मुंबई / रमेश औताडे
सायकलपट्टू केंद्रस्थानी ठेवला तरच सायकल खेळ जागतिक पातळीवर भारताला जास्तीत जास्त मेडल मिळतील असे मत भारतीय सायकल महासंघाचे नवनिर्वाचित अध्यक्ष प्रवीण पाटील यांनी शुक्रवारी मुंबई मराठी पत्रकार संघ येथे आयोजित पत्रकार परिषदेत व्यक्त केले. यावेळी महासंघाचे महासचिव महेंद्र पाल सिंग उपस्थित होते.
यावेळी पाटील म्हणाले, सायकल महासंघाच्या नवीन जबाबदारीच्या अनुषंगाने मी भारताला जास्तीत जास्त मेडल सायकल खेळात कशी मिळतील याचा आराखडा आखला आहे. १ एप्रिल २०२६ पासून महासंचालक आणि मुख्य कार्यकारी अधिकारी म्हणून माझी नियुक्ती झाली आहे. यावेळी बोलताना महेंद्र पाल सिंग म्हणाले, पाटील हे एक अत्यंत यशस्वी धोरणात्मक नेते असून, त्यांना कॉर्पोरेट क्षेत्र, सरकार, शिक्षण, सल्लागार आणि उद्योजकता या क्षेत्रांतील उच्च नेतृत्व पदांवर तीन दशकांहून अधिक अनुभव आहे. ते पुणे येथील ‘एलिव्हेट एज कन्सल्टिंग ग्रुप’चे संस्थापक आणि मुख्य कार्यकारी अधिकारी आहेत.
पुणे येथील स्टार्कन बाईक्सचे व्यवस्थापकीय संचालक आणि मुख्य कार्यकारी अधिकारी (२०१३-२०१९); नवी दिल्ली येथील हिरो सायकल्सचे अध्यक्ष (बिझनेस हेड) (२०१२-२०१३) म्हणून काम केले आहे; तसेच भारत सरकारमध्ये युवक व्यवहार आणि क्रीडा मंत्रालयासह विविध विभागांमध्ये केंद्रीय मंत्र्यांचे विशेष कार्य अधिकारी आणि प्रभारी खाजगी सचिव म्हणून वरिष्ठ पदांवर काम केले आहे. याशिवाय, टाटा, रिलायन्स, आदित्य बिर्ला ग्रुप आणि सिटीबँक यांसारख्या मोठ्या उद्योगसमूहांमध्येही त्यांनी उच्च नेतृत्व पदे भूषवली आहेत.
पाटील हे भारतातील सायकलिंगच्या विकासातील एक अग्रणी शक्ती राहिले आहेत. त्यांनी अनेक वर्षे भारतीय सायकलिंग महासंघासोबत (CFI) जवळून काम केले असून, CFI व महाराष्ट्र सायकलिंग असोसिएशन (CAM) यांच्या सहकार्याने पुण्यात सलग पाच वर्षे एमटीबी राष्ट्रीय चॅम्पियनशिपचे यशस्वीपणे आयोजन केले आहे. त्यांनी पनवेल येथे रोड सायकलिंग चॅम्पियनशिप, अनेक राज्यस्तरीय चॅम्पियनशिप आणि मुंबईत मोठ्या प्रमाणात सहभाग असलेल्या सायकलिंग स्पर्धांचेही आयोजन केले आहे, ज्यात हजारो स्पर्धकांनी भाग घेतला होता. पेट्रोलियम संवर्धन संशोधन संस्था (PCRA) आणि इतर संस्थांच्या भागीदारीत, सायकलिंगला एक शाश्वत आणि आरोग्यदायी वाहतुकीचे साधन म्हणून प्रोत्साहन देण्याच्या त्यांच्या प्रयत्नांमुळे देशातील व्यावसायिक आणि मनोरंजक सायकलिंग संस्कृतीच्या विस्तारात महत्त्वपूर्ण योगदान मिळाले आहे. त्यांना भारतातील प्रीमियम सायकल सेगमेंटचे जनक मानले जाते, कारण त्यांनी स्टार्कन बाईक्सला (जायंटच्या भागीदारीत) अपवादात्मक वाढीच्या दरासह प्रीमियम बाईकिंग सेगमेंटमध्ये पहिल्या क्रमांकावर पोहोचवले.
00000000
Unti-१0
आरोग्य विभागात वादग्रस्त नियुक्तीवरून मनसे संतप्त
रमेश औताडे
मुंबई : नवी मुंबई महानगरपालिकेच्या आरोग्य विभागात वैद्यकीय आरोग्य अधिकारी पदाचा प्रभारी कार्यभार डॉ. राजेश म्हात्रे यांना देण्याच्या निर्णयावरून शहरात तीव्र वाद निर्माण झाला असून, या निर्णयाविरोधात महाराष्ट्र नवनिर्माण सेनेने तीव्र निषेध व्यक्त केला आहे. मनसेच्या वतीने नवी मुंबई शहर अध्यक्ष गजानन काळे यांच्या नेतृत्वाखाली हे निवेदन सादर करण्यात आले. मनसे विभाग अध्यक्ष सागर विचारे यांनी महानगरपालिका आयुक्तांना हे पत्र सादर करत प्रशासनाच्या निर्णय प्रक्रियेवर गंभीर प्रश्न उपस्थित केले आहेत.
निवेदना यामध्ये एका कंत्राटदार संस्थेला ब्लॅकलिस्ट करून काही महिन्यांतच ती कारवाई मागे घेण्याचा संशयास्पद निर्णय, प्रशासनिक पारदर्शकतेचा अभाव, तसेच सत्तेचा मनमानी वापर केल्याचे आरोप समाविष्ट आहेत. या प्रकारातून संभाव्य फसवणूक, विश्वासघात आणि संगनमताची शक्यता व्यक्त करण्यात आली आहे.
तसेच, एका महिला रुग्णाने माध्यमांवर केलेल्या आरोपांमुळे प्रकरण अधिकच गंभीर बनले आहे. संबंधित रुग्णाने उपचारादरम्यान निष्काळजीपणा, चूक लपवण्याचा प्रयत्न, मानसिक छळ आणि अपमानास्पद वर्तन झाल्याचा आरोप केला आहे. प्रशासनाला सात दिवसांचा अल्टीमेटम देण्यात आला असून, व्यापक जनआंदोलन छेडण्याचा इशारा देण्यात आला आहे.
