विद्यार्थ्यांनी तयार केल्या तिरंगा राख्या विविध शाळांमध्ये स्थानिक नगरसेवकांची उपस्थिती ठाणे : केंद्र व राज्य शासनाच्या मार्गदर्शक सूचनांनुसार ९ ते १५ ऑगस्ट या कालावधीत देशभरात ‘हर घर तिरंगा’ अभियान राबविण्यात येत…
मराठीचे ज्ञान अनिवार्य नियमांचे पालन न करणाऱ्यांवर कायद्यानुसार कारवाई होणार- प्रताप सरनाईक अनिल.ठाणेकर ठाणे-१ मे पासून सुरू झालेल्या ‘हिंदुहृदयसम्राट बाळासाहेब ठाकरे मराठी शिकवणी अभियानाचा’ समारोप १७ ऑगस्टला ठाण्यातील राम गणेश…
नवी मुंबई : महाराष्ट्र राज्य कला शिक्षण मंडळ यांच्या वतीने विद्यार्थ्यांकरिता आयोजित ‘बाल चित्रकला स्पर्धा’ या राज्यस्तरीय उपक्रमात नवी मुंबईतील विद्यार्थ्यांनी उत्साहाने सहभागी होत आपल्या मनातील कल्पनांना रंगाच्या माध्यमातून चित्ररूप…
मुंबई. …नुकत्याच दक्षिण कोरिया आणि थायलंड येथे झालेल्या आंतर राष्ट्रीय तायक्वांदो स्पर्धेत ५३ वर्षीय तायक्वांदो ग्रॅंडमास्टर संतोष गुलदेकर यांनी शानदार कामगिरी करताना ३ रौप्य आणि १ कास्य पदकाची कमाई केली.…
आदिती तटकरे, जिल्हाधिकारी किशन जावळे यांचे विशेष प्रयत्न अशोक गायकवाड रायगड-लिबाग : राज्याच्या महिला व बाल विकास मंत्रीआदिती तटकरे यांनी जिल्ह्यातील दत्तक प्रक्रिया अधिक गतिमान, पारदर्शक आणि परिणामकारक करण्याचे निर्देश दिले…
– झैद – प्राजक्ताला विजेतेपद मुंबई : सोमेश्वर फाऊंडेशनच्यावतीने व नगरसेवक सनी निम्हण यांच्या पुढाकाराने तसेच झेनेटीक स्पोर्ट्सच्या सहकार्याने सनिज वर्ल्ड, सनी स्पोर्ट्स किंग्डम, पुणे येथे संपन्न झालेल्या कै. विनायक निम्हण तिसऱ्या राज्य मानांकन कॅरम स्पर्धेतील पुरुष एकेरी गटाच्या अंतिम सामन्यात ठाण्याच्या झैद अहमद फारुकीने पुण्याच्या सागर वाघमारेचा १७-१२, १६-१२ असा सरळ दोन सेटमध्ये पराभव करून अंतिम विजेतेपद पटकावले. अंतिम फेरीत प्रवेश करण्यापूर्वी झैदने मुंबईच्या प्रशांत मोरेचा १५-२५, २५-२२ व २५-१० असा तर सागरने पुण्याच्याच अभिजित त्रिपनकरचा २५-६, २५-१९ असा पराभव करून अंतिम फेरी गाठली होती. तिसऱ्या क्रमांकासाठी खेळवण्यात आलेल्या सामन्यात मुंबईच्या प्रशांत मोरेने पुण्याच्या अभिजित त्रिपनकरचा २५-१०, २५-११ असा सरळ दोन सेटमध्ये प्रभाव केला. तर महिला एकेरीच्या अंतिम फेरीत प्राजक्ता नारायणकरने ठाण्याच्या मधुरा देवळेवर २३-१९, १७-१४ असा सरळ दोन सेटमध्ये पराभव करून आपल्या विजयावर शिक्कमोर्तब केला. अंतिम फेरीत प्रवेश करण्यापूर्वी प्राजक्ताने रत्नागिरीच्या आकांक्षा कदमला २३-२१, १२-२५ व २५-६ असे तर मधुराने सिंधुदुर्गच्या केशर निर्गुणला २५-७, २१-१७ असे पराभूत केले होते. तिसऱ्या क्रमांकासाठी झालेल्या सामन्यात सिंधुदुर्गच्या केशर निर्गुणने रत्नागिरीच्या आकांक्षा कदमला रंगतदार तीन सेटमध्ये २४-१०, १४, २५ व २५-१२ अशी मात केली. स्पर्धेतील विजेत्यांना उद्दोजक मधुरा वाळुंज, ज्येष्ठ राष्ट्रीय विजेते व शिव छत्रपती पुरस्कारार्थी सुहास कांबळी यांच्या शुभहस्ते रोख पारितोषिके, चषक व प्रमाणपत्रे देऊन गौरविण्यात आले. या प्रसंगी महाराष्ट्र कॅरम असोसिएशनचे उपाध्यक्ष मंजूर अहमद खान, यतिन ठाकूर, मानद सचिव अरुण केदार, खजिनदार अजित सावंत, सहसचिव केतन चिखले, कॅरम असोसिएशन ऑफ पुणेचे सचिव सुशील गुजर आणि राज्य कॅरम असोसिएशनचे सहसचिव आणि स्पर्धा समन्वयक अभिजित मोहिते उपस्थित होते. मधुरा वाळुंज यांनी खेळाडूंचे कौतुक करताना कै. विनायक निम्हण यांना क्रीडा क्षेत्राची आवड असून ते स्वता उत्कृष्ट कॅरम खेळत असत असे सांगितले. तर अरुण केदार यांनी प्रतिवर्षी कॅरम स्पर्धेचे आयोजन करत असल्याबद्दल सोमेश्वर फाऊंडेशन व स्पर्धेचे आश्रयदाते नगर सेवक सनी निम्हण यांचे विशेष आभार मानले. तसेच स्पर्धेचे नीट नेटके आयोजन केल्याबद्दल राज्याचे सहसचिव,सहकारी व स्पर्धा समन्वयक अभिजित मोहिते यांचे कौतुक केले. ००००
डोंगरी पोलिसांची मोठी कारवाई दिनेश मराठे मुंबई : डोंगरी पोलिसांनी बिबट्या या संरक्षित वन्यजीव प्राण्याच्या कातडीची बेकायदेशीर विक्री करण्याच्या उद्देशाने आलेल्या इसमास ताब्यात घेऊन गुन्हा दाखल त्यांच्या विरोधात गुन्हा दाखल केला.या संदर्भात डोंगरी पोलिसांकडून मिळालेल्या माहितीनुसार डोंगरी पोलीस ठाणे हद्दीमध्ये बिबट्या या संरक्षित वन्यजीव प्राण्याची कातडी विक्री करण्याच्या उद्देशाने एक इसम येणार असल्याची खात्रीशीर माहिती प्राप्त झाली होती.या माहितीच्या अनुषंगाने पोलीस निरीक्षक बाळासाहेब कानवडे यांच्या नेतृत्वाखाली, पोलीस उपनिरीक्षक सुनील रणदिवे, पोलीस हवालदार विशाल सोनवणे व पोलीस कॉन्स्टेबल सुरज धायगुडे यांचे पथक तयार करण्यात आले.सदर पथकाने प्राप्त माहितीची खातरजमा करून नियोजनबद्ध, कौशल्यपूर्ण पद्धतीने कारवाई केली. ९ ऑगस्टला निखिल सोनावणे (रा.ताडदेव) मुंबई या इसमास ताब्यात घेतले.त्याच्या ताब्यातून बिबट्या या वन्यजीव प्राण्याच्या कातडीसदृश वस्तूचे जप्ती करण्यात आली. सदर कातडीचे अंदाजे वजन २ किलो ५०० ग्राम असून, तिची अंदाजे किंमत तीस लाख रुपये असल्याचे प्राथमिकदृष्ट्या नमूद करण्यात आले आहे. सदर कातडीची प्रजाती व अधिकृत किंमत सक्षम वनविभाग/वन्यजीव तज्ज्ञांकडून निश्चित करून घेण्यात येत आहे.सदर प्रकरणी वन्यजीव (संरक्षण) अधिनियम, १९७२ मधील कलम २, ९, ३९(२),(३), ५१, ५२ या लागू तरतुदींनुसार गुन्हा नोंद करण्यात आला असून, प्रकरणाचा पुढील तपास पोलीस उपनिरीक्षक सुनील रणदिवे यांचेकडून करण्यात येत आहे.सदर गुन्ह्यात बिबट्याची कातडी कोणाकडून प्राप्त झाली, तिची विक्री/खरेदी करण्यामागे कोण व्यक्ती सहभागी आहेत, आर्थिक व्यवहार झाला आहे काय, तसेच या वन्यजीव तस्करीमध्ये अन्य कोण व्यक्तींचा सहभाग आहे काय, याबाबत पुढील तपास सुरू आहे.
अशोक गायकवाड मुंबई : ‘हर घर तिरंगा’ अभियानांतर्गत राज्यपाल जिष्णु देव वर्मा यांनी आज महाराष्ट्र लोकभवन, मुंबई येथे हाती राष्ट्रीय ध्वज घेऊन राष्ट्रीय गीत, राष्ट्रगीत व राज्य गीत गायले. राज्यपालांचे सचिव डॉ प्रशांत नारनवरे तसेच इतर अधिकारी यावेळी उपस्थित होते. ९ ऑगस्ट ते १७ ऑगस्ट या कालावधीत राज्यात साजरा केल्या जात असलेल्या ‘हर घर तिरंगा’ अभियानाचा भाग म्हणून तसेच ‘वंदे मातरम’ या गीताला १५० वर्ष पूर्ण झाल्याच्या निमित्ताने लोक भवनातील दरबार हॉल, जल विहार यांसह इतर ऐतिहासिक महत्वाच्या इमारतींवर राष्ट्रध्वज लावण्यात आला. ००००००
मंत्री महाजन यांचा गौप्यस्फोट हरिभाऊ लाखे नाशिक : नाशिक-त्र्यंबकेश्वरमधील कुंभमेळ्यातील कामांच्या नावाखाली बनावट कार्यारंभ आदेश (वर्क ऑर्डर) देऊन मोठ्या प्रमाणावर आर्थिक फसवणूक करणारे रॅकेट कार्यरत असल्याचा गंभीर प्रकार समोर आला आहे. नाशिक विभागाचे महसूल आयुक्त प्रवीण गेडाम यांचे नाव आणि ‘एस’ अक्षराची डिजिटल स्वाक्षरी असलेले हुबेहूब बनावट कार्यारंभ आदेश तयार करून संबंधितांकडून कोट्यवधी रुपये उकळण्यात आल्याचे समोर आले आहे. हा फसवणुकीचा आकडा तब्बल ५०० ते ६०० कोटी रुपयांपर्यंत जाण्याची शक्यता असल्याचा गौप्यस्फोट कुंभमेळा मंत्री गिरीश महाजन यांनी सोमवारी जळगाव येथे पत्रकार परिषदेत केला. कुंभमेळ्याच्या बंदोबस्तासाठी नियुक्त नाशिक शहर तसेच राज्य राखीव दलाच्या पोलिसांना जेवण, पिण्याचे पाणी, चटया, बादल्या, चादरी आणि अन्य साहित्य पुरविण्याच्या नावाखाली हे कार्यारंभ आदेश देण्यात आल्याचे महाजन यांनी सांगितले. विशेष म्हणजे, प्रत्येक आदेशाची रक्कम १०० ते १५० कोटी रुपयांच्या आसपास असल्याचेही त्यांनी स्पष्ट केले. कुंभमेळ्याच्या कामांसाठी प्रत्यक्षात ऑनलाइन निविदा प्रक्रिया राबविली जाते. मात्र, या प्रकरणात ज्यांना बनावट कार्यारंभ आदेश देण्यात आले, त्यांनी संबंधित कामांसाठी कोणतीही ऑनलाइन निविदा भरलेली नव्हती. तरीही संशयितांनी संबंधितांकडून रोख तसेच धनादेशाद्वारे पैसे उकळून त्यांना ऑफलाइन कार्यारंभ आदेश दिले. हे आदेश शासनाच्या अधिकृत कार्यारंभ आदेशांसारखेच हुबेहूब तयार करण्यात आल्याने अनेकांची फसवणूक झाल्याचे महाजन यांनी सांगितले. सामान्यतः अधिकृत कार्यारंभ आदेशावर क्यूआर कोड असतो. तसेच महसूल आयुक्त प्रवीण गेडाम यांचे नाव अशा प्रकारे नमूद केले जात नाही. मात्र, बनावट आदेशांमध्ये गेडाम यांचे नाव आणि केवळ ‘एस’ अक्षराची डिजिटल स्वाक्षरी वापरण्यात आल्याचे आढळून आले आहे. त्यामुळे या आदेशांची सत्यता तपासल्यानंतर त्यामागे मोठे षडयंत्र असल्याचा संशय बळावला आहे. या प्रकारासंदर्भात चार ते पाच जण नुकतेच आपल्याकडे आले होते. त्यांनी काही कार्यारंभ आदेश दाखविल्यानंतर हा प्रकार निदर्शनास आल्याचे मंत्री महाजन यांनी सांगितले. सध्या त्यांच्याकडे चार बनावट कार्यारंभ आदेश असल्याचेही त्यांनी स्पष्ट केले. मार्च आणि एप्रिल महिन्यातील हे आदेश असल्याची माहिती असून, त्याद्वारे संबंधितांकडून मोठ्या प्रमाणावर पैसे उकळण्यात आल्याचे समोर येत आहे. जळगाव जिल्ह्यातील जामनेर तालुक्यातील दोन आणि धुळे जिल्ह्यातील एका व्यक्तीचा या प्रकरणातील संशयितांमध्ये समावेश असल्याचा दावाही महाजन यांनी केला. याशिवाय आणखी काही व्यक्ती या रॅकेटमध्ये सहभागी असल्याची शक्यता आहे. 0000
मैत्री ठक्करची पोलीस शिपाईपदी निवड; शिवसेनेच्या वतीने ठक्कर कुटुंबीयांसह शिवनेरी अकादमीच्या संचालकांचा सत्कार दिवा, दि. १० ऑगस्ट : परिस्थिती कितीही प्रतिकूल असली तरी जिद्द, मेहनत आणि योग्य मार्गदर्शनाच्या जोरावर स्वप्नांना यशाची किनार देता येते, हे डोंबिवलीतील मैत्री विनोद ठक्कर हिने आपल्या कर्तृत्वातून सिद्ध करून दाखवले आहे. डोंबिवली रेल्वे स्थानक परिसरात फुले विकून कुटुंबाचा उदरनिर्वाह करणारे तिचे आई-वडील विनोद विठ्ठल ठक्कर आणि आसमा विनोद ठक्कर यांच्या संघर्षाला अखेर यश मिळाले असून, मैत्रीची पोलीस शिपाईपदी निवड झाली आहे. अत्यंत प्रतिकूल आर्थिक परिस्थितीतही मुलींना चांगले शिक्षण देण्याची जिद्द ठक्कर दाम्पत्याने सोडली नाही. आई-वडिलांच्या कष्टांची जाणीव ठेवत मैत्रीनेही आपल्या ध्येयासाठी सातत्याने मेहनत घेतली. डोंबिवलीतील शिवनेरी अकादमी येथे पोलीस भरतीचे प्रशिक्षण घेताना तिने शिस्त, सातत्यपूर्ण सराव आणि नियोजनबद्ध तयारीच्या जोरावर हे यश संपादन केले. मैत्रीचे हे यश केवळ ठक्कर कुटुंबासाठी अभिमानाची बाब नसून, आर्थिक परिस्थितीशी संघर्ष करत मोठी स्वप्ने पाहणाऱ्या असंख्य विद्यार्थ्यांसाठी प्रेरणादायी ठरले आहे. शिवनेरी अकादमीचे संचालक लखन मुंडेकर हे स्वतः पोलीस दलात कार्यरत असून, आर्थिकदृष्ट्या दुर्बल आणि गरजू विद्यार्थ्यांना पोलीस दल, अग्निवीर तसेच विविध शासकीय सेवांमध्ये संधी मिळावी, या उद्देशाने अकादमीच्या माध्यमातून कार्यरत आहेत. विद्यार्थ्यांना केवळ शारीरिक प्रशिक्षण न देता मैदानी सराव, लेखी परीक्षेची तयारी, मानसिक तयारी, नियोजन आणि सातत्यपूर्ण मार्गदर्शन अशा विविध अंगांनी प्रशिक्षण देण्यावर अकादमीचा भर आहे. डोंबिवलीपुरती मर्यादा न ठेवता सातारा, सांगली, मुंबई उपनगर, ठाणे तसेच महाराष्ट्रातील विविध भागांतील विद्यार्थीही या अकादमीत प्रशिक्षण घेत आहेत. आर्थिक परिस्थितीमुळे विद्यार्थ्यांच्या स्वप्नांना खीळ बसू नये, यासाठी गरजू विद्यार्थ्यांना पुस्तके, शैक्षणिक साहित्य, प्रशिक्षणासाठी आवश्यक सहकार्य, आर्थिक मदत आणि मानसिक आधार देण्याचे सामाजिक कार्य शिवसेना परिवाराच्या माध्यमातूनही सुरू असल्याचे यावेळी सांगण्यात आले. मैत्री विनोद ठक्कर हिची पोलीस शिपाईपदी निवड झाल्याबद्दल शिवसेना डोंबिवली शहर मध्यवर्ती शाखेच्या वतीने तसेच कल्याण ग्रामीणचे आमदार राजेश मोरे यांच्या उपस्थितीत मैत्री, तिचे आई-वडील, बहीण आणि शिवनेरी अकादमीचे संचालक लखन मुंडेकर यांचा सत्कार करून अभिनंदन करण्यात आले. यावेळी ठक्कर कुटुंबीयांशी संवाद साधताना शिवसेना मुख्यनेते तथा महाराष्ट्राचे उपमुख्यमंत्री एकनाथ शिंदे आणि कल्याण लोकसभेचे खासदार डॉ. श्रीकांत शिंदे हे सर्वसामान्य नागरिक, विद्यार्थी आणि गरजू कुटुंबांच्या पाठीशी खंबीरपणे उभे असल्याचे सांगण्यात आले. तसेच मैत्री आणि तिच्या कुटुंबाच्या भविष्यातील वाटचालीत आवश्यक ते सर्वतोपरी सहकार्य करण्याची ग्वाहीही देण्यात आली. “फुले विकणाऱ्या आई-वडिलांच्या कष्टातून पोलीस दलात दाखल झालेली मैत्री ही केवळ एका कुटुंबाच्या संघर्षाची यशोगाथा नाही, तर परिस्थितीशी दोन हात करून स्वप्न पाहणाऱ्या प्रत्येक मुला-मुलीसाठी प्रेरणेची ज्योत आहे,” अशा शब्दांत कल्याण ग्रामीणचे आमदार राजेश मोरे यांनी मैत्रीच्या यशाचे कौतुक केले. मैत्रीच्या यशामागे तिच्या आई-वडिलांची अथक मेहनत, मुलींना चांगले शिक्षण देण्याची जिद्द, मैत्रीची प्रामाणिक मेहनत आणि शिवनेरी अकादमीचे संचालक लखन मुंडेकर यांचे मार्गदर्शन व नियोजनबद्ध प्रशिक्षण यांचा महत्त्वपूर्ण वाटा आहे. “परिस्थितीपेक्षा जिद्द मोठी असते” हा संदेश मैत्री ठक्करच्या यशाने अधोरेखित केला आहे.
