दोन महिला ताब्यात उल्हासनगर : अंबरनाथ पश्चिम मधील शंकर हाईट्स या इमारतीच्या परिसरात एका नवजात अर्भक मृत अवस्थेत आढळल्याने एकच खळबळ उडाली आहे. इमारतीवरून अर्भकाला फेकल्याचा संशय नागरिकांनी व्यक्त केला आहे. या प्रकरणी पोलिसांनी दोन महिलांना ताब्यात घेतले…
कल्याण : लोकसभा निवडणुकीनंतर स्थानिक प्रशासन यंत्रणांनी राबविलेल्या मतदार नोंदणी अभियानामुळे कल्याण, डोंबिवली मतदारसंघातील मतदार संख्या विधानसभा निवडणुकीपर्यंत २५ ते ५५ हजारापर्यंत वाढली. जुन्या आणि नवोदित मतदारांनी केलेल्या उत्स्फूर्त मतदानामुळे कल्याण पूर्व, पश्चिम, ग्रामीण डोंबिवली विधानसभा मतदारसंघातील मतदानाचा टक्का ११ ते १५ टक्क्यापर्यंत वाढला. चारही मतदारसंघातील मतदानाची एकूण टक्केवारी १३.७३ टक्के आहे. मागील दहा वर्षाच्या कालावधीपेक्षा यंदा प्रथमच विधानसभा निवडणुकीतील टक्केवारी वाढल्याने कल्याण, डोंबिवलीतील चारही मतदारसंघातील उमेदवारांमध्ये हे वाढीव मतदान कोणाला पडणार याविषयी हुरहुर लागली आहे. यंदाची विधानसभा निवडणूक पक्षीय उमेदवाराबरोबर, सग्यासोयऱ्यांचे राजकारण, बंडखोरी, प्रतिष्ठेच्या मुद्द्यावर लढवली गेली. डोंबिवली मतदारसंघ डोंबिवली विधानसभा मतदारसंघात मागील दहा वर्षाच्या कालावधीत ४४ ते ४६.५८ टक्के मतदान झाले होते. यंदाच्या निवडणुकीत हे मतदान ५६.१९ टक्के झाले. १५.४७ टक्क्यांनी मतदान वाढले आहे. मतदार नोंदणी अभियानामुळे डोंबिवलीतील मतदार सुमारे २७ हजाराने वाढला. या मतदारसंघात एकूण तीन लाख १३ हजार मतदान आहे. यंदा एक लाख १७ हजार मतदान झाले. या वाढीव टक्क्याची विभागणी भाजपचे उमेदवार मंत्री रवींद्र चव्हाण, ठाकरे गटाचे दीपेश म्हात्रे यांच्यात किती होते. म्हात्रे यांना किती मतदान होते आणि मंत्री चव्हाण यांना किती मताधिक्य मिळेल याविषयीची चर्चा राजकीय कार्यकर्त्यांमध्ये सुरू आहे. कल्याण पूर्व कल्याण पूर्व मतदारसंघात मागील दहा वर्षात ४०.८२ ते ४५ टक्के मतदान झाले. यंदाच्या विधानसभा निवडणुकीत येथील मतदान ५८.५० म्हणजे १४.९७ टक्क्यांनी वाढले. एकूण तीन लाख २९ हजार मतदारांपैकी एक लाख ९२ हजार ५६६ मतदारांनी येथे मतदानाचा हक्का बजावला. महायुतीच्या सुलभा गायकवाड, ठाकरे गटाचे धनंजय बोडारे, अपक्ष महेश गायकवाड आणि वंचितचे विशाल पावशे हे येथे रिंगणात आहेत. खरी लढत सुलभा, बोडारे आणि महेश यांच्यात आहे. मतवाढीचा लाभ सुलभा गायकवाड, बोडारे आणि महेश यांना किती होतो याकडे सगळ्यांचे लक्ष आहे. कल्याण ग्रामीण कल्याण ग्रामीण विधानसभा मतदारसंघात दहा वर्षात मतदानाचा आकडा ४७ ते ४८ टक्क्यांपर्यंत स्थिरावला होता. यंदा या मतदारसंघात ५७.८१ मतदान झाले. ही वाढ मागच्या तुलनेत ११.४५ टक्के आहे. या मतदारसंघात पाच लाख १० हजार मतदार आहेत. यापैकी दोन लाख ९४ हजार मतदारांनी यंदा मतदान केले. या मतदारसंघात मागच्या पाच महिन्यात सुमारे ५५ हजार नवमतदार वाढले. ठाकरे गटाचे सुभाष भोईर, मनसेचे राजू पाटील, शिंदेसेनेचे राजेश मोरे यांच्यात येथे चुरशीची लढत आहे. कल्याण पश्चिम कल्याण पश्चिम मतदारसंघात यापूर्वीच्या दहा वर्षात ४१.९१ ते ४४.९६ टक्के मतदान झाले आहे. या मतदारसंघातील चार लाख ४० हजार मतदारांपैकी यंदा दोन लाख ४३ हजार मतदारांनी मतदान केले. यंदा या मतदारसंघात ५४.७५ म्हणजे ११.१७ टक्के वाढीव मतदान झाले. शिंदेसेनेचे विश्वनाथ भोईर, ठाकरे गटाचे सचिन बासरे यांना या वाढीव टक्क्याचा किती लाभ होतो यावर त्यांचे भवितव्य आहे.
नाशिक जिल्ह्यातील मतदारसंघांत मतदानाचा टक्का वाढला हरिभाऊ लाखे नाशिक : विधानसभा निवडणुकीसाठी बुधवारी संपूर्ण जिल्ह्यात अपवाद वगळता शांततेत मतदान पार पडले. त्यात निफाड आणि नाशिक पश्चिम वगळता सर्वच तालुक्यात मतदानाच्या टक्केवारीत…
अलिबागमध्ये सर्वाधिक 77. 15 टक्के मतदान पनवेलमध्ये मतदान करण्यात महिला आघाडीवर अलिबागः रायगड जिल्ह्यातील सात विधानसभा मतदारसंघांमध्ये 20 नोव्हेबर रोजी झालेल्या मतदानात 69.04 टक्के मतदारांनी आपला मतदानाचा हक्क् बजावला. 2019 साली झालेल्या विधानसभा निवडणूकीच्या तुलनेत 2024 मध्ये 2 टक्क्यांनी मतदान वाढले आहे. 2024 साली झालेल्या लोकसभेच्या निवडणूकीपेक्षा 10 टक्के मतदान वाढले आहे. पनवेल मतदारसंघात सर्वात कमी 58.70 टक्के तर सर्वात जास्त अलिबाग मतदारसंघात 77.15 टक्के मतदान झाले आहे. पनवेल मतदारसंघात मतदान करण्यात पुरूषांपेक्षा महिलांची टक्केवारी जास्त आहे. पनवेल मतदारसंघात 59.28 टक्के पुरूषांनी तर 59.19 टक्के महिला मतदारांनी मतदान केले, अशी माहिती रायगडचे जिल्हाधिकारी किशन जावळे यांनी गुरूवरी पत्रकार परिषदेत दिली. यावेळी रायगड पोलीस अधीक्षक सोमनाथ घार्गे व उपनिवडणूक अधिकारी नितीन वाघमारे उपस्थित होते. रायगड जिल्ह्यात पनवेल, उरण, कर्जत, पेण, अलिबाग, श्रीवर्धन, महाड हे सात विधानसभा मतदरसंघ आहेत. या सात मतदारसंघांमध्ये 20 नोव्हेबर रोजी मतदान प्रक्रिया शांततेत पार पडली. कोणताही अनुचित प्रकार घडला नाही. जिल्ह्यात 24 लाख 88 हजार 788 मतदार आहेत. त्यापैकी 17 लाख 16 हजार 403 मतदारांनी आपला मतदानाचा अधिकार बजावला. 69.80 टक्के पुरूष मतदारांनी मतदान केले. 68. 12 टक्के महिला मतदारांनी आपला मतदानाचा हक्क बजावला. पनवेल मतदारसंघांत मतदान करण्यात पुरूषांपेक्षा महिलांचे प्रमाण जास्त आहे. 58.28 टक्के पुरूष तर 59.19 टक्के महिलांनी मतदान केले. पनवेल मतदारसंघात सर्वात कमी 58.70 टक्के मतदान झाले. कर्जतमध्ये 74.29, परणमध्ये 76.80, पेणमध्ये 73.02 , अलिबागमध्ये 77.15, श्रीवर्धनमध्ये 61.37 तर…
भाईंदर : मागील विधानसभा निवडणुकीच्या तुलनेत मिरा भाईंदर विधानसभा मतदारसंघात तीन टक्के मतदान वाढले आहे. त्याचप्रमाणे मतदारांच्या संख्येतही लक्षणीय वाढ झाली आहे. आता या वाढीव मतदारांनी कौल नेमका कोणाला दिला…
मुंबई : मुंबईतील मतदानाची प्रक्रिया सुरळीतपणे पार पडावी, यासाठी मतदाराच्या मदतीसाठी सात हजार ११५ स्वयंसेवक मुंबईतील विविध मतदान केंद्रांवर कार्यरत होते. यामध्ये ९८ महाविद्यालयांतील राष्ट्रीय सेवा योजनेत (एनएसएस) सहभागी दोन…
वाशी : मागील काही दिवसांपासून हवामानात होणाऱ्या बदलामुळे शहरात ताप व सर्दी-खोकल्याचे रुग्ण वाढल्याचे चित्र आहे. दुपारी कडक ऊन; तर रात्री हवेतील गारवा, पुन्हा पहाटेच्या सुमारास थंडी असे वातावरण अनेकांच्या…
१९९५ मध्ये कोणाचं सरकार आलेलं? मुंबई: राज्यात विधानसभा निवडणुकीसाठीच मतदान २० नोव्हेंबरला पार पडलं. राज्यात विधानसभेच्या २८८ जागांसाठी मतदान झालं. यावेळी मतदानादिवशी नागरिकांमध्ये मोठा उत्साह दिसून आला. निवडणूक आयोगाने दिलेल्या माहितीनुसार, यंदा महाराष्ट्रात ६५.११ टक्के मतदान झाले, जे गेल्या ३० वर्षांतील सर्वाधिक मतदान आहे. यापूर्वी ११९५ च्या विधानसभा निवडणुकीत महाराष्ट्रात ७१.६९ टक्के मतदान झाले होते. या वर्षी झालेल्या लोकसभा निवडणुकीत महाराष्ट्रात ६१.३९ टक्के मतदान झाले. तर २०१९ च्या विधानसभा निवडणुकीत ६१.४ टक्के मतदान झाले होते. महाराष्ट्रातील मतदानाची टक्केवारी वाढल्याचे श्रेय मुख्यकरुन सत्ताधारी महायुती आणि महाविकास आघाडी (एमव्हीए) यांच्या प्रचाराला दिली जात आहे. लोकसभा निवडणुकीत महायुतीला एकूण ४२.७१ टक्के मते मिळाली, तर महाविकास आघाडीला ४३.९१ टक्के मते मिळाली होती. यंदा मतदानाच्या टक्केवारीत किमान ३.५ टक्क्यांची वाढ झाली आहे. या वेळी महाराष्ट्रात कोणाची सत्ता येणार यासाठी मतदानाची वाढलेली टक्केवारी निर्णायक ठरु शकते. २०१९ मध्ये महाराष्ट्रात ८.८५ कोटी मतदार होते, जे २०२४ मध्ये वाढून ९.६९ कोटी झाले आहेत. त्यापैकी ५ कोटी पुरुष आणि ४.६९ महिला मतदार आहेत. यंदा ४१३६ उमेदवार रिंगणात आहेत. यामध्ये ३७७१ पुरुष तर ३६३ महिला उमेदवार आहेत. अधिक मतदानाचा फायदा सत्ताधारी महायुतीला होऊ शकतो, असं बोललं जात आहे. उपमुख्यमंत्री देवेंद्र फडणवीस म्हणाले की, ज्या ज्यावेळी मतदानाचा टक्का वाढला आहे, त्याचा फायदा भाजपला झाला…
ठाणे : एकनाथ शिंदेंचे काय होणार, देवेंद्र फडणवीसांचे काय होणार याच्याशी मला काही घेणे देणे नाही. आमचा मुख्यमंत्री होतोय हे म्हटल्यावर आम्ही कशाला त्यांचे बघायला जाऊ असे म्हणत शरद पवार गटाचे आमदार जितेंद्र आव्हाड यांनी चक्क शिंदेंची स्तुती केली आहे. परिवर्तन होणार महाविकास आघाडी सत्तेत येणार असेही ते म्हणाले आहेत. मतांची वाढलेली टक्केवारी ही नेहमीच सत्तेच्या विरोधात असते. सत्तेवर राग असतो म्हणून लोक बाहेर पडून भरभरून मतदान करतात. तुमची लाडकी बहीण योजना चांगली आहे, वाढलेले भाव आणि महागाई हे देखील बहिणींच्या लक्षात आलेले आहेत. मुख्यमंत्री आणि दोन्ही उपमुख्यमंत्री म्हणतात की लाडकी बहीण माझीच योजना त्यात बिघाड झाला. म्हणजे प्रत्येकाने पाचशे पाचशे रुपये वाटून घेतले. आता पैसे वाढवून देणार कारण त्यांच्या बहिणी वाढल्या होत्या. बहिणींवरून आता त्यांच्यात स्पर्धा लागली आहे, असा टोला आव्हाड यांनी महायुतीच्या नेत्यांना लगावला. आतापर्यंत निवडणुका खेळीमेळीच्या वातावरणात व्हायच्या आणि दिवस निघून जायचे. आता पैसे वाटप, पोलिसांवर प्रचंड दबाव आणणे हे सर्व मुख्यमंत्र्यांच्या आशीर्वादाशिवाय थोडीच झाले असेल असा सवाल करत शिंदेंनी युतीधर्म पाळला त्यांचे अभिनंदन करतो, असे आव्हाड म्हणाले. शिंदेंनी अजित पवारांच्या उमेदवाराला जोरदार समर्थन दिले. भले त्यांनी मला मदत नाही केली. त्यांनी मला पाडायचा प्रयत्न केला तरी आपला मुख्यमंत्री आपल्या बाजूलाच राहतो हे बरे वाटते. त्यांना महायुतीतून काढून टाकले तर मला वाईट वाटेल असे आव्हाड म्हणाले. बाकीचे वैर सोडून द्या, मुख्यमंत्री माझ्या घराच्या बाजूला राहतो ही सन्मानाची आणि मानाची बाजू आहे, असे संजय शिरसाट यांनी केलेल्या शिंदे शरद पवारांसोबत जाऊ शकतात या दाव्यावर आव्हाड म्हणाले. संजय शिरसाट हे ज्येष्ठ नेते आहेत, त्यांना माझ्यापेक्षा पत्रकारांना हिंट देण्याबाबत जास्त समजते, असा टोलाही आव्हाड यांनी लगावला. तसेच भाजपा उघडपणे म्हणत असेल की मुख्यमंत्री होऊच देणार नाही याचा अर्थ भाजपचा कुठेतरी प्लान झालेला आहे, असा संशयही आव्हाड यांनी व्यक्त केला.
पालिका प्रशासनाचे दुर्लक्ष डोंबिवली : कल्याण डोंबिवली महापालिकेचे डोंबिवली विभागीय कार्यालय हे कचऱ्याचे आगार बनले आहे. कार्यालयाच्या आवारात निवडणूक काळात जप्त केलेले बेकायदा साहित्य टाकले आहे. या साहित्याचा ढीगच येथे तयार झाला…
