ठाणे : महाराष्ट्र शासनाच्या अल्पसंख्याक विकास विभागाच्या ‘राज्यातील धार्मिक अल्पसंख्यांक विद्यार्थीबहुल शासनमान्य खाजगी अनुदानित / विनाअनुदानित / कायम विनाअनुदानित शाळा, कनिष्ठ महाविद्यालये, औद्योगिक प्रशिक्षण संस्था, नगरपालिका / नगरपरिषद शाळा व अपंग शाळामध्ये अल्पसंख्यांक विकास विभागाच्या माध्यमातून पायाभूत सुविधा पुरविण्यासाठी राबविण्यात येणाऱ्या अनुदान योजना आणि डॉ. झाकीर हुसैन मदरसा आधुनिकीकरण योजनेंतर्गत सन २०२४-२५ करिता प्रस्ताव सादर करण्याचे आवाहन जिल्हा नियोजन अधिकारी वैभव कुलकर्णी यांनी केले आहे.
इच्छुक शाळा / मदरसा यांनी जिल्हाधिकारी कार्यालयाकडे प्रस्ताव सादर करण्याचा अंतिम दि. १५ सप्टेंबर, २०२४ असून जिल्हाधिकारी कार्यालयाकडून प्राप्त प्रस्तावांची छाननी करुन व त्रुटींची पूर्तता करुन अंतिमरित्या पात्र प्रस्ताव शासनास सादर करण्याचा अंतिम दिनांक प्रस्ताव प्राप्त झाल्यापासून ते दि. १५ ऑक्टोबर २०२४ पर्यंत आहे.
तरी इच्छुक व पात्र संस्थांनी त्यांचे विहित नमुन्यातील प्रस्ताव व अर्ज जिल्हा नियोजन समिती, तिसरा मजला, नियोजन भवन, जिल्हाधिकारी कार्यालय आवार, ठाणे येथे सादर करावेत, असे आवाहन जिल्हा नियोजन अधिकारी वैभव कुलकर्णी यांनी केले आहे.
अल्पसंख्यांक विकास विभागाच्या योजनांसाठी इच्छुक संस्थांनी अर्ज करावेत-वैभव कुलकर्णी
