Category: महाराष्ट्र

 अखेर ‘स्मार्ट पार्किंग’ योजनेला मिळाला मुहूर्त” हरिभाऊ लाखे नाशिक : शहरातील वाढत्या वाहतूक कोंडीवर नियंत्रण मिळवण्यासाठी आणि सिंहस्थ कुंभमेळ्याच्या पार्श्वभूमीवर नियोजित करण्यात आलेल्या महापालिकेच्या स्मार्ट पार्किंग योजनेला अखेर मुहूर्त सापडला आहे. पाचव्यांदा राबविण्यात आलेल्या निविदा प्रक्रियेत तीन ठेकेदार पात्र ठरल्यामुळे संबंधित प्रस्ताव अंतिम मंजुरीसाठी महापालिका आयुक्तांकडे पाठविण्यात आला आहे. येत्या आठवडाभरात ठेकेदार निश्चितीची प्रक्रिया पूर्ण होण्याची शक्यता आहे. मात्र, शहरातील अनेक प्रमुख रस्त्यांवर सुरू असलेल्या खोदकाम आणि विकासकामांमुळे स्मार्ट पार्किंगची अंमलबजावणी सुरुवातीला निवडक ठिकाणीच करण्यात येणार असल्याची माहिती सूत्रांनी दिली. महापालिकेने नाशिक पूर्व आणि पश्चिम विभागातील सुमारे सहा चौरस किलोमीटर परिसरात प्रायोगिक स्वरूपात २२ ऑन-स्ट्रीट आणि ६ ऑफ-स्ट्रीट अशा एकूण २८ स्मार्ट पार्किंग स्थळांची योजना आखली आहे. प्रत्येक पार्किंग परिसरात सुमारे १०० ते १५० मीटर अंतरावर पार्किंग व नो-पार्किंग झोन निश्चित करण्यात येणार आहेत. या योजनेसाठी यापूर्वी चार वेळा निविदा प्रक्रिया राबविण्यात आली होती. सुरुवातीला महापालिकेला दरमहा निश्चित रॉयल्टी देण्याच्या अटीला ठेकेदारांनी विरोध दर्शविला होता. त्यानंतर प्रशासनाने अटी-शर्तींमध्ये बदल करून रॉयल्टीची रक्कम ३५ लाख रुपयांवरून २० लाखांपर्यंत कमी केली. या बदलानंतर पाच कंपन्यांनी निविदा भरली होती; मात्र तांत्रिक तपासणीत त्या अपात्र ठरल्या होत्या. अखेर पाचव्या फेरनिविदेत तीन कंपन्या पात्र ठरल्याने प्रकल्पाच्या अंमलबजावणीत मार्ग मोकळा झाला. महासभेच्या मंजुरीनुसार दुचाकीसाठी दोन तासांपासून २४ तासांपर्यंत १० ते ६० रुपये, तर चारचाकीसाठी २० ते १०० रुपये (ऑन-स्ट्रीट) आणि ऑफ-स्ट्रीट पार्किंगसाठी २० ते २०० रुपये शुल्क आकारले जाणार आहे. टोइंग शुल्कामध्ये दुचाकी व तीनचाकी वाहनांसाठी ७०० रुपये, तर चारचाकी वाहनांसाठी १,१५० रुपये निश्चित करण्यात आले आहेत. स्मार्ट पार्किंग योजनेमुळे शहरातील अनियंत्रित पार्किंगला आळा बसण्याबरोबरच वाहतुकीला अधिक शिस्त लागण्याची अपेक्षा व्यक्त केली जात आहे. टोइंगचे दर (रुपये) दुचाकी: ७०० तीनचाकी: ७०० चारचाकी: १,१५० ४,१५५ वाहनांच्या पार्किंगची सुविधा स्मार्ट पार्किंग योजनेअंतर्गत एकूण ४,१५५ वाहनांच्या पार्किंगची सुविधा उपलब्ध होणार आहे. अधिकृत रिक्षा थांबे वगळता अन्य ठिकाणी उभी असलेली वाहने टोइंग करण्याचा अधिकार संबंधित ठेकेदाराला असेल. तसेच पार्किंग शुल्क आणि दंडाची संपूर्ण वसुली ऑनलाइन पद्धतीने करण्यात येणार असून, त्यामुळे महापालिका आणि वाहतूक पोलिसांच्या महसुलातही भर पडणार आहे.

हरिभाऊ लाखे नाशिक : खासदार संजय राऊत यांना गुजरातचे कॉन्ट्रॅक्टर कुठे दिसत आहेत ? त्यांनीच ते शोधून द्यावेत. स्वतः काही करायचे नाही आणि काहीही बोंब ठोकतात. त्यांच्या मागे आता कोणी उरलेले नाही. पंतप्रधानांपासून ते सरन्यायाधीश, निवडणूक आयोग, मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यावर वाटेल ते बोलणे, हा एकच गुणधर्म त्यांच्याकडे उरला आहे, अशी टीका मंत्री गिरीश महाजन यांनी केली. राऊत यांच्या जिभेला हाड नाही, हा त्यांचा ‘मॅन्युफॅक्चरिंग फॉल्ट’ आहे, असा टोलाही त्यांनी यावेळी लगावला. भाजपचे संकटमोचक मंत्री महाजन यांनी रविवारी नाशिक येथे प्रसार माध्यमांशी संवाद साधला. कुंभमेळ्याची सर्व कामे ही गुजरातच्या कॉन्ट्रॅक्टरला दिल्याच्या राऊत यांच्या आरोपांवर बोलताना मंत्री महाजन म्हणाले की, राऊत यांच्या आरोपांना फार उत्तर देण्याची गरज नाही. पूर्वी ‘हम दो, हमारे दो’ चालत होते, पण आता ठाकरे गटात ‘उद्धवजी, आदित्यजी आणि त्यांचे हे एक अपत्य (संजय राऊत)’ एवढेच उरले आहेत, असा खोचक टोलाही त्यांनी यावेळी लगावला. नाशिकमधील नगरसेवकांच्या संभाव्य फुटीवर मंत्री महाजन म्हणाले की, मला याची पूर्ण कल्पना नाही, पण सध्या ठाकरे गटाकडे शिल्लक तरी कोण राहिले आहे, त्यांची महापालिका नाही, १७ पैकी एकही आमदार नाशिकमध्ये निवडून आला नाही, नगरपालिका त्यांच्याकडे नाही. भविष्यात त्यांचे काहीच दिसत नाही. त्यांचे भविष्य आता २ ते ५ टक्केही उरलेले नाही. त्यांनी स्वतःचा पक्ष बुडवला, हेच त्यांच्यासाठी काफी आहे, असे सांगत त्यांनी ठाकरेंच्या नेतृत्वावर प्रश्नचिन्ह उपस्थित केले. एकनाथ खडसे यांनी केलेल्या दाव्यांवर मंत्री महाजन म्हणाले की, मी कधीच मुख्यमंत्री पदाच्या शर्यतीत नव्हतो. खडसेसाहेब पूर्वी शर्यतीत होते आणि ते स्वतः तसे म्हणायचे. मी कधीही असा दावा केला नाही. तसेच, खडसेंना अमित शाह यांचा फोन आल्याच्या मुद्द्यावर त्यांची दिल्लीसोबत डायरेक्ट ‘हॉटलाइन’ आहे, असे ते स्वतःच म्हणायचे. आम्ही छोटे लोक आहोत, त्यामुळे त्या हॉटलाइनबाबत आम्ही न बोललेलेच बरे असा टोला त्यांनी यावेळी लगावला. आमदार बच्चू कडू हे महायुतीचे मोठे नेते आहेत. ते रोज काही ना काही बोलत असतात, त्यांना काही तरी झाले असेल. हे काही असे लोक आहेत की त्यांच्याबद्दल न बोललेलेच बरे, असे म्हणत मंत्री महाजन यांनी त्यावर अधिक बोलणे टाळले. ००००००००

कल्याण : कल्याण डोंबिवली महानगरपालिकेच्या डोंबिवली येथील शास्त्रीनगर रुग्णालयात डॉक्टर आणि कर्मचाऱ्यांना बेदम मारहाण केल्याप्रकरणी सत्ताधारी शिवसेनेचे नगरसेवक रमेश म्हात्रे यांच्यासह अन्य तीन आरोपीना अटक करण्यात आली आहे. या मारहाणीचा…

आरएसएफआय राष्ट्रीय रँकिंग अजिंक्यपद स्पर्धेत सुवर्णपदक विशाखापट्टणम: युवा रोलर स्केटिंगपटू नैशा निशित मेहता हिने रोलर स्केटिंग फेडरेशन ऑफ इंडिया (RSFI) आयोजित आर्टिस्टिक रोलर स्केटिंग नॅशनल रँकिंग चॅम्पियनशिप २०२६ मध्ये शानदार कामगिरी करत १०–१२ वर्षे वयोगटातील आर्टिस्टिक रोलर स्केटिंग सोलो डान्स प्रकारात सुवर्णपदक पटकावले. ही प्रतिष्ठेची राष्ट्रीय स्पर्धा ३ ते ५ जुलै २०२६ दरम्यान विशाखापट्टणम येथे पार पडली. देशभरातील गुणवंत स्केटर्सनी या स्पर्धेत सहभाग घेत राष्ट्रीय स्तरावर आपल्या कौशल्याचे प्रदर्शन केले. नैशाने उत्कृष्ट सादरीकरण करत सुवर्णपदकावर नाव कोरले. तिच्या या यशामागे अथक मेहनत, शिस्त, सातत्यपूर्ण सराव आणि जिद्द यांचा मोठा वाटा आहे. तिच्या या उल्लेखनीय कामगिरीमुळे तिचे कुटुंबीय, प्रशिक्षक आणि समर्थक यांच्यात आनंदाचे वातावरण असून तिच्या स्केटिंग कारकिर्दीतील हा आणखी एक महत्त्वाचा टप्पा ठरला आहे. नैशा निशित मेहता हिच्या या दैदिप्यमान यशाबद्दल सर्व स्तरांतून तिच्यावर अभिनंदनाचा वर्षाव होत असून, आगामी राष्ट्रीय आणि आंतरराष्ट्रीय स्पर्धांसाठी तिला मनःपूर्वक शुभेच्छा दिल्या जात आहेत.

 अटक करण्याच्या मागणीसाठी शिवसेना मैदानात मुंबई, दि.(प्रतिनिधी): भारतीय जनता पक्षाच्या पदाधिकाऱ्यावर बलात्कार, फसवणूकीसारखे गंभीर आरोप असूनही त्याला अद्याप अटक करण्यात आलेली नाही म्हणून त्याच्या अटकेच्या मागणीसाठी शिवसेना पक्षप्रमुख उद्धव बाळासाहेब…

 मुरबाडकर तहानले, आमदार गप्प! राष्ट्रवादीचा ८ दिवसांचा अल्टिमेटम राजीव चंदने मुरबाड :  गेल्या एक महिन्यापासून मुरबाड शहराला दिवसाआड पाणीपुरवठा होत असल्याने नागरिक हैराण झाले आहेत. पावसाळा सुरू होऊनही आणि शिरवली धरणात ७०% पाणी साठा असूनही प्रशासन पाणीपुरवठा सुरळीत करू शकले नाही. या निष्क्रियतेविरोधात,राष्ट्रवादी काँग्रेस पार्टी शरदचंद्र पवार,(गट) मुरबाड तालुक्याने आक्रमक पवित्रा घेतला आहे. राष्ट्रवादीचे तालुकाध्यक्ष दिपक अशोक वाघचौडे यांनी तहसीलदार, मुख्याधिकारी,आणि महावितरण  यांना निवेदन दिले आहे. “निवडणुकीत मुरबाड तालुक्याचे भाग्यविधाते म्हंटले जाणारे आमदार किसन कथोरे यांनी २४ तास शुद्ध पाणी देण्याचे आश्वासन दिले होते. आज १ महिना झाला तरी दिवसाआड पाणी येते.परंतु नगरपंचायत आणि महावितरण एकमेकांवर खापर फोडत आहेत,” असा आरोप वाघचौडे यांनी यावेळी पत्रात केला आहे, पुढील ८ दिवसात मुरबाड शहराला दररोज मुबलक व शुद्ध पाणीपुरवठा सुरू न केल्यास राष्ट्रवादी काँग्रेसतर्फे नगरपंचायत कार्यालयावर महिलांचा मोर्चा काढण्याचा इशारा हि पत्रात देण्यात आला आहे. नगरपंचायत प्रशासन आणि लोकप्रतिनिधींनी याकडे तातडीने लक्ष द्यावे, अन्यथा तीव्र आंदोलन छेडण्यात येईल, असेही निवेदनात म्हटले आहे.

वैभववाडी : सिंधुदुर्ग जिल्ह्यातील वैभववाडी तालुक्यातील मौजे नाधवडे येथील २८ एकर उपलब्ध शासकीय जमिनीवर महाराष्ट्र औद्योगिक विकास महामंडळ (एम.आय.डी.सी. ) स्थापन करण्याबाबत सिंधुदुर्गचे पालकमंत्री नितेश राणे यांनी नुकतीच  उद्योग व मराठी…

मुळदेत कार्प मत्स्यबीज निर्मितीला वेग…! कुडाळ : गोडया पाण्यातील मत्स्यशेतीला चालना मिळण्यासाठी शास्त्रज्ञ डॉ. हिरालाल चौधरी यांनी १० जुलै १९७० रोजी पहिल्यांदा प्रेरित प्रजनन तंत्रज्ञानाद्वारे यशस्वीपणे कार्प मत्स्यबीज निमिर्तीचा प्रयोग साध्य केला. या महान कार्याचा गौरव म्हणून सन- २००१ पासून १० जुलै हा राष्ट्रीय मत्स्य शेतकरी दिन म्हणून साजरा करण्यात येतो. या दिनाचे औचित्य साधून कुडाळ तालुक्यातील मुळदे येथील मत्स्य संशोधन केंद्रामध्ये जिल्हाधिकारी तृप्ती धोडमिसे यांच्या प्रमुख उपस्थितीत राष्ट्रीय मत्स्य शेतकरी दिन साजरा करण्यात आला. यावेळी जिल्हाधिकारी श्रीमती धेाडमिसे यांच्या हस्ते कटला जातीच्या नर आणि मादी या माशांना प्रेरक इंजेक्शन देऊन पार पडला. यावेळी मत्स्य महाविद्यालयाचे अधिष्ठाता डॉ. विजय दळवी,  मत्स्य प्रकल्पाचे प्रमुख डॉ. कल्पेश शिंदे,  सहाय्यक प्राध्यापक,  डॉ. कृपेश सावंत, सहाय्यक प्राध्यापक, विनय सहस्रबुद्धे, वरिष्ठ तांत्रिक सहाय्यक, डॉ.वाघ,  डॉ. शेडगे, डॉ. गावडे आणि मत्स्य प्रकल्पातील कर्मचारी व अधिकारी वर्ग उपस्थित होता. उद्यानविदया महाविद्यालय, मुळदे अंतर्गत मत्स्य संशोधन व संवर्धन प्रकल्प कार्यान्वित असून येथे गोडया पाण्यातील मत्स्य शेती, शोभिवंत मत्स्य शेती यासंबधी संशोधन कार्य तसेच विस्तार शिक्षण कार्यक्रम राबविले जातात. सिंधुदुर्ग जिल्हयातील गोडया पाण्यातील मत्स्यशेती व शोभिवंत मत्स्यशेतीला विकसित करण्यासाठी  शासनामार्फत राबविल्या जाणा-या  मत्स्यशेतीसंबधीत निधी वितरण योजनाच्या सहाय्याने  विविध प्रकल्प या केंद्रामध्ये राबविण्यात येत आहेत.  या अनुषंगाने गोड्या पाण्यातील मत्स्य शेतीचा विकास होण्याकरीता सुयोग्य आकाराच्या व उत्तम गुणवत्तेच्या कार्प मत्स्यबीजाचे सातत्यपूर्ण उत्पादन करुन मत्स्यबीजाची मागणी व पूरवठा यांमधील दरी भरून काढण्याच्या उद्दिष्टाने सिंधुरत्न समृध्द योजनेंतर्गत कार्प मत्स्यबीज केंद्र स्थापन करणे हा प्रकल्प मुळदे येथे कार्यान्वित करण्यात आला आहे. याव्दारे निर्माण करण्यात आलेल्या विविध साधनसामग्रीचा विनियोग करुन प्रेरित प्रजनन तंत्रज्ञानाचा वापर करुन कटला,रोहू प्रजातीच्या मत्स्यबीजाची निर्मिती करण्यात येते व सदर मत्स्य बीज विविध आकारमानामध्ये संवर्धित करुन मत्स्यशेती करणा-या शेतकऱ्यांना पुरविण्यात येते. यामध्ये प्राधान्याने सिंधुदुर्ग, रत्नागिरी, रायगड, पालघर तसेच याव्यतिरिक्त मागणीनुसार कोल्हापुर, सांगली, सातारा, सोलापूर इत्यादी जिल्ह्यांमधील शेतक-यांचा समावेश आहे. 0000000

– महेंद्रशेठ घरत यांनी केले पत्रकार कृष्णा पाटील यांच्या परिवाराचे सांत्वन उलवे : उलवे नोडमधील मोरावे गावचे ज्येष्ठ नागरिक अर्जुन भोकाजी पाटील (वय- ७८) यांचे गुरुवारी हृदयविकाराच्या झटक्याने निधन झाले. ज्येष्ठ पत्रकार कृष्णा पाटील यांचे ते वडील होत. त्यामुळे आंतरराष्ट्रीय कामगार नेते महेंद्रशेठ घरत आणि शुभांगीताई घरत यांनी शनिवारी कृष्णा पाटील यांच्या परिवाराचे सांत्वन केले. यावेळी एम.जी. ग्रुपचे सहकारी उपस्थित होते. दिवंगत अर्जुन पाटील यांनी वारकरी सांप्रदायांशी आपली नाळ जोडलेली होती. ते भजन-कीर्तनात रममाण होत असल्याने त्यांना भजन-कीर्तनद्वारेच आदरांजली वाहण्यात येणार आहे. त्यामुळे दररोज सकाळी १० ते १२ ‘गरुड पुराणा’चे वाचन दत्ता म्हात्रे करतील, तर सायंकाळी ६ ते रात्री ८ वाजेपर्यंत दररोज भजन सेवा असेल. त्यामुळे रविवारी दत्त प्रासादिक भजन मंडळ, गव्हाण. बुवा- देवानंद कोळी, मृदंगमणी- प्रशांत कोळी. सोमवारी श्रीपत बाबा भजन मंडळ, गव्हाण. बुवा- ज्ञानेश्वर म्हात्रे, मृदंगमणी- गौरव म्हात्रे. मंगळवारी जय भवानी प्रासादिक मंडळ, धाकटी जुई. बुवा- मोहन पाटील, वेश्वी. मृदंगमणी- यश रसाळ (दिघोडे). बुधवारी श्रीकृष्ण प्रासादिक महिला भजन मंडळ, बेलपाडा. गायिका- वर्षा ठाकूर, गीता ठाकूर. मृदंगमणी- अलंकार कडू. गुरुवारी साईराम प्रासादिक भजन मंडळ, मोहा. बुवा- राहुल कोळी, मृदंगमणी- जगन्नाथ कोळी. शुक्रवारी कुलदैवत प्रासादिक भजन मंडळ, उलवे, तरघर. बुवा- सिद्धेश पाटील, विनायक खारकर. मृदंगमणी- किरण ओवळेकर, तबलावादक- सागर मढवी. शनिवारी नादब्रम्ह साधना भजन मंडळ, खारघर (रांजणपाडा), बुवा- पंडित निवृत्तीबुवा चौधरी, मृदंगमणी- निलेश पाटील (कोपरा). रविवारी श्री एकादशी भजन मंडळ, मोरावे. बुवा- महादेव पाटील, अंकुश पाटील, दत्ता म्हात्रे. मृदंगमणी- सागर मढवी. सोमवारी गावदेवी प्रासादिक भजन मंडळ, न्हावे. बुवा- महेश पाटील, मृदंगमणी- महादेव ठाकूर हे भजन करतील. मंगळवारी उत्तरकार्य आहे. त्यानिमित्त ह.भ.प. महेश महाराज साळुंखे (पाटणोली) यांचे कीर्तन होणार आहे. यावेळी पखवाज- आदित्य पाटील, गायक- अल्पेश पाटील, विनायक पाटील आणि सहकाऱ्यांची त्यांना साथ लाभणार आहे. हे सर्व कार्यक्रम अर्जुन भवन, मोरावे येथे होणार आहेत. 00000000

अनिल ठाणेकर ठाणे-ऑनलाईन वस्तू विक्री करणाऱ्या नामांकित कंपनीच्या कर्मचाऱ्यांनी मुदतबाह्य दूध, पावाच्या पुड्यांसह विविध नाशवंत माल सोसायटीच्या आवारात फेकून दिल्यानंतर सोसायटीतील रहिवाशी व महापालिकेच्या स्वच्छता कर्मचाऱ्यांवर दादागिरी करण्याचा प्रकार घडला…