Category: मुंबई

ठाणे – अंतर्गत मेट्रो प्रकल्प हा नागरिकांच्या हितासाठीच हाती घेण्यात आला आहे. तर आम्हाला विश्वासात घ्या, अंतर्गत रिंग मेट्रोचा पूर्वीचा मूळ मार्ग कायम ठेवा. ठाणे महानगरपालिका, शासन, प्रशासनाने नागरिकांना सहकार्य…

 शाळकरी विद्यार्थ्यांनाही घाण पाण्यातून करावा लागतो प्रवास – तीन नगरसेवक असूनही समस्यांकडे दुर्लक्ष, कल्याण : डोंबिवली पश्चिमेतील महात्मा फुले रोडवरील स्वामी विवेकानंद अरुणोदय शाखेजवळील गायकवाडवाडी परिसरातील गटारे, पायवाटा आणि रस्त्यांची मोठ्या प्रमाणात दुरवस्था झाली असून, हजारो रहिवाशांना त्याचा त्रास सहन करावा लागत आहे. अनेक वर्षांपासून या समस्या कायम असून, पालिका प्रशासन आणि लोकप्रतिनिधींकडून वारंवार कामे करण्याची आश्वासने दिली जात असतानाही प्रत्यक्षात परिस्थितीत कोणतीही सुधारणा झालेली नसल्याचा आरोप स्थानिक रहिवाशांनी केला आहे.  गायकवाडवाडी परिसरात ठिकठिकाणी रस्त्यांवर खड्डे पडले आहेत. पावसाचे पाणी या खड्ड्यांमध्ये साचत असल्याने परिसरात चिखल आणि घाण पाण्याचे साम्राज्य निर्माण होते. गटारे तुंबल्याने सांडपाणी रस्त्यावर येत असून, नागरिकांना याच घाण पाण्यातून मार्ग काढावा लागत आहे. तुंबलेल्या पाण्यामुळे डासांचे प्रमाण वाढत असून, नागरिकांच्या आरोग्याचा प्रश्न निर्माण झाला आहे. या परिसरातून स्वामी विवेकानंद विद्यामंदिर, गणेश विद्यालय आणि भोईर जिमखाना हायस्कूलमधील सुमारे  हजारो विद्यार्थी दररोज ये-जा करतात. शाळकरी मुलांना तसेच त्यांच्या पालकांना खराब रस्ते आणि साचलेल्या घाण पाण्यातून वाट काढत शाळेत जावे लागते. शाळांच्या छोट्या वाहनांनाही या खड्ड्यांचा मोठा त्रास सहन करावा लागत आहे. गायकवाडवाडी हा डोंबिवली शहरातील जुन्या वस्तीचा भाग असून, येथे जुन्या चाळींसोबतच नवीन गृहसंकुलेही उभी राहिली आहेत. त्यामुळे परिसरात पादचारी, दुचाकीस्वार तसेच इतर वाहनांची सतत वर्दळ असते. मात्र अनेक वर्षांपूर्वी करण्यात आलेल्या रस्ते आणि पायवाटांची योग्य देखभाल न झाल्याने त्यांची अवस्था दिवसेंदिवस बिकट होत चालली आहे. प्रभाग क्रमांक २१ मधील स्थानिक नगरसेवक रवीना म्हात्रे, प्रल्हाद म्हात्रे आणि रेखा म्हात्रे यांच्याकडे गायकवाडवाडीतील रहिवाशांनी रस्ते, गटारे, कचरा, डास प्रतिबंधक फवारणी, सीसीटीव्ही कॅमेरे तसेच गायकवाडवाडी नामकरण कमानीसह विविध समस्यांबाबत अनेक वेळा तोंडी आणि लेखी निवेदने दिल्याचे रहिवाशांचे म्हणणे आहे. मात्र या समस्यांकडे अपेक्षित गांभीर्याने लक्ष दिले जात नसल्याचा आरोप करण्यात आला आहे. प्रभागातील इतर भागांमध्ये गटारे, पायवाटा, रस्ते, फवारणी तसेच कमानीची कामे वेगाने सुरू असताना महात्मा फुले रोडवरील गायकवाडवाडी परिसराकडे मात्र जाणीवपूर्वक दुर्लक्ष केले जात असल्याची भावना स्थानिकांमध्ये निर्माण झाली आहे. विशेषतः महिला रहिवाशांमध्ये याबाबत तीव्र संताप व्यक्त होत आहे. गायकवाडवाडी परिसरातील नागरिकांच्या या मूलभूत समस्या तातडीने सोडवाव्यात, अशी मागणी रहिवाशांनी केली आहे. 000

 ‘द स्कुल्स ऑफ इंडिया  २०२६’ चे खोपोलीत आयोजन  देशभरातील शिक्षणतज्ज्ञ, संस्थापक, प्राचार्य,एआय संशोधक एकत्र येणार ( राजेंद्र साळसकर ) मुंबई-भारतातील शिक्षण क्षेत्र सध्या एका अत्यंत महत्त्वाच्या वळणावर उभे आहे. पारंपारिक शैक्षणिक मूल्ये जपत आधुनिक तंत्रज्ञानाची जोड देणे, कृत्रिम बुद्धिमत्तेचा वर्गांमध्ये प्रभावी वापर करणे आणि प्रत्येक विद्यार्थ्यापर्यंत दर्जात्मक व समान शिक्षण पोहोचवणे ही आजच्या काळातील सर्वात मोठी आव्हाने बनली आहेत. याच पार्श्वभूमीवर, भारताच्या शिक्षण क्षेत्राला नवी दिशा देण्यासाठी आणि भविष्यातील आव्हानांवर ठोस उपाय शोधण्यासाठी ‘द स्कुल्स ऑफ इंडिया एज्युकेशन समिट २०२६’ या भव्य परिषदेचे आयोजन करण्यात आले आहे. येत्या ३० ऑक्टोबर ते १ नोव्हेंबर २०२६ या कालावधीत खोपोली येथील ‘नोव्होटेल इमॅजिका’ येथे ही तीन दिवसीय राष्ट्रीय परिषद रंगणार आहे. या परिषदेत देशातील आघाडीचे शिक्षणतज्ज्ञ, नामांकित शाळेचे संस्थापक, प्राचार्य, धोरणकर्ते आणि edटेक क्षेत्रातील तंत्रज्ञान संशोधक एकाच छताखाली एकत्र येऊन कोट्यवधी विद्यार्थ्यांच्या भविष्याशी जोडलेल्या मुद्द्यांवर विचारमंथन करणार आहेत, अशी माहिती मालपाणी ग्रुपचे संचालक यशवर्धन मालपाणी यांनी दिली। यावेळी   स्कूल ऑफ इंडियाचे संस्थापक अंकित पुष्पराज वर्मा, ध्रुव स्कूलच्या   संचालिका अनिष्का मालपाणी आदी उपस्थित होते. यावेळी बोलताना स्कूल ऑफ इंडियाचे संस्थापक अंकित पुष्पराज वर्मा म्हणाले की या तीन दिवसीय परिषदेत केवळ औपचारिक चर्चा न होता प्रत्यक्षात अंमलात आणता येतील अशा धोरणात्मक रणनीतींवर भर दिला जाणार आहे. प्रामुख्याने अध्यापन पद्धतीतील आधुनिक बदल, अभ्यासातील नावीन्यता, शालेय नेतृत्व व संस्थात्मक व्यवस्थापन, आणि विद्यार्थ्यांचे मानसिक आरोग्य व सर्वांगीण विकास यांसारख्या अत्यंत संवेदनशील आणि मूलभूत विषयांवर सखोल मंथन होणार आहे. यासोबतच जागतिक पातळीवरील शैक्षणिक घडामोडींचा भारतीय शिक्षण पद्धतीवर होणारा परिणाम लक्षात घेऊन, तंत्रज्ञानाच्या युगात ‘कृत्रिम बुद्धिमत्ता’ (AI) चा शालेय शिक्षणात कसा सुरक्षित आणि परिणामकारक वापर करता येईल, यावर विशेष कार्यशाळा आणि चर्चासत्रे आयोजित केली जाणार आहेत. प्रदर्शनाच्या माध्यमातून नवीन एडटेक उत्पादने आणि शैक्षणिक उपकरणांचे थेट प्रात्यक्षिकही उपस्थितांना पाहायला मिळेल. परिषदेविषयी माहिती देताना ध्रुव स्कूलच्या व्यवस्थापकीय संचालिका अनिष्का मालपाणी यांनी सांगितले की या महापरिषदेचे सर्वात मोठे वैशिष्ट्य म्हणजे भारतीय शिक्षणाच्या विविध क्षेत्रांचे प्रतिनिधित्व करणारे दिग्गज व अनुभवी मार्गदर्शक मंडळ या परिषदेला लाभले आहे. यामध्ये ‘अवसरा अकादमी’च्या लक्ष्मी कुमार (सामाजिक प्रभाव व सर्वांगीण शिक्षण), ‘मालपाणी ग्रुप ऑफ स्कुल्स’चे संजय मालपाणी (मोठ्या प्रमाणावरील संस्थात्मक जाळे), आणि ‘ECA व पोदार एज्युकेशन नेटवर्क’च्या डॉ. स्वाती पोपट वत्स (पुरोगामी शिक्षण व संशोधन) यांसारख्या नामांकित तज्ज्ञांचा समावेश आहे.  याशिवाय, शिक्षणातील कृत्रिम बुद्धिमत्तेच्या वापराबाबत ‘Almach AI’ चे रसेल जॉन कॅली, आंतरराष्ट्रीय अभ्यासक्रमाबाबत ‘IB वर्ल्ड स्कुल्स’च्या सीथा मूर्ती आणि ‘केंब्रिज इंटरनॅशनल’च्या अलका पांडे उपस्थितांना मार्गदर्शन करतील. त्याचप्रमाणे, ‘एसपी जैन स्कुल ऑफ ग्लोबल मॅनेजमेंट’चे परिमल मर्चेंट जागतिक व्यवसाय शिक्षणावर, तर ‘सोशल ब्रिक’च्या मृणाल शाह खेळातून व अनुभवात्मक शिक्षणावर आपले विचार मांडणार आहेत. परिषदेदरम्यान विशेष प्रदर्शन भरवले जाणार असून यामध्ये शैक्षणिक तंत्रज्ञान, स्मार्ट क्लासरूम सोल्युशन्स, टेक स्टार्टअप्स आणि नावीन्यपूर्ण शैक्षणिक साहित्याचे प्रात्यक्षिक सादर केले जाईल. तसेच महत्त्वाच्या घोषणा आणि पत्रकार परिषदांचेही आयोजन करण्यात आले आहे. theschoolofindia.org या संकेतस्थळावर आपले नाव नोंदवा असे आव्हान संयोजकाकडून करण्यात येत आहे 0000

 डॉ. श्रीकांत शिंदे यांच्या माध्यमातून चाकरमान्यांना गावाकडे जाण्यासाठी मोफत प्रवासाची सुविधा कल्याण : गणेशोत्सवासाठी कोकण आणि पश्चिम महाराष्ट्रातील आपल्या गावी जाणाऱ्या चाकरमान्यांसाठी शिवसेना संसदीय गटनेते तथा खासदार डॉ. श्रीकांत शिंदे यांच्या माध्यमातून मोफत एसटी बससेवेचे आयोजन करण्यात आले आहे. या उपक्रमांतर्गत कल्याण पश्चिम शहर तसेच मोहने-टिटवाळा विभागातील गणेशभक्तांसाठी शिवसेना शहर प्रमुख रवी पाटील यांच्या नियोजनात तब्बल २० मोफत एसटी बसेस शुक्रवारी सायंकाळी भगवा झेंडा दाखवून गावाकडे रवाना करण्यात आल्या. शिवसेना कल्याण शहर शाखेच्या वतीने आयोजित करण्यात आलेल्या या उपक्रमामुळे गणेशोत्सवासाठी कोकण आणि पश्चिम महाराष्ट्राकडे जाणाऱ्या नागरिकांना मोठा दिलासा मिळाला आहे. गणेशोत्सवाच्या पार्श्वभूमीवर आपल्या कुटुंबीयांसह गावी जाणाऱ्या चाकरमान्यांमध्ये यावेळी मोठा उत्साह पाहायला मिळाला. यावेळी केडीएमसी महापौर हर्षाली चौधरी, शिवसेना शहरप्रमुख रवी पाटील, शिवसेना उपनेत्या विजया पोटे, कल्याण पश्चिम विधानसभा संघटक प्रभुनाथ भोईर, नगरसेवक जयवंत भोईर, किरण भांगले, प्रतीक पेणकर, रुपेश सकपाळ, नगरसेविका अनघा देवळेकर, प्रमिला पाटील, अस्मिता मोरे यांच्यासह शिवसेनेचे पदाधिकारी, कार्यकर्ते, महिला आघाडी व युवासैनिक मोठ्या संख्येने उपस्थित होते.

शतकानुशतकांच्या लेखन-परंपरेचे दर्शन रमेश औताडे मुंबई : भारताच्या प्राचीन लिखित वारशाची सफर घडवणाऱ्या ‘हस्तलिखित’  प्रदर्शनाचे आयोजन मुंबईतील सेंट झेवियर्स कॉलेजमध्ये करण्यात आले होते.  मुंबई महानगरपालिका मार्ग मेट्रो सिनेमा जवळ ९ ते ११ सप्टेंबर या तीन दिवस हे प्रदर्शन ठेवण्यात आले होते. या प्रदर्शनाची संकल्पना प्रसिद्ध इतिहास अभ्यासक सेंट झेवियर्स कॉलेजच्या मुख्य डॉ. अनिता राणे-कोठारे यांची होती. शिलालेख, कोरीव लेख आणि दुर्मिळ हस्तलिखिते या विषयाला वाहिलेले हे विशेष प्रदर्शन आहे. यात दगडावर कोरलेले शिलालेख, ताम्रपटांवरील कोरीव लेखांपासून ते ताडपत्री आणि जुन्या कागदावरील हस्तलिखितांपर्यंतचा मोठा संग्रह मांडण्यात आला आहे. शतकानुशतके भारताचा इतिहास, धर्म, प्रशासन आणि साहित्य कसे जतन केले गेले, याची प्रत्यक्ष अनुभूती या प्रदर्शनातून मिळणार आहे. भारतीय लिपी आणि लेखन माध्यमांचा विकासक्रम अत्यंत सोप्या आणि अभ्यासपूर्ण पद्धतीने येथे उलगडून दाखवण्यात आला आहे. प्रत्येक वस्तूचा ऐतिहासिक आणि सांस्कृतिक संदर्भही समजावून सांगण्यात आला आहे. या प्रदर्शनाचे आणखी एक वैशिष्ट्य म्हणजे सोबत दिली जाणारी विशेष माहिती-पुस्तिका आहे. डॉ. अनिता राणे-कोठारे व हृदय कुलकर्णी यांनी या पुस्तिकेचे लेखन आणि संपादन केले आहे. ही पुस्तिका केवळ प्रदर्शनाची माहिती देत नाही, तर प्राचीन भारतीय इतिहास आणि पुरातत्वशास्त्रातील शिलालेखांच्या अभ्यासाचे महत्त्व या पुस्तिकेत सांगितले आहे.

आरपीआयच्या आंदोलनाला यश केतन खेडेकर मुंबई : भारतरत्न डॉक्टर बाबासाहेब आंबेडकर यांचे हनुमानाच्या अवतारातील असलेले चित्र जहांगीर आर्ट गॅलरी येथील प्रदर्शनामध्ये भरवण्यात आले होते.  या ठिकाणी डॉक्टर बाबासाहेबांना हनुमानाच्या रूपात पुस्तक घेऊन आकाशात  भ्रमंती करताना दाखवले दाखवले होते. याबाबत आरपीआयच्या कार्यकर्त्यांना माहिती मिळाली असता त्यांनी त्वरित त्या ठिकाणी जाऊन हे हनुमानाच्या स्वरूपातील असलेले बाबासाहेबांचे पेंटिंग त्वरित उतरवले.  रिपब्लिकन पार्टी ऑफ इंडिया दक्षिण मुंबई जिल्हाध्यक्ष संजय पवार यांचे नेतृत्वाखाली हे आंदोलन करण्यात आले. हे आंदोलन अगदी शांततापूर्णपणे झाले असून यामध्ये कोणताही अनुचित प्रकार घडला नाही. तसेच डॉक्टर बाबासाहेब आंबेडकरांना हनुमानाचे रूपात दाखवणे म्हणजे फार मोठी गंभीर चूक आहे आणि ही चूक यापुढे घडणार नाही अशी ग्वाही जहांगीर आर्ट गॅलरीच्या व्यवस्थापक के जी मेनन  मॅडम यांनी दिली. भारतरत्न डॉक्टर बाबासाहेब आंबेडकर म्हणजे महामानव असून सर्वांसाठी दैवत आहे. त्यांचा असे हनुमानाचा रूप दाखवून चित्र काढणे हे योग्य नाही. आम्ही बाबासाहेबांनी सांगितलेल्या दया आणि करुणेचा माध्यमातून शांततेने आंदोलन करून हे चित्र प्रदर्शनातून काढले असून चित्रकार राजेश केदारे यांनी देखील आपली चूक झाल्याचे कबूल केले असून माफी मागितली  असल्याची माहिती रिपब्लिकन पार्टी ऑफ इंडियाची दक्षिण मुंबई जिल्हाध्यक्ष संजय पवार यांनी दिली. यावेळी त्यांच्यासोबत दक्षिण मुंबईचे तालुका अध्यक्ष विशाल भाई दिवार आणि इतर पदाधिकारी उपस्थित होते.जिल्हा उपाध्यक्ष विजय जाधव, कुलाबा तालुकाध्यक्ष मनोहर जाधव, जेष्ठ कार्यकर्ते डॅ.राजेंद्र जाधव, डॉ. रमेश ईपाकायला, तालुक्यातील कार्यकर्ते, वॉर्ड पदाधिकाऱ्यांसह, मुंबई प्रदेश चे सुनिल गरूड, इत्यादी पदाधिकारी उपस्थित होते.

राज्यपाल जिष्णु देव वर्मा यांच्या हस्ते शपथविधी अशोक गायकवाड* मुंबई : अलाहाबाद उच्च न्यायालयातील न्यायमूर्ती महेश चंद्र त्रिपाठी यांनी बुधवारी मुंबई उच्च न्यायालयाच्या मुख्य न्यायमूर्तीपदाची शपथ घेतली. लोकभवन येथे झालेल्या समारंभात राज्यपाल जिष्णु देव वर्मा यांनी त्यांना पदाची शपथ दिली. शपथविधीनंतर मुख्यमंत्री देवेंद्र फडणवीस आणि उपमुख्यमंत्री सुनेत्रा पवार यांनी न्या. त्रिपाठी यांचे अभिनंदन केले. समारंभाच्या प्रारंभी राज्याचे मुख्य सचिव राजेश अग्रवाल यांनी न्या. त्रिपाठी यांच्या नियुक्तीची राष्ट्रपतींची अधिसूचना आणि अधिपत्र वाचून दाखविले. राष्ट्रगान, वंदे मातरम् आणि राज्यगीताने कार्यक्रमाची सुरुवात झाली. शपथविधीनंतर वंदे मातरम् आणि राष्ट्रगीताने समारंभाची सांगता झाली. न्यायमूर्ती चंद्रशेखर यांची सर्वोच्च न्यायालयात नियुक्ती झाल्यानंतर मुंबई उच्च न्यायालयाचे मुख्य न्यायमूर्तीपद रिक्त झाले होते. त्यानंतर न्यायमूर्ती रवींद्र घुगे यांनी या पदाचा अतिरिक्त कार्यभार सांभाळला होता. शपथविधी सोहळ्यास महाराष्ट्र विधान परिषदेचे सभापती राम शिंदे, विधानसभा अध्यक्ष राहुल नार्वेकर, उपसभापती सचिन अहिर, मंत्री छगन भुजबळ, मंत्री मंगल प्रभात लोढा, मुंबईच्या महापौर रितू तावडे, तसेच मुंबई आणि अलाहाबाद उच्च न्यायालयांतील न्यायमूर्ती उपस्थित होते. मुंबई उच्च न्यायालयाच्या निवृत्त मुख्य न्यायमूर्ती सुजाता मनोहर आणि न्यायमूर्ती मोहित शाह यांचीही यावेळी उपस्थिती होती.

मुंबई, ८ सप्टेंबर: आरसीएफ स्पोर्ट्स क्लबतर्फे मुंबईत होणाऱ्या स्थानिक स्पर्धांमध्ये आरसीएफ व्हॉलीबॉल संघाचे प्रतिनिधित्व करण्यासाठीच्या संघासाठी खेळाडूंच्या निवडचाचण्यांचे आयोजन करण्यात आले आहे. या चाचण्या चेंबूर येथीलआरसीएफ स्पोर्ट्स क्लबच्या मैदानावर शुक्रवार, ११ सप्टेंबर आणि शनिवार, १२ सप्टेंबर रोजी सकाळी ९ वाजता घेतल्या जातील. १८ वर्षांवरील खेळाडू या चाचण्यांसाठी पात्र आहेत. निवड चाचण्यांदरम्यान पडताळणीसाठी खेळाडूंनी आपली क्रीडा प्रमाणपत्रे आणि कामगिरीचे अहवाल (मूळ आणि छायाप्रत) सोबत आणणे आवश्यक आहे. इच्छुक खेळाडूंनी खेळाच्या गणवेशात मैदानावर उपस्थित राहावे. खेळाडूंनी अधिक माहितीसाठी सुनील कुलकर्णी (मोबाईल: ७९७७०६७५६४) यांच्याशी संपर्क साधावा.

 नीलम गोऱ्हे अध्यक्षपदी तर स्नेहा दुबे पंडित यांची सदस्यपदी निवड योगेश चांदेकर वसई : राज्यातील स्त्रीभ्रूणहत्या, बेकायदेशीर गर्भपात तसेच गर्भधारणापूर्व व प्रसूतीपूर्व निदान तंत्रांच्या गैरवापराला आळा घालण्यासाठी महाराष्ट्र शासनाने महत्त्वपूर्ण निर्णय घेत राज्यस्तरीय कृती दलाची स्थापना केली आहे. या कृती दलाच्या अध्यक्षपदी विधान परिषद सदस्या डॉ. नीलम गोऱ्हे यांची नियुक्ती करण्यात आली असून, वसई विधानसभा मतदारसंघाच्या आमदार  स्नेहा ताई दुबे पंडित यांचा सदस्य म्हणून समावेश करण्यात आला आहे. या राज्यस्तरीय कृती दलामध्ये विधान परिषद सदस्या डॉ. प्रज्ञा सातव, भावना गवळी,  चित्रा वाघ,  उमा खापरे, डॉ. मनीषा कायंदे तसेच विधानसभा सदस्या स्नेहा दुबे पंडित आणि  श्वेता महाले यांचा सदस्य म्हणून समावेश करण्यात आला आहे. राज्य कुटुंब कल्याण कार्यालय, पुणे येथील अतिरिक्त संचालक हे सदस्य सचिव म्हणून काम पाहणार आहेत. राज्यात PCPNDT Act आणि MTP Act मधील तरतुदींचे उल्लंघन होऊ नये, यासाठी सोनोग्राफी केंद्रे, तत्सम निदान केंद्रे आणि वैद्यकीय गर्भपात केंद्रांवर प्रभावी देखरेख ठेवणे तसेच विविध शासकीय विभागांमध्ये समन्वय साधणे, हे या कृती दलाचे प्रमुख उद्दिष्ट आहे. कृती दलामार्फत राज्यातील विविध जिल्हे आणि महानगरपालिका क्षेत्रांना प्रत्यक्ष भेटी देऊन कायद्याच्या अंमलबजावणीचा आढावा घेतला जाणार आहे. संबंधित अधिकाऱ्यांसह सोनोग्राफी केंद्रे व वैद्यकीय गर्भपात केंद्रांना अचानक भेटी देऊन तपासणी केली जाणार असून, कायद्याचे उल्लंघन आढळल्यास संबंधित प्राधिकरणाला तातडीने कायदेशीर कारवाई करण्याबाबत निर्देश देण्याचे अधिकार कृती दलाला देण्यात आले आहेत. तसेच कायद्याच्या अंमलबजावणीतील त्रुटी दूर करण्यासाठी शासनाला आवश्यक शिफारशी करणे, जिल्हास्तरीय अधिकाऱ्यांच्या समन्वय बैठका घेणे आणि स्त्रीभ्रूणहत्या रोखण्यासाठी प्रभावी जनजागृती उपाययोजना सुचविणे, ही महत्त्वाची जबाबदारीही कृती दलावर सोपविण्यात आली आहे. आमदार  स्नेहा ताई दुबे पंडित यांचा या महत्त्वपूर्ण राज्यस्तरीय कृती दलामध्ये सदस्य म्हणून समावेश होणे ही वसई विधानसभा मतदारसंघासाठी अभिमानाची बाब आहे. स्त्रीभ्रूणहत्या रोखणे, मुलींच्या जन्माचे प्रमाण सुधारण्यास हातभार लावणे आणि समाजामध्ये मुलींच्या जन्माबाबत सकारात्मक जनजागृती निर्माण करणे, या महत्त्वपूर्ण सामाजिक कार्यात त्या आता राज्यस्तरावर योगदान देणार आहेत. कृती दलाला आवश्यक प्रशासकीय, तांत्रिक आणि अभिलेखीय सहकार्य करण्याची जबाबदारी जिल्हाधिकारी, महानगरपालिका आयुक्त आणि संबंधित समुचित प्राधिकाऱ्यांवर निश्चित करण्यात आली आहे. कृती दल दर तीन महिन्यांनी आपल्या निरीक्षणांचा आणि शिफारशींचा अहवाल सार्वजनिक आरोग्य विभागाला सादर करणार असून, या कृती दलाचा कार्यकाळ तीन वर्षांचा राहणार आहे. मुलगी वाचवा, मुलगी शिकवा या विचाराला अधिक बळ देत स्त्रीभ्रूणहत्या आणि बेकायदेशीर गर्भपाताविरोधातील लढा अधिक प्रभावी करण्यासाठी राज्य सरकारने उचललेले हे महत्त्वपूर्ण पाऊल आहे.

केतन खेडेकर मुंबई – श्री नारायण भक्ती पंथ गुरु आणि प्रवर्तक रमस्वरूप संत श्री लोकेशन नंदजी महाराज यांच्या वतीने ते नारायण रत्ना २१ आणि २२ जानेवारी २०१७ रोजी मुंबईतील महालक्ष्मी एस्कॉर्ट येथे सुरु होणार असून ही बारा वर्षाची अखिल भारतीय यात्रा भारताचे कानाकोपऱ्यातून सर्व धर्मापासून ध्येयापर्यंत भगवान महाविष्णूची अद्वितीय महामूर्ती घेऊन प्रस्थान करणार आहे. याबाबत आज नुकतीच मुंबई प्रेस क्लब येथे पत्रकार परिषदेचे आयोजन करण्यात आले होते. ही भगवान माउष्णूची विशेष चाळीस स्वरूपातील जगातील एकमेव पंचधातूचे महामुर्ती आहे. या मूर्तीचे घन आणि शुद्ध पंचधातू पासून बनवलेली लांबी पंधरा फूट असून शेषनागाच्या होण्याची उंची सात फूट आहे. या मूर्तीचे वजन नऊ टन असून यामध्ये १२ किलो सोने आणि तीनशे किलो चांदी आहे. तर तांबे २१ टन असून झिंक नऊ टन आणि इतर पवित्र धातू आहेत. मी धातू घडवण्यासाठी तीच कुशल कारागिरांनी बारा महिन्यात कॉल परिश्रम केले असून या मूर्तीची किंमत वीस कोटीच्या घरात आहे. तरी या या विष्णूच्या महायात्रेमध्ये मोठ्या संख्येने भक्तांनी सहभागी व्हावी अशी आवाहन ब्रह्म स्वरूप संत श्री लोकेशनंदजी महाराज यांनी केले आहे