:श्याम भडेकर, ज्येष्ठ छायाचित्रकार
३. कॉ. तु. कृ. सरमळकर पुरस्कार : कामगार, झोपडपट्टी, भाडेकरू, घरदुरुस्ती व दलितोद्धार या विषयांवरील पत्रकारितेसाठी दिला जाणारा पुरस्कार – सचिन लुंगसे (दै. लोकमत)
४. विद्याधर गोखले : ललित लेखन पुरस्कार : पत्रकाराने केलेल्या ललित लेखनासाठी दिला जाणारा पुरस्कार – विनोद राऊतल (दै. सकाळ)
५. रमेश भोगटे पुरस्कार : उत्कृष्ट राजकीय बातम्या व राजकीय वृत्तांताबद्दल दिला जाणारा पुरस्कार – पांडुरंग म्हस्के ( सरकारनामा)
येत्या ६ जानेवारीला पत्रकार दिनी महनीय प्रवक्ते महावीर जोंधळे यांच्या हस्ते या पुरस्कारांचे वितरण होईल. सायंकाळी ५.०० वाजता पत्रकार भवन, आझाद मैदान, मुंबई ४०० ००१ येथे या सोहळ्याचे आयोजन करण्यात आले आहे. सदर कार्यक्रम सर्वांसाठी खुला असून लोकांनी मोठ्या संख्येने या कार्यक्रमास उपस्थित राहावे, असे आवाहन संघाचे कार्यवाह श्री. शैलेंद्र शिर्के यांनी केले आहे.