Author: bittambatami.com

 शासकीय कार्यक्रमांच्या यादीत समावेश मुंबई : राज्य शासनाने एक महत्त्वपूर्ण निर्णय घेत राज्याचे नेते स्वर्गीय अजितदादा अनंतराव पवार यांच्या जयंतीचा समावेश सन २०२६ मधील राष्ट्रपुरुष व थोर व्यक्तींच्या अधिकृत जयंती कार्यक्रमांमध्ये केला आहे. दरम्यान राष्ट्रवादी काँग्रेसचे ज्येष्ठ नेते आणि अन्न व नागरी पुरवठामंत्री छगन भुजबळ आणि ज्येष्ठ नेते आणि वैद्यकीय शिक्षण मंत्री हसन मुश्रीफ यांनी मंगळवारी मुख्यमंत्री देवेंद्र फडणवीस यांच्याकडे लेखी निवेदनाद्वारे मागणी केली होती आणि आज तात्काळ सामान्य प्रशासन विभागाने १५ जुलैला या संदर्भातील अधिकृत परिपत्रक जारी केले असून अजितदादांच्या लोकसेवेचा आणि महाराष्ट्राच्या विकासातील त्यांच्या योगदानाचा राज्य शासनाकडून गौरव करण्यात आला आहे. परिपत्रकात दिलेल्या माहितीनुसार, स्वर्गीय अजितदादा पवार यांची जयंती २२ जुलैला राज्यभरात साजरी केली जाणार आहे. या दिवशी मंत्रालयासह राज्यातील सर्व शासकीय आणि निमशासकीय कार्यालयांमध्ये दादांच्या प्रतिमेस पुष्पहार अर्पण करून त्यांच्या स्मृतींना अभिवादन केले जाणार आहे.याशिवाय सर्व शाळा आणि महाविद्यालयांमध्येही जयंती साजरी होणार आहे. विभागीय आयुक्त आणि जिल्हाधिकारी यांना आपापल्या भागातील सर्व यंत्रणांमध्ये या कार्यक्रमाचे योग्य नियोजन आणि अंमलबजावणी करण्याचे निर्देश देण्यात आले आहेत. स्वर्गीय अजितदादांनी आपल्या राजकीय कारकिर्दीत प्रशासनावर ठेवलेली मजबूत पकड, पायाभूत सुविधांचा विकास आणि लोककल्याणकारी योजना तळागाळातील जनतेपर्यंत पोहोचवण्यासाठी घेतलेले परिश्रम यामुळे त्यांना जनमानसात हक्काचे ‘दादा’ म्हणून स्थान मिळाले. शासनाचा हा निर्णय म्हणजे त्यांनी महाराष्ट्राच्या प्रगतीसाठी दिलेल्या अभूतपूर्व योगदानाला आणि त्यांच्या अविरत कार्यपद्धतीला दिलेली ही एक मोठी आदरांजली मानली जात आहे.यामुळे आता दरवर्षी २२ जुलै रोजी शासकीय स्तरावर दादांच्या लोकसेवेचा वारसा अधिकृतपणे आठवला जाणार आहे.

विरार : महावितरणच्या विरार विभागामार्फत नालासोपारा (पूर्व) व आचोळे शहर परिसरातील वीज ग्राहकांसाठी १६ जुलैपासून सलग ३ दिवस स्मार्ट मीटर जनजागृती मेळाव्याचे आयोजित करण्यात आले आहे. हा मेळावा महावितरणच्या नालासोपारा…

 सीटूची राज्य सरकारकडे मागणी अनिल ठाणेकर ठाणे-राज्यातील खाजगी उद्योग, सरकारी व निमसरकारी विभाग तसेच स्थानिक स्वराज्य संस्थांमध्ये सुरू असलेली कंत्राटी पद्धत तातडीने रद्द करून त्या जागी कार्यरत असलेल्या सर्व कंत्राटी कामगारांना…

ठाणे : मुसळधार पावसादरम्यान आरटीओ परिसरात झाड कोसळून धर्मवीर नगर येथील रहिवासी स्व. पांडुरंग भुवड यांचा दुर्दैवी मृत्यू झाला होता. या पार्श्वभूमीवर शिवसेना नगरसेवक विकास रेपाळे व नगरसेविका नम्रता भोसले-जाधव…

 आठवडाभरात दुसऱ्यांदा हाइट बॅरिकेट्स तुटले,  वाहतूक कोंडीमुळे नागरिकांचा संताप कल्याण : कल्याणमधील वालधुनी उड्डाणपुलावर प्रशासनाच्या निष्काळजीपणामुळे नागरिकांच्या सुरक्षेचा प्रश्न पुन्हा एकदा ऐरणीवर आला आहे. अवघ्या आठवडाभरात दुसऱ्यांदा पुलावरील हाइट बॅरिकेट्स भरधाव वाहनाच्या धडकेत तुटून पडल्याची घटना बुधवारी पहाटे सुमारे ५.३० वाजण्याच्या सुमारास घडली. सुदैवाने त्या वेळी वाहतूक कमी असल्याने मोठी जीवितहानी टळली. मिळालेल्या माहितीनुसार, भरधाव टेम्पोने पुलावरील हाइट बॅरिकेट्सना जोरदार धडक दिली. धडकेमुळे बॅरिकेट्स तुटून थेट रस्त्यावर कोसळले. यापूर्वीही १० जुलै रोजी याच ठिकाणी अशीच घटना घडली होती. मात्र, त्या घटनेनंतरही प्रशासनाने कोणतीही ठोस उपाययोजना न केल्याने पुन्हा अपघात घडल्याचा आरोप नागरिकांकडून करण्यात येत आहे. वालधुनी उड्डाणपुलावर अवजड वाहनांना प्रवेशबंदी असतानाही मोठी वाहने सर्रास येत असल्याचे चित्र आहे. त्यामुळे वाहतूक पोलिसांच्या कार्यक्षमतेवरही प्रश्नचिन्ह उपस्थित होत आहे. वारंवार होणाऱ्या या घटनांमुळे स्थानिक नागरिकांमध्ये तीव्र नाराजीचे वातावरण आहे. स्थानिक जागरूक नागरिक रोहित डोळस यांनी प्रशासनावर टीका करताना सांगितले की, “अवजड वाहनांना बंदी असतानाही ती पुलावर येतातच कशी? वाहतूक पोलिसांचा वचक का नाही? एकाच आठवड्यात दोनदा बॅरिकेट्स तुटणे हा प्रशासकीय निष्काळजीपणाचा कळस आहे. प्रशासन नेमके कोणाच्या बळीची वाट पाहत आहे?” यावेळी त्यांनी प्रशासनाकडे काही महत्त्वाच्या मागण्याही केल्या आहेत. पुलावर केवळ नावापुरते बॅरिकेट्स न बसवता मजबूत हाइट-रिस्ट्रिक्शन स्ट्रक्चर उभारण्यात यावे, संपूर्ण परिसरात सीसीटीव्ही कॅमेरे बसवावेत, रात्रीच्या वेळी वाहतूक पोलिसांची नियमित गस्त ठेवावी आणि अवजड वाहनांवर कठोर कारवाई करावी, अशी मागणी त्यांनी केली. दरम्यान, वारंवार घडणाऱ्या अशा घटनांमुळे वालधुनी उड्डाणपुलावरील सुरक्षेचा प्रश्न पुन्हा एकदा ऐरणीवर आला असून, भविष्यात मोठी दुर्घटना टाळण्यासाठी प्रशासनाने तातडीने कायमस्वरूपी उपाययोजना कराव्यात, अशी मागणी स्थानिक नागरिकांकडून जोर धरत आहे.

ठाणे : ठाणे महानगरपालिका क्षेत्रातील बांधकाम व पाडकामातून निर्माण होणाऱ्या (सी अँड डी) कचऱ्याचे निर्मितीपासून अधिकृत प्रक्रिया केंद्रापर्यंत प्रभावी, पारदर्शक आणि शास्त्रोक्त व्यवस्थापन करण्यासाठी विकसित करण्यात आलेल्या C&D Waste Management…

शिवचरित्रावर व्याख्यानही उत्साही वातावरणात संपन्न                                              मुंबई,  दि. (प्रतिनिधी): मुंबई बंदर प्राधिकरण स्थानीय लोकाधिकार समितीच्या विद्यमाने शिवचरित्राचे गाढे अभ्यासक शिवभक्त राजू देसाई यांचे छत्रपती शिवाजी महाराज यांच्या जीवनावर आधारित ‘स्वराज्याचा अपरिचित इतिहास’…

कल्याण: टिटवाळा येथील के.एन.टी. पब्लिक स्कूलतर्फे शालेय साहित्य खरेदी सक्ती केल्या प्रकरणी पालकांचे केडीएमसी शिक्षण विभागाविरोधात शुक्रवारी निषेध आंदोलन करण्यात येणार आहे. के.एन.टी. पब्लिक स्कूल, टिटवाळा येथील पीडित व त्रस्त…

 डोंबिवलीच्या शास्त्रीनगर रुग्णालयाचा अजब कारभार कल्याण : डोंबिवलीतील शास्त्रीनगर रुग्णालयाच्या कारभार पुन्हा एकदा चर्चेत आला आहे. या हॉस्पिटलमध्ये चाललय तरी काय असा प्रश्नचिन्ह उपस्थित झाला आहे. दोन वर्षांच्या वेदांश राठोड या चिमुकल्याला त्वचेचा त्रास असल्याने त्याचे वडील जगदीश राठोड उपचारासाठी शास्त्रीनगर रुग्णालयात घेऊन आले होते. डॉक्टरांनी तपासणीनंतर वेदांशसाठी तब्बल १२ औषधे लिहून दिली आणि ती रुग्णालयातील मेडिकलमधून घेण्यास सांगितले. मात्र, मेडिकलमध्ये एकही औषध उपलब्ध नसल्याचे कर्मचाऱ्यांनी सांगितले. त्यामुळे सर्व औषधे बाहेरून खरेदी करण्यास सांगण्यात आल्याने रुग्णाच्या नातेवाईकांमध्ये संतापाची भावना व्यक्त होत आहे. महापालिकेच्या रुग्णालयात रुग्णांना आवश्यक औषधेच उपलब्ध नसतील, तर सर्वसामान्य नागरिकांनी उपचारासाठी कुठे जावे, असा सवाल उपस्थित केला जात आहे. या घटनेमुळे कल्याण-डोंबिवली महानगरपालिकेच्या आरोग्य व्यवस्थेवर पुन्हा एकदा प्रश्नचिन्ह निर्माण झाले आहे. या प्रकाराबाबत वेदांशचे वडील जगदीश राठोड यांनी तीव्र नाराजी व्यक्त करत, महापालिका प्रशासनाने रुग्णालयांमध्ये आवश्यक औषधांचा पुरेसा साठा उपलब्ध करून द्यावा, अशी मागणी केली आहे.

 बॉडी मसाज सुरू असताना पर्समधील दागिना लंपास; अज्ञाताविरुद्ध गुन्हा दाखल कल्याण : डोंबिवली पूर्व येथील एका स्पा सेंटरमध्ये बॉडी मसाजसाठी गेलेल्या महिलेचे ७० हजार रुपये किमतीचे मंगळसूत्र चोरीला गेल्याची घटना उघडकीस आली आहे. याप्रकरणी पोलिसांनी अज्ञात चोरट्याविरोधात गुन्हा दाखल करून तपास सुरू केला आहे. पोलिसांनी दिलेल्या माहितीनुसार एक ५० वर्षीय महिला ४ जुलैला दुपारी ३.१५ ते ५.०० वाजण्याच्या दरम्यान डोंबिवली पूर्वेतील टिळक रोडवरील स्पार्कल सलून अँड स्पा येथे बॉडी मसाजसाठी गेल्या होत्या. मसाज सुरू करण्यापूर्वी त्यांनी गळ्यातील ७० हजार रुपये किमतीचे मंगळसूत्र काढून ते पर्समध्ये ठेवले आणि पर्स भिंतीलगत असलेल्या हुकला अडकवली. मसाज संपल्यानंतर पर्स तपासली असता त्यामधील मंगळसूत्र चोरीला गेल्याचे त्यांच्या निदर्शनास आले. परिसरात शोध घेऊनही मंगळसूत्र न सापडल्याने त्यांनी पोलिसांकडे तक्रार दाखल केली. तक्रारीच्या आधारे पोलिसांनी भारतीय न्याय संहिता (बीएनएस) २०२३ च्या कलम ३०५ (अ) अन्वये अज्ञात व्यक्तीविरुद्ध गुन्हा दाखल केला असून, पुढील तपास पोलीस उपनिरीक्षक प्रकाश जगताप करीत आहेत. स्पा सेंटरमधील सीसीटीव्ही फुटेजसह अन्य पुराव्यांच्या आधारे आरोपीचा शोध सुरू आहे. 00000000