Month: August 2026

दोन दुचाकी पेटवल्या, १५ वाहनांची तोडफोड दोन आरोपी पोलिसांच्या ताब्यात; एका अल्पवयीनाचा समावेश कल्याण : कोळसेवाडी पोलीस ठाण्याच्या हद्दीतील खडेगोळवली परिसरात मंगळवारी रात्री अज्ञात गुन्हेगारांनी धुमाकूळ घालत दोन दुचाकींना आग लावल्याची तसेच एका रिक्षासह तब्बल १४ चारचाकी वाहनांची तोडफोड केल्याची घटना घडली. या घटनेमुळे परिसरात भीतीचे वातावरण निर्माण झाले आहे. याप्रकरणी कोळसेवाडी पोलिसांनी दोन आरोपींना अटक केली असून, त्यामध्ये एका अल्पवयीनाचा समावेश आहे. मिळालेल्या माहितीनुसार, खडेगोळवली येथील पुष्पराज कॉलनीमध्ये आशीष गोकुळ तिळोंजे यांच्या दुचाकीला अज्ञात आरोपींनी आग लावली. त्याचवेळी जवळील नेहरू नगर परिसरात गौतम भिंगारदिवे यांच्या दुचाकीलाही आग लावण्यात आली. दोन्ही घटना एकाच वेळी घडल्याने पोलिसांनी या प्रकरणाची गंभीर दखल घेत तपास सुरू केला. दरम्यान, खडेगोळवली येथील पाण्याच्या टाकीपासून कमलादेवी महाविद्यालयापर्यंत रस्त्यालगत उभी असलेली वाहनेही आरोपींनी लक्ष्य केली. यामध्ये एका रिक्षेसह १४ चारचाकी वाहनांच्या काचा फोडून त्यांचे नुकसान करण्यात आले. कोळसेवाडी पोलीस ठाण्याचे वरिष्ठ पोलीस निरीक्षक नितीन पगार यांनी दिलेल्या माहितीनुसार, या प्रकरणात साहिल फिरोज शेख आणि एका अल्पवयीनाला ताब्यात घेण्यात आले आहे. या घटनेमागील कारण तसेच आणखी कोणाचा सहभाग आहे का, याचा पोलीस तपास करीत आहेत. 0000

 पाण्याचा निचरा खोळंबल्याने भाजपचे टोरंट पॉवरला निवेदन दिवा, दि. २५ ऑगस्ट: दिवा पूर्वेकडील साबे गावातील विठ्ठल मंदिराशेजारील मुख्य नाल्यामधून टोरंट पॉवर कंपनीची केबल गेल्यामुळे नाल्यातील पाण्याचा नैसर्गिक प्रवाह अडथळित होत असल्याचा आरोप करण्यात आला आहे. या समस्येमुळे नाल्याला वारंवार चौकअप होऊन परिसरात सांडपाणी साचण्याची परिस्थिती निर्माण होत असल्याने भारतीय जनता पक्ष, दिवा शहरच्या वतीने टोरंट पॉवर कंपनीच्या दिवा पूर्व कार्यालयाला निवेदन देण्यात आले. भाजप दिवा शहरचे अध्यक्ष सचिन रमेश भोईर यांनी टोरंट पॉवर कंपनीच्या अधिकाऱ्यांना हे निवेदन दिले. सावे गावातील विठ्ठल मंदिरा शेजारील मुख्य नाल्यामधून टोरंट पॉवरची केबल नेण्यात आली आहे. या केबलमुळे नाल्यातील पाण्याचा नैसर्गिक प्रवाह व्यवस्थित होत नसून पाणी अडून राहत असल्याचे निवेदनात नमूद करण्यात आले आहे. नाल्यात वारंवार चोकअप होऊन परिसरातील सांडपाणी साचत असल्याने नागरिकांना दुर्गंधी, अस्वच्छता तसेच डासांचा प्रादुर्भाव यांसारख्या समस्यांना सामोरे जावे लागत आहे. पावसाळ्यात ही परिस्थिती आणखी गंभीर होत असून नागरिकांच्या आरोग्यासोबतच परिसराच्या स्वच्छतेलाही धोका निर्माण झाल्याचे निवेदनात म्हटले आहे. त्यामुळे टोरंट पॉवर कंपनीने या ठिकाणी तातडीने पाहणी करून नाल्यातील पाण्याचा प्रवाह सुरळीत होण्यासाठी आवश्यक कार्यवाही करावी, अशी मागणी करण्यात आली आहे. केबलमुळे अडथळा निर्माण होत असल्यास ती योग्य पद्धतीने स्थलांतरित किंवा व्यवस्थित करून नाल्याचा पूर्ण क्षमतेने पाणी निचरा होईल, याची व्यवस्था करावी, अशी मागणीही करण्यात आली आहे. ही समस्या नागरिकांच्या दैनंदिन जीवनाशी आणि आरोग्याशी संबंधित असल्याने प्रशासनाने तसेच संबंधित कंपनीने तातडीने प्रत्यक्ष पाहणी करून कायमस्वरूपी उपाययोजना करावी, अशी विनंती निवेदनातून करण्यात आली आहे. तसेच केलेल्या कार्यवाहीची माहिती लवकरात लवकर देण्यात यावी, अशी मागणी भाजपच्या वतीने करण्यात आली आहे. 0000

मुंबई : अशोक गायकवाड ‘व्हीबी जी राम जी’ योजनेच्या माध्यमातून राज्यातील गरजू नागरिकांना अधिकाधिक रोजगार उपलब्ध करून देण्यासाठी कामांची संख्या वाढवून मंजूर कामांच्या अंमलबजावणीला गती द्यावी, असे निर्देश रोजगार हमी…

रमेश औताडे मुंबई : अदानी इलेक्ट्रिसिटी आस्थापनेतील ९०० पैकी तब्बल ४५० अधिकाऱ्यांना कोणतीही पूर्वसूचना न देता, टप्प्याटप्प्याने कामावरून काढून टाकण्याचे कारस्थान कंपनीने रचल्याचा गंभीर आरोप अदानी इलेक्ट्रिसिटी ऑफिसर्स असोसिएशनचे सरचिटणीस प्रदीप बोरकर यांनी केला असून या पार्श्वभूमीवर आझाद मैदानावर आंदोलन करण्यात आले. कंपनीला प्रचंड आर्थिक लाभ मिळवून देऊनही कोणतीही दया-माया न दाखवता, आकस ठेवून अधिकाऱ्यांवर ही कारवाई १ सप्टेंबर पासून सुरू केली जात असल्याचा दावा असोसिएशनचे निशिकांत धवन यांनी केला. या दडपशाही आणि अन्यायकारक धोरणाविरोधात सरकार व जनतेचे लक्ष वेधण्यासाठी अधिकारी मैदानात आक्रमक झाले होते. अदानी व्यवस्थापनाच्या या कारभाराचा निषेध नोंदवण्यासाठी आणि शासनाचे लक्ष वेधण्यासाठी अधिकाऱ्यांनी मुंबईतील आझाद मैदानावर लाक्षणिक धरणे आंदोलन केले. सरकारने या प्रकरणी गंभीरपणे निर्णय घ्यावा अन्यथा मंत्रालयासमोर आंदोलन करू असा इशारा दिला.

मुंबई विद्यापीठ ठाणे क्षेत्र आंतरमहाविद्यालयीन बॅडमिंटन स्पर्धा ठाणे- ठाणे महानगरपालिकेच्या दादोजी कोंडदेव क्रीडा संकुलातील खंडू रांगणेकर बॅडमिंटन हॉल येथे राबविण्यात येणाऱ्या ‘सय्यद मोदी बॅडमिंटन प्रशिक्षण योजने’अंतर्गत प्रगत प्रशिक्षण घेणाऱ्या ठाणे…

रमेश औताडे मुंबई : नागरिकांच्या धार्मिक स्वातंत्र्य, वैयक्तिक निवड, विवाह, श्रद्धा आणि गोपनीयतेच्या अधिकारांमध्ये शासनाचा अनावश्यक हस्तक्षेप नवीन सुधारित कायद्यामुळे वाढू शकतो, असा आरोप संयुक्त नागरी समाज समितीच्या प्रतिनिधींनी मुंबई मराठी पत्रकार संघ येथे आयोजित पत्रकार परिषदेत केला. ज्येष्ठ सामाजिक कार्यकर्ते फादर फ्रेझर मास्करेन्हास, संध्या गोखले, ॲड. इरफान इंजिनिअर, ॲड. लारा जेसानी,समन्वयक शाकीर भाई शेख, सलीम खान उपस्थित होते. इरफान इंजिनिअर यांनी कायद्याच्या काही तरतुदींवर आक्षेप घेतला. धर्मांतराच्या आरोपात आरोपीवरच स्वतः निर्दोष असल्याचे सिद्ध करण्याची जबाबदारी येत असल्यास, ती फौजदारी न्यायव्यवस्थेच्या मूलभूत तत्त्वांशी विसंगत ठरू शकते, असे त्यांनी सांगितले. फादर फ्रेझर मास्करेन्हास यांनी शिक्षण आणि सामाजिक सेवेच्या संदर्भात चिंता व्यक्त केली. संध्या गोखले यांनी कायद्याकडे व्यापक घटनात्मक आणि सामाजिक दृष्टिकोनातून पाहण्याचे आवाहन केले.  पत्रकार परिषदेत सहभागी नागरी समाजाच्या प्रतिनिधींनी महाराष्ट्र धर्मस्वातंत्र्य कायदा, २०२६ मागे घ्यावा किंवा त्यातील घटनात्मकदृष्ट्या आक्षेपार्ह तरतुदींचा पुनर्विचार करावा, अशी मागणी केली.

मुंबई : १४ ऑगस्ट रोजी प्रदर्शित करण्यात आलेला आणि लोकप्रियतेच्या शिखरावर पोहोचणारा श्री समर्थ रामदास स्वामी यांची शिकवण समाजासमोर आणणारा मराठी चित्रपट ‘समर्थ’ ला केवळ दाक्षिणात्य चित्रपटासाठी चित्रपटगृह नाकारण्यात आले.…

एशियन ज्युनियर क्लासिकल बुद्धिबळ स्पर्धा भारताचा डबल धमाका मुंबई : अंधेरी येथील आयटीसी मराठा शेरेटन येथे झालेल्या एशियन ज्युनियर क्लासिकल बुद्धिबळ स्पर्धेत भारताने दोन सुवर्णपदके जिंकून दुहेरी यश साध्य केले. मयंक चक्रवर्ती आणि प्रतीती बोरदोलोई यांनी अनुक्रमे खुल्या (ओपन) आणि मुलींच्या गटातील विजेतेपदे पटकावले. संपूर्ण स्पर्धेत अव्वल मानांकित मयंकने आपल्या लौकिकाला साजेसा खेळ करत नऊ फेऱ्यांच्या ओपन स्पर्धेत ७.५ गुणांसह प्रतिष्ठित सुवर्णपदक जिंकले. रशियाच्या आर्टेम पिंगिनने ७ गुणांसह रौप्यपदक मिळवले, भारताच्या दक्ष गोयलने ६.५ गुणांसह कांस्यपदकाची कमाई केली. प्रतीतीने नऊ फेऱ्यांत ७.५ गुण मिळवून मुलींच्या गटात बाजी मारली आणि भारताचे दुहेरी सुवर्णयश पूर्ण केले. कझाकस्तानच्या मारिया खोल्याव्हकोने ७ गुणांसह (विजेत्यापेक्षा अर्धा गुण कमी) रौप्यपदक तर भारताच्या निवेदिता व्ही. सी. हिने ६.५ गुणांसह कांस्यपदक मिळवले. पदकांशिवाय, ही स्पर्धा अनेक खेळाडूंसाठी अत्यंत फायदेशीर ठरली; कारण त्यांनी प्रतिष्ठित ‘फिडे’ किताब आणि ‘नॉर्म्स’ मिळवले. ‘ओपन’ गटाचा विजेता मयंक चक्रवर्ती – जो आधीच ‘जीएम-इलेक्ट’ (ग्रँडमास्टर होण्याच्या मार्गावर) आहे – याने विजेतेपदाच्या कामगिरीद्वारे आणखी एक ‘ग्रँडमास्टर नॉर्म’ मिळवला. कांस्यपदक विजेता दक्ष गोयल याने ‘फिडे मास्टर’ किताब तसेच ‘इंटरनॅशनल मास्टर नॉर्म’ मिळवला. मुलींच्या गटातील विजेती प्रतीती बोरदोलोई हिच्यासाठी ही स्पर्धा दुहेरी आनंदाची ठरली. सुवर्णपदकाव्यतिरिक्त, तिने ‘वुमन इंटरनॅशनल मास्टर’ किताब आणि ‘वुमन ग्रँडमास्टर नॉर्म’ देखील मिळवला. रौप्यपदक विजेती कझाकस्तानची मारिया खोल्याव्हको हिने ‘डब्ल्यूआयएम’ नॉर्म मिळवला, तर कांस्यपदक विजेती भारताची निवेदिता व्ही. सी. हिनेही ‘डब्ल्यूआयएम’ नॉर्म मिळवला. एकूण पदक तालिकेत भारताचे वर्चस्व दिसून आले; यजमान देशाने ‘क्लासिकल’ स्पर्धेतील सहापैकी चार पदके – दोन सुवर्ण आणि दोन कांस्य – आपल्या नावे केली. रशिया आणि कझाकस्तान यांनी प्रत्येकी एक रौप्यपदक जिंकून उर्वरित पदके विभागून घेतली. एका शानदार समारोप सोहळ्यात आशियाई बुद्धिबळ महासंघाचे सचिव हिशाम अल-ताहेर यांच्या हस्ते बक्षिसांचे वितरण करण्यात आले आणि स्पर्धेची योग्य सांगता झाली. ‘आशियाई ज्युनियर बुद्धिबळ स्पर्धा २०२६’ चे आयोजन ‘ऑल इंडिया चेस फेडरेशन’ आणि ‘आशियाई बुद्धिबळ महासंघ’ यांच्या वतीने ‘महाराष्ट्र बुद्धिबळ संघटने’ने केले होते. 0000

संपदा सावंत मुंबई :  ज्येष्ठ दिग्दर्शक आणि अभिनेता अजय देवगणला ‘फूल और कांटे’ चित्रपटातून पहिला ब्रेक देणारे दिग्दर्शक कुकू कोहली यांचे मंगळवारी वयाच्या ७७व्या वर्षी निधन झाले. मुंबईतील कोकिलाबेन धीरूभाई अंबानी रुग्णालयात हृदयविकाराच्या तीव्र झटक्याने त्यांची प्राणज्योत मालवली. कुकू कोहली यांच्या निधनाने त्यांच्या पत्नी आणि ज्येष्ठ अभिनेत्री अरुणा इराणी यांना मोठा धक्का बसला. पतीच्या अंत्यदर्शनावेळी त्यांना अश्रू अनावर झाले. कुटुंबीय आणि जवळच्या नातेवाइकांनी त्यांना सावरले. सकाळी साडेनऊ वाजता त्यांच्या निवासस्थानी अंत्यदर्शनाची व्यवस्था करण्यात आली होती, अशी माहिती त्यांचे मित्र आणि दिग्दर्शक अशोक पंडित यांनी दिली. कुकू कोहली यांच्या अंत्ययात्रेला चित्रपटसृष्टीतील अनेक मान्यवर उपस्थित होते. दिग्दर्शक रोहित शेट्टी, अभिनेत्री कतरिना कैफ, अभिनेता विकी कौशल, स्टंट दिग्दर्शक शाम कौशल आणि अशोक पंडित यांच्यासह अनेकांनी त्यांना अखेरचा निरोप दिला. ‘अवतार कोहली’ या नावाने जन्मलेल्या कुकू कोहली यांनी सहाय्यक दिग्दर्शक म्हणून कारकिर्दीला सुरुवात केली. १९७१ मध्ये राज कपूर यांच्या ‘मेरा नाम जोकर’ चित्रपटासाठी त्यांनी सहाय्यक म्हणून काम केले. त्यानंतर १९९१ मध्ये ‘फूल और कांटे’ या चित्रपटातून त्यांनी दिग्दर्शन क्षेत्रात पदार्पण केले. हा चित्रपट सुपरहिट ठरला आणि अजय देवगणच्या कारकिर्दीला दमदार सुरुवात झाली. यानंतर त्यांनी ‘कोहराम’ आणि १९९४ मध्ये प्रदर्शित झालेल्या ‘सुहाग’सारख्या यशस्वी चित्रपटांचे दिग्दर्शन केले. ‘सुहाग’मधून अजय देवगण आणि अक्षय कुमार ही जोडी पहिल्यांदाच पडद्यावर एकत्र आली होती. २००४ मध्ये प्रदर्शित झालेला ‘वो तेरा नाम था’ हा त्यांच्या दिग्दर्शनातील शेवटचा चित्रपट ठरला. कुकू कोहली यांच्या पश्चात पत्नी आणि ज्येष्ठ अभिनेत्री अरुणा इराणी तसेच पहिल्या पत्नी रीता कोहली यांच्यापासून झालेल्या दोन मुली पूजा आणि करिश्मा असा परिवार आहे.

१,३२३ जिल्हा परिषद प्राथमिक शाळा; मुलींच्या स्वच्छतागृहांची उपलब्धता ९७.२ टक्के राजन चव्हाण सिंधुदुर्ग : जिल्हा परिषदेच्या शाळांमधील मूलभूत सुविधांच्या बाबतीत सिंधुदुर्ग जिल्ह्याची स्थिती समाधानकारक असली, तरी इंटरनेट सुविधेच्या बाबतीत जिल्हा राज्याच्या सरासरीपेक्षा…