Category: मुंबई

मुंबई : एकनाथ शिंदे यांच्या बंडांनंतर कल्याण शहराचे पक्षप्रमुख निष्ठेने सांभाळणाऱ्या सचिन बासरे यांना शिवसेना पक्षप्रमुख उद्धव ठाकरे यांनी उमेदवारी दिली आहे. कल्याण पश्चिमेत महायुती व महाविकास आघाडीमध्ये ‘कांटे की टक्कर’ होणार आहे.…

चेंगराचेंगरीत  ९ प्रवासी जखमी, दोन जणांची प्रकृती गंभीर मुंबई : मुंबईमधील रेल्वे स्थानकात पुन्हा एकदा माणूसकी चिरडली गेली. यावेळी वांद्रे रेल्वे स्थानकात राखीव नसेलल्या जागा पटकावण्यासाठी भयंकर रेटारेटी झाली. आणि त्यानंतर…

निलेश राणे, मुरजी पटेल शिंदेंच्या शिवसेनेकडून दत्तक स्वाती घोसाळकर मुंबई : मुख्यमंत्री एकनाथ शिंदे यांनी आज शिवसेनेची दुसरी यादी जाहिर करताना राज्यसभेचे खासदार मिलिंद देवरा यांना बाळासाहेब ठाकरेंचे नातू आदित्य ठाकरेंच्या विरोधात…

मुंबई : एका डॉक्टर दाम्पत्याने मेडिकल दुकान मालकाची १.२७ कोटी रुपयांची फसवणूक केल्याप्रकरणी फिर्यादीने दिलेल्या तक्रारीवरून नवी मुंबईच्या एन आर आय पोलीस ठाण्यात भारतीय दंड संहिता ४०६, ४२०, ३४ प्रमाणे  गुन्हा दाखल करण्यात आला. तक्रारदार कल्पेश व्यास यांचे मालाड मध्ये वडीलोपार्जित मेडिकल स्टोअर्स आहे. 2013 मध्ये व्यास यांच्या बिल्डिंग मध्ये राहणारे कन्हैयालाल देराश्री यांनी त्यांचा मुलगा डॉ. धवल  देराश्री आणि त्यांची पत्नी डॉ. लता देराश्री वडील कन्हयालाल देराश्री यांचे नवी मुंबई सीवडुस येथे स्वतः मालकीचे मोठे सुयश हॉस्पीटल असल्याचे सांगितले. या हॉस्पीटलच्या जागेमध्ये एक मेडीकल आस्थापणा आहे. ते मेडिकल आस्थापणा चालवण्याचा परवाना घेतल्यास तुम्हाला आम्ही ते भाड्याने देऊ.  त्यामधुन तुम्हाला व्यवसाय चालु करता येईल असे त्यांनी सांगितले. देराश्री कुटुंबावर विश्वास ठेवून तक्रारदारांनी त्या आस्थपणासाठी ४९ लाख रुपये बँक व्यवहाराने दिले. मेडिकल स्टोअर्स सुरू झाल्यावर या जोडप्याने ४८ लाख रुपयांची औषधे देखील खरेदी केली. तसेच ३० लाख रुपये उसने घेतले. या संपूर्ण व्यवहारात देराश्री कुटूंबियांनी आमची फसवणूक केल्याचा आरोप व्यास यांनी केला आहे. तक्रारदाराला डॉक्टरांनी सेटलमेंटमध्ये दिलेला फ्लॅट सिटी बँकेकडे गहाण ठेवला होता. आजपर्यंत आरोपीने तक्रारदाराला कोणतीही रक्कम दिलेली नाही असे ॲड मित अशोक राजपोपट यांनी सांगितले. या प्रकरणी एनआरआय पोलीस ठाण्यात गुन्हा दाखल असून तपास सुरू आहे. 0000

मुंबई :शाळा महाविद्यालय मधील अग्निशमन यंत्रणा सुस्थितीत नसल्याने तामिळनाडू येथे ९४ विद्यार्थी मृत्युमुखी पडले होते. त्या पार्श्वभूमीवर भारत सरकारने आग प्रतिबंध कायदा कठोर केला होता. प्रत्येक राज्याने त्याची अंमलबजावणी सुरू करा असे आदेश दिले होते. मात्र अजूनही अनेक शाळा महाविद्यालये मनमानी करत कायदा पाळत नाहीत. त्यांच्यावर कठोर कारवाई करावी अशी मागणी भीम आर्मी चे महाराष्ट्र प्रमुख अशोक कांबळे यांनी सरकारकडे केली आहे. मुंबईतील वाळकेश्वर येथील गोपी बिर्ला मेमोरियल शाळेमध्ये अग्नी सुरक्षा यंत्राची अद्ययावत स्थिती नसल्याने मोठा वाद झाला होता. अग्निशामक विभागातील काही अधिकारी व शाळा मधील काही अधिकारी मनमानी कारभार करत मुलांच्या जीवाशी खेळत आहेत असा आरोप अशोक कांबळे यांनी केला आहे. ही शाळा यश बिर्ला समूहाद्वारे चालवली जाते. शाळा मुख्यमंत्र्यांच्या निवासस्थानी वर्षा बंगला मलबार हिल येथे आहे. विद्यार्थ्यांचे जीव धोक्यात घालुन अग्नी सुरक्षा नियमाचे उल्लंघन करून मनमानी करण्याचा यांना अधिकार कोणी दिला ? असा सवाल अशोक कांबळे यांनी केला आहे. खाजगी अग्निशमन सुरक्षा यंत्रे पुरविणाऱ्या कंत्राटदाराला जबाबदार धरणे म्हणजे शाळेने जबाबदारी झटकण्याचा प्रकार आहे. शाळेची चौकशी करण्यासाठी समिती गठीत करण्यात यावी आणि सामाजिक कार्यकर्ते म्हणून या समिती भीम आर्मी संघटनेचा विभागीय प्रतिनिधी घेण्यात यावा अशी मागणी अशोक कांबळे यांनी केली आहे.

मुंबई : मुंबई व्हीलचेअर क्रिकेट संघाला कोणत्याही सरकारी संस्थेचा तसेच मुंबई क्रिकेट असोसिएशन एमसीए चाही पाठिंबा मिळत नाही ही मोठी शोकांतिका आहे. स्वयंसेवी संस्था व देणगीदारांकडून मिळालेल्या निधीवर आम्ही दिव्यांग खेळाडू क्रिकेट खेळतो. दिव्यांग खेळाडू बाबत सरकारला ही लाजिरवाणी बाब आहे. अशी खंत व्हीलचेअर मुंबई क्रिकेट टीम चे कर्णधार राहुल रामूगडे यांनी व्यक्त केली. व्हीलचेअर क्रिकेट इंडिया आणि डिफरंटली एबल्ड क्रिकेट कौन्सिल ऑफ इंडियाच्या मार्गदर्शनाखाली रोटरी क्लब ऑफ मुंबई मलबार हिल यांच्या सहकार्याने घाटकोपर मध्ये २६ ऑक्टोबर रोजी टी १० व्हीलचेअर क्रिकेट मॅच चे आयोजन करण्यात आले. यात हिंदुस्तान कोलास प्रायव्हेट लिमिटेड कंपनीने खेळाडूंना नवीन व्हीलचेअर भेट दिली. मुंबई विरुद्ध महाराष्ट्र असा हा सामना होता. या  सामन्यात मुंबईच्या टीम ने उत्कृष्ट खेळ खेळत बाजी मारली. क्रिकेट हा खेळ जगभरात प्रसिद्ध असून व्हील चेअर क्रिकेट टीम ला हवा तसा प्रतिसाद मिळत नाही. आमच्या मुंबई संघातील काही खेळाडू भारतीय व्हीलचेअर क्रिकेट संघाकडूनही खेळले आहेत. यावेळी रोटरी डिस्ट्रिक्ट ३१४१ चे डिस्ट्रिक्ट गव्हर्नर चेतन देसाई, झोनल गव्हर्नर ए. व्ही. सुरेश आर्या, अखिलेश विश्वकर्मा, अभय प्रताप सिंह, कला श्रीधर, आदर्श गणवीर आदी मान्यवर उपस्थित होते.

रमेश औताडे मुंबई : आदिवासी समाजातील सरपंच असलेल्या महिलेला जाहीर कार्यक्रमात स्टेजवर संधी दिली नाही. मात्र मारहाण आणि विनयभंग असे गुन्हे दाखल असलेल्या व्यक्तीला खुलेआम व्यासपीठावर प्रवेश देण्यात येतो. कसली ही लोकशाही ? असा सवाल समाजसेवक कवी लेखक अशोक टाव्हरे यांनी पत्रकार परिषदेत केला आहे. सरन्यायाधीश डॉ. धनंजय चंद्रचूड यांनी गेल्या आठवड्यात कनेरसर गावी भेट दिली होती. यावेळी झालेल्या कार्यक्रमात मारहाण आणि विनयभंग असे गुन्हे दाखल असलेल्या जवाहर विठ्ठल दौंडकर खुलेआम व्यासपीठावर कसे काय फिरत होते ? असा सवाल अशोक टाव्हरे यांनी पत्रकार परिषदेत केला आहे. ज्याच्या नावावर खटले दाखल आहेत, त्यांना वगळून इतरांना कार्यक्रमाचे पास देण्याची मागणी ग्रामस्थांनी केली होती. परंतु, गुन्हे दाखल असलेल्या दौंडकर यांना प्रशासनाकडून पास देण्यात आले. सरन्यायाधीश डॉ. चंद्रचूड यांनी कनेरसर येथे येण्याअगोदर न्यायदेवतेची पट्टी काढून हातात संविधान ठेवण्याचा निर्णय घेतला होता. परंतु त्यांच्याच कार्यक्रमात गुन्हेगार खुलेआम फिरत होते.  त्यामुळे कार्यक्रमाचे अध्यक्ष, खेडचे दिवाणी न्यायाधीश न्या. पवार, सदस्य, खेडचे पोलीस निरीक्षक मोरे यांच्यावर कारवाई करण्यात यावी, अशी मागणी अशोक टाव्हरे यांनी केली आहे. 0000

कोपरी विभाग_🚩🚩शिवसेना 🚩🚩साईनाथ नगर शाखा_महिला शाखाप्रमुख पदी नेहा मानकामे यांची  नियुक्ती करण्यात आली. नियुक्ती पत्र  शिवसेना महिला आघाडी जिल्हा प्रमुख मिनाक्षी शिंदे  ठाणे पुर्व मा नगरसेविका नम्रता पमनानी मालती पाटील व शर्मिला पिपलोकर  गायकवाड ‌तसेच कोपरी महिला विभाग प्रमुख सौ मनिषा ताई शिंदे यांच्या हस्ते देण्यात आले. ०००

  विरार : विधानसभा निवडणुकीसाठी काही उमेदवारांनी अर्ज भरण्यास सुरुवात केली असतानाही महाविकास आघाडीतील काही जागांचा तिढा अद्याप सुटला नव्हता. यामध्ये वसई आणि नालासोपारा मतदारसंघ कोणत्या पक्षाला मिळणार, याबाबत संभ्रम निर्माण झाला होता. अखेर विजय पाटील यांची उमेदवारी जाहीर झाल्याने वसईमध्ये काँग्रेसच मोठा भाऊ असल्याचे स्पष्ट झाले आहे. नालासोपारा मतदारसंघातून महाविकास आघाडी कुणाला तिकीट देणार, हे अजूनही स्पष्ट झालेले नाही. महाविकास आघाडीमधून शिवसेना ठाकरे गटाने पालघर आणि बोईसर मतदारसंघामधून उमेदवारांची घोषणा केली होती. त्यामुळे वसई आणि नालासोपारा मतदारसंघातून काँग्रेसला उमेदवारी देण्यात येईल, असे संकेत मिळत होते. त्यानुसार काँग्रेसने जाहीर केलेल्या दुसऱ्या यादीत विजय पाटील यांना स्थान देत त्यांची उमेदवारी जाहीर केली. त्यामुळे पुन्हा एकदा २०१९ प्रमाणेच वसईत हितेंद्र ठाकूर विरुद्ध विजय पाटील, असा सामना रंगणार आहे. मागील वेळी हितेंद्र ठाकूर हे २६ हजार मतांनी विजयी झाले होते. त्या वेळी शिवसेना महायुतीकडून उमेदवार राहिले होते. या वेळी पक्षबदल करत काँग्रेसमध्ये गेले आहेत. महायुतीमधून अद्याप उमेदवाराचे नाव घोषित करण्यात आले नाही. त्याचप्रमाणे नालासोपाऱ्यामधून महाविकास आघाडीकडून उमेदवारी जाहीर झालेली नसल्याने ठाकरे गट की काँग्रेस ही जागा लढवणार, हे अद्याप गुलदस्त्यात आहे.  

  उल्हासनगर : मनसे प्रमुख राज ठाकरे यांनी भगवान भालेराव यांची उल्हासनगर मतदारसंघासाठी उमेदवारी जाहीर केली. गेल्या वेळी भालेराव यांनी अपक्ष म्हणून उमेदवारी लढून तिसऱ्या क्रमांकाचे मते घेतली होती. उल्हासनगर रिपाइं आठवले गटाचे जिल्हाध्यक्ष राहिलेले भगवान भालेराव यांनी शरद पवार, सुप्रिया सुळे, जयंत पाटील यांची भेट घेऊन उमेदवारी मागितली होती. मात्र शेवटच्या क्षणी ओमी कलानी यांची शरद पवार गटाकडून उमेदवारी जाहीर झाल्यावर, भालेराव यांचा भ्रमनिरास झाला. त्यांनी मनसेच्या स्थानिक पदाधिकार्यासह राज ठाकरे यांची रविवारी भेट घेऊन समर्थकासह मनसेत प्रवेश केला. ठाकरे यांनी भालेराव यांची उल्हासनगरसाठी उमेदवारी घोषित केली. भालेराव महापालिकेचे उपमहापौर राहिले असून आंबेडकरी जनतेत त्यांचे वजन आहे. २०१९ साली त्यांनी अपक्ष म्हणून उल्हासनगर मतदारसंघातून निवडणूक लढवून तिसऱ्या क्रमांकाचे ८ हजार पेक्षा जास्त मते मिळविली होती. भालेराव यांच्यामुळे राष्ट्रवादीच्या ज्योती कलानी पराभूत झाल्याचे बोलले जाते. मनसेने भालेराव यांची उमेदवारी घोषित केल्याने, उल्हासनगर मतदारसंघात कलानी, आयलानी व भालेराव अशी तिरंगी लढत होण्याची शक्यता व्यक्त होत आहे. शहर विकास कागदावर असल्याने, नागरिकांना आयलानी-कलानी ऐवजी तिसरा पर्याय हवा आहे. त्यामुळे नागरिक माझा विचार निश्चित करतील. असा विश्वास भालेराव यांनी पत्रकारांशी बोलतांना व्यक्त केला.