मुंबई : मुंबईतील बहाई समुदायाचे प्रतिनिधित्व करणाऱ्या मुंबई बहाई आध्यात्मिक सभा या संस्थेच्या वतीने सामूहिक प्रार्थना आणि त्यासोबतच एका चर्चेचे आयोजन करण्यात आले होते. दक्षिण मुंबईतील न्यू मरीन लाइन्स येथील कोर्ट चेंबर हॉल मध्ये बहाई समुदायाचे अनेक सदस्य मोठ्या संख्येने एकत्र आले होते.
या कार्यक्रमात बोलताना सुश्री सोराबजी यांनी सांगितले की, मानवता, शांतता आणि प्रेम ही या धर्माची मूळ तत्त्वे असून शतकांपूर्वी त्याची स्थापना झाली होती. मुंबई बहाई समुदायाच्या नेत्या नर्गिस गौर यांनी सांगितले की, जात आणि सामाजिक उतरंडीच्या पलीकडे जाऊन, मानवतेचा संदेश घेऊन सर्वांना सोबत घेऊन पुढे जाणे ही त्यांच्या आध्यात्मिक नेत्याची एक प्रमुख शिकवण आहे.
१८९२ मध्ये बहजी येथे बहाउल्लाह यांचे निधन झाले, ज्याची आठवण आजही जपली जाते. जगाच्या कल्याणासाठी त्यांनी हद्दपारी, कारावास, छळ आणि अतोनात वेदना सहन केल्या. आदर आणि भक्तीच्या भावनेने प्रेरित होऊन बहाई समुदायाचे लोक आणि हितचिंतक या कार्यक्रमासाठी एकत्र आले होते.