Mumbai news
मुंबई : शनिवारपासून सुरु होणाऱ्या विधिमंडळाच्या तीन दिवसीय हंगामी अधिवेशनासाठी भाजपाचे ज्येष्ठ आमदार कालिदास कोळंबकर यांची विधानसभेच्या हंगामी अध्यक्षपदी निवड करण्यात आली. राजभवन येथे हंगामी अध्यक्षांचा शपथविधी सोहळा संपन्न झाला. त्यामुळे, विधिमंडळाच्या विशेष अधिवेशन काळात…
कामगार महर्षी आंबेकर स्मृती बुध्दिबळ स्पर्धा मुंबई : राष्ट्रीय मिल मजदूर संघ, महाराष्ट्र राज्य राष्ट्रीय कामगार संघ व आयडियल स्पोर्ट्स अकॅडमीतर्फे कामगार महर्षी स्व. गं.द. आंबेकर स्मृती १४ वर्षाखालील मुलामुलींची बुध्दिबळ स्पर्धा ७ डिसेंबर रोजी सकाळी ९.०० वा.पासून परेल येथील आरएमएमएस वातानुकुलीन सभागृहात रंगणार आहे. ७/८/९/१०/११/१२/१३/१४ वर्षाखालील मुलामुलींच्या एकूण आठ वयोगटामधील बुध्दिबळ स्पर्धेचे विजेतेपद पटकाविण्यासाठी मुंबई शहर व उपनगर, ठाणे, पालघर आदी जिल्ह्यातील आंतरराष्ट्रीय फिडे गुणांकित सबज्युनियर बुध्दिबळपटूसह ६४ खेळाडूंमध्ये पहिल्या सत्रात चुरशीच्या साखळी लढती होतील. संघाचे अध्यक्ष व आमदार सचिनभाऊ अहिर आणि सरचिटणीस गोविंदराव मोहिते यांच्या प्रमुख उपस्थितीत राष्ट्रीय मिल मजदूर संघाचे संस्थापक स्व. गं.द. आंबेकर यांना अभिवादन करून स्मृती सप्ताहामधील बुध्दिबळ स्पर्धेच्या प्रथम उपक्रमास प्रारंभ होईल. मुंबई शहर जिल्हा बुध्दिबळ संघटना मान्यतेने होणाऱ्या स्पर्धेत विजेतेपदाच्या दावेदारीसाठी अधवान ओसवाल, जॉब थॉमस मॅक्सलीन, समीरा थोरात, सक्षम म्हामूण, ध्रुव जैन, मिलन वेद, प्रणव चव्हाण, शान्वी अग्रवाल, सस्मित भूरावणे, अथर्व लखोटिया, स्वरा मोरे, धीर सोनावाला, समर्थ साळगावकर, राज गायकवाड, यश चुरी, सान्वी सिन्हा, गीतेश चव्हाण, थिया वागळे, वारुनिका मेहता, क्षितीज नाईक, सुजय सावंत, स्टीव्हन शिंदे आदी सबज्युनियर बुध्दिबळपटू प्रतिस्पर्ध्यांना शह देणारे विजयी डावपेच रचण्याच्या जय्यत तयारीत आहेत. स्पर्धेतील विजेत्या-उपविजेत्यांना आकर्षक पुरस्कार दिले जाणार आहेत. स्विस लीग पध्दतीच्या स्पर्धेमधील प्रत्येक साखळी सामने १५-१५ मिनिटे अधिक ३ सेकंद इन्क्रिमेंटचे होणार आहेत. याप्रसंगी राष्ट्रीय मिल मजदूर संघाचे खजिनदार निवृत्ती देसाई, उपाध्यक्ष बजरंग चव्हाण, अण्णा शिर्सेकर, सुनील बोरकर, सुनील अहिर, राजन लाड, शिवाजी काळे, मिलिंद तांबे आदी पदाधिकारी उपस्थित राहणार आहेत. तसेच गिरणी कामगार महिलांच्या विविध क्रीडा स्पर्धांचा दुसरा उपक्रम आंबेकर होमिओपथिक दवाखान्याच्या डॉ. रुपाली जाधव यांच्या प्रमुख उपस्थितीत आरएमएमएस प्रांगणामध्ये होणार आहे. ०००००
मुंबई : महापरिनिर्वाण दिनानिमित्त डॉ. बाबासाहेब आंबेडकर यांना अभिवादन करण्यासाठी देशभरातून लाखो अनुयायी दादरमधील चैत्यभूमीवर दाखल झाले आहेत. यामध्ये स्त्री – पुरुष, ज्येष्ठ नागरिक आणि विशेषतः विद्यार्थ्यांचाही समावेश आहे. ही…
मुंबई : भारतीय कामगार कर्मचारी महासंघाचे सरचिटणीस आमदार भाई जगताप यांच्या भारतीय कामगार कर्मचारी महासंघाच्या नेतृत्वाखाली आज दिनांक ५ डिसेंबर रोजी बोईसर मधील तारापूर एम्.आय.डि.सी.येथील मे. साळवी केमिकल्स लिमिटेड, मे. केशव…
मुंबई : राष्ट्रीय मिल मजदूर संघाचे आद्य संस्थापक स्व.गं.द. आबेकर यांच्या पुण्यस्मृती प्रित्यर्थ ७ ते १३ डिसेंबर पर्यंत विविध क्रीडा स्पर्धा आणि सामाजिक उपक्रमाने स्मृती सप्ताहाचे आयोजन करण्यात आले आहे.संघटनेचे…
नवी मुंबई : नवी मुंबई महानगरपालिका कार्यक्षेत्रा मध्ये हिवताप /डेंग्यु आजाराचा प्रसार रोखणेसाठी, मा. आयुक्तांच्या मार्गदर्शनाखाली, आरोग्य विभागामार्फत विशेष शिबीरांचे आयोजन केले असता सदर सभांकरीता नागरीकांचा उत्तम प्रतिसाद मिळाला आहे.…
१९ ते २२ डिसेंबर भरगच्च कार्यक्रम, साहित्य संमेलनही होणार मुंबई : अखिल भारतीय दैवज्ञ समाजोन्नती परिषदेचे राष्ट्रीय अधिवेशन १९ ते २२ डिसेंबर दरम्यान पुणे येथे होणार आहे .दैवज्ञ समाजोन्नती परिषदेचे अध्यक्ष व संमेलनाध्यक्ष डॉ. गजानन रत्नपारखी यांच्या मार्गदर्शनाखाली चार दिवस हा सोहळा होणार असून श्री अष्टभुजा दुर्गादेवी इस्टेट ट्रस्ट संस्थेने त्याची जय्यत तयारी केली आहे. देशभरातील असंख्य दैवज्ञ बांधव या अधिवेशनास उपस्थित राहणार आहेत. याचवेळी दहावे दैवज्ञ साहित्य संमेलनही पुण्यनगरीत रंगणार आहे. दैवज्ञ समाजोन्नती परिषदेचे २१ वे राष्ट्रीय अधिवेशन व दहाव्या दैवज्ञ साहित्य संमेलनाचा भव्य सोहळा गुरूवारी १९ ते रविवारी २२ डिसेंबरपर्यंत पुण्यातील शुक्रवार पेठ येथील गणेश कला क्रीडा मैदानावर होणार आहे. गुरूवारी १९ डिसेंबर रोजी सायंकाळी ४ वाजता भव्य शोभायात्रा निघणार असून शुक्रवारी २० डिसेंबर रोजी सकाळी ८.३० वाजता उद्घाटनाचा सोहळा होणार आहे. पद्माकरराव पांडुरंगपंत रत्नपारखी व स्व. सुमती रत्नपारखी नगरीत सकाळी १० वाजता केंद्रीय सहकार व नागरी वाहतूक राज्यमंत्री मुरलीधर मोहोळ यांच्या प्रमुख उपस्थितीत डॉ. गजानन रत्नपारखी व अजय कारेकर यांच्या हस्ते अधिवेशनाचे उद्घाटन होणार आहे. यावेळी दैसपचे उपाध्यक्ष डॉ. आनंद पेडणेकर, नाना शंकरशेट प्रतिष्ठानचे अध्यक्ष, समाजश्रेष्ठी सुरेंद्र शंकरशेट यांच्यासह डॉ. गजानन रत्नपारखी अध्यक्षीय भाषणात मार्गदर्शन करणार आहेत. परिसंवाद रंगणार शनिवारी सामाजिक कार्यात युवांची वानवा, ज्ञातीपत्रके व समाजप्रबोधन, कौटुंबिक जबाबदारी व महिलांचे सामाजिक योगदान, महिलांचा राजकारणातील सहभाग, वधु-वर मेळाव्यातील आजची वास्तविकता, कवीसंमेलन आदी परिसंवाद होणार आहेत. याचवेळी दुपारी दुपारी ३ वाजता दैवज्ञ साहित्य संमेलनाचे उद्घाटन साहित्य संमेलनाध्यक्ष कृष्णी वाळके यांच्या हस्ते होणार आहे. यावेळी ज्येष्ठ अभिनेते राहुल सोलापुरकर प्रमुख पाहुणे म्हणून उपस्थित राहणार आहेत. साहित्य, नाट्य, ग्रंथ हंडी व कार्यकर्ता गौरव रविवारी २२ डिसेंबर रोजी संत साहित्य, प्रेरणादायी आत्मचरित्र, पत्रकारिता आणि साहित्य, नाट्य व साहित्य, ग्रंथ हंडी आदींवर मान्यवर लेखक, साहित्यिक मार्गदर्शन करणार आहेत. याचवेळी दैवज्ञ साहित्य मंच पदाधिकारी, यजमान संस्थेचे पदाधिकारी व कार्यकर्त्यांचा गौरव करण्यात येणार असून दुपारी तीन वाजता या चार दिवसीय अधिवेशनाचा समारोप होणार असल्याची माहिती स्वागताध्यक्ष विजय कारेकर व दैसपचे सरचिटणीस चंद्रशेखर दाभोळकर यांनी दिली.
नवी मुंबई : नवी मुंबई महानगरपालिका क्षेत्रात रस्ते, पदपथ, गटारे, इमारती, नाले तसेच पाणी पुरवठा, मलनि:स्सारण, विद्युत अशी विविध प्रकारची नागरी सुविधा कामे करतांना अर्थसंकल्पातील संबधित लेखाशिर्षांतर्गत तरतूदी अन्वये तांत्रिक…
मुंबई : भारतीय राज्यघटनेचे शिल्पकार, महामानव, भारतरत्न डॉ. बाबासाहेब आंबेडकर यांच्या महापरिनिर्वाणदिनानिमित्त दादर येथील चैत्यभूमीवर आदरणीय डॉ. बाबासाहेब आंबेडकर यांना भाजपाचे आमदार निरंजन डावखरे यांनी कृतज्ञतापूर्वक विनम्र अभिवादन केले. तसेच…
