शिवसेना उद्धव बाळासाहेब ठाकरे माहीम विधानसभा व धगधगती मुंबई परिवार यांच्या वतीने आयोजित दहीकाला उत्सव २०२६ साजरा करण्यात आला. अमर सुभाष गोविंदा पथक यांनी आठ थर लावून ही दहीहंडी फोडली.त्यांना सन्मानचिन्ह,रोख रक्कम देताना नगरसेवक निशिकांत शिंदे शाखाप्रमुख शैलेश माळी आयोजक विधानसभा निरीक्षक यशवंत विचले, भीमराव धुळप, शिवसेना अपंग सहाय्य सेनेचे अध्यक्ष सूर्यकांत लाडे,आदी मान्यवर उपस्थित होते. या उत्सवाला नगरसेवक यशवंत किल्लेदार, स्वीकृत नगरसेवक साईनाथ दुर्गे यांच्यासह अनेक मान्यवरांची उपस्थिती दर्शवली होती. ०००० ०००००
सीएसएमटी-सावंतवाडी रोड एक्सप्रेस सुरू
कोकण वासीयांसाठी दिलासादायक बातमी राजेंद्र साळसकर मुंबई : गणेशोत्सवासाठी कोकणात जाणाऱ्या चाकरमान्यांसाठी मोठी दिलासादायक बातमी आहे. कोकणाकडे जाणाऱ्या विशेष रेल्वे गाड्यांचे आरक्षण मोठ्या प्रमाणात फुल झाल्याने निर्माण झालेली अडचण लक्षात घेऊन…
कल्याण पूर्वेत मातोश्री गुंजाई फाउंडेशनची भव्य दहीहंडी उत्साहात
महिला गोविंदा पथकांना विशेष प्राधान्य; २०० हून अधिक पथकांचा सहभाग कल्याण : कल्याण पूर्व विधानसभा मतदारसंघातील मातोश्री गुंजाई चौक, संतोषनगर येथे शिवसेना व युवासेना कल्याण पूर्व यांच्या वतीने मातोश्री गुंजाई फाउंडेशनच्या माध्यमातून आयोजित करण्यात आलेली भव्य दहीहंडी उत्साहात पार पडली. या उत्सवात २०० हून अधिक गोविंदा पथकांनी सहभाग नोंदवत सलामी दिली, तर महिला गोविंदा पथकांना यंदा विशेष प्राधान्य देण्यात आले. सहभागी पथकांच्या उत्स्फूर्त प्रतिसादामुळे परिसरात दिवसभर दहीहंडीचा जल्लोष पाहायला मिळाला. दहीहंडी उत्सवाच्या माध्यमातून पारंपरिक गोविंदा संस्कृतीला प्रोत्साहन देतानाच महिला गोविंदा पथकांना व्यासपीठ उपलब्ध करून देण्याचा प्रयत्न आयोजकांकडून करण्यात आला. उत्सवासाठी २५ लाख रुपयांचे बक्षीस तसेच विविध आकर्षक पारितोषिकांची घोषणा करण्यात आली होती. उत्सवस्थळी सलामी देणाऱ्या प्रत्येक गोविंदा पथकाचा आयोजक प्रमुख तथा शिवसेना संपर्कप्रमुख आणि विद्यमान नगरसेवक महेश गायकवाड, नगरसेवक कैलास जोशी यांच्यासह मान्यवरांच्या हस्ते सन्मानचिन्ह व रोख रक्कम देऊन गौरव करण्यात आला. युवासेना विधानसभा अध्यक्ष अजय गायकवाड यांच्यासह शिवसेना व युवासेनेचे पदाधिकारी, कार्यकर्ते आणि आयोजकांनी उत्सवाच्या यशस्वी आयोजनासाठी परिश्रम घेतले. मोठ्या संख्येने सहभागी झालेल्या गोविंदा पथकांमुळे मातोश्री गुंजाई चौक परिसरात दिवसभर उत्साहाचे वातावरण निर्माण झाले होते. ०००००००
नाशिक येथे उपोषणाला बसलेल्या विद्यार्थ्यांना समर्थन देत मुरबाड तालुक्यात एकदिवसीय लाक्षणिक उपोषण
राजीव चंदने मुरबाड : नाशिक येथील आदिवासी आश्रमशाळांतील विद्यार्थ्यांनी आपल्या न्याय्य मागण्यांसाठी सुरू केलेल्या आंदोलनाला पाठिंबा देण्यासाठी अध्यक्ष प्रमोद पवार आणि कार्याध्यक्ष सुनील लोणे यांच्या मार्गदर्शनाने भूमिपुत्र एल्गार संघटनेने आज मुरबाड तहसील कार्यालय येथे लक्षवेधी उपोषण आंदोलन केले. राज्यभर दहीहंडीचा उत्सव मोठ्या उत्साहात साजरा होत असताना, भूमिपुत्र एल्गार संघटनेचे पदाधिकारी व कार्यकर्ते मात्र आदिवासी विद्यार्थ्यांच्या हक्कांच्या लढ्यासाठी रस्त्यावर उतरले होते. नाशिकमधील आदिवासी विद्यार्थ्यांच्या आंदोलनाला जाहीर पाठिंबा देत संघटनेने शासनाकडे निवेदन सादर केले. विद्यार्थ्यांच्या उच्च शिक्षणावर मर्यादा आणणारा शासन निर्णय तात्काळ रद्द करावा, विद्यार्थ्यांच्या सर्व मागण्या मान्य कराव्यात तसेच राज्यातील आश्रमशाळांमध्ये झालेल्या विद्यार्थी मृत्यूंची स्वतंत्र एस. आय. टी. मार्फत चौकशी करण्यात यावी, अशा प्रमुख मागण्या यावेळी करण्यात आल्या. यावेळी संघटनेच्या पदाधिकाऱ्यांनी सांगितले की, “दहीहंडीचा उत्सव आनंदाचा असला तरी आदिवासी विद्यार्थ्यांचे भविष्य अधिक महत्त्वाचे आहे. हजारो विद्यार्थी आपल्या हक्कांसाठी संघर्ष करत असताना त्यांच्या पाठीशी उभे राहणे हेच आमचे सामाजिक कर्तव्य आहे.” या आंदोलनात ठाणे जिल्हा सरचिटणीस दिनेश जाधव, जिल्हा उपाध्यक्ष सूरज राजपूत, ता. अध्यक्ष जगदीश शिद , अनिस अतार, बुधाजी खंडागळे, दया हिलम, बाळा दळवी, राहूल वाघ, कैलास खंडागळे, भरत जाधव, भगवान जाधव, सोन्या पवार या कार्यकर्त्यांनी सहभाग नोंदविला. “दहीहंडीच्या जल्लोषापेक्षा आदिवासी विद्यार्थ्यांचे भविष्य महत्त्वाचे आहे; त्यांच्या हक्कांच्या लढ्यात आम्ही सदैव सोबत आहोत,” असा ठाम संदेश या आंदोलनातून देण्यात आला. -००००
वाहतुकीचे नियम न पाळणाऱ्या रिक्षाचालकांवर विशेष कारवाई
पनवेल : पनवेल शहरात वाहतुकीचे नियम न पाळणाऱ्या रिक्षाचालकांवर पनवेल शहर वाहतूक शाखा व प्रादेशिक परिवहन विभागाच्या वतीने विशेष रिक्षा कारवाई मोहीम राबविण्यात आली. शनिवारी सकाळी ९.३० ते ११.३० वाजेपर्यंत पोलीस निरीक्षक सुभाष पुजारी, पनवेल शहर वाहतूक शाखा व अनिल गेळे, सहाय्यक मोटार वाहन निरीक्षक, प्रादेशिक परिवहन विभाग यांच्या मार्गदर्शनाखाली सदर संयुक्त कारवाई करण्यात आली. या विशेष मोहिमेदरम्यान फ्रंट सीट बसविणे, गणवेश न घालणे, मीटरप्रमाणे रिक्षा न चालविणे तसेच इतर वाहतूक नियमांचे उल्लंघन करणाऱ्या रिक्षाचालकांवर कारवाई करण्यात आली. एकूण १६६ रिक्षांवर कारवाई करण्यात आली असून, एकूण ₹२,७७,६५०/- इतका दंड आकारण्यात आला. सदर कारवाईदरम्यान पनवेल शहर वाहतूक शाखेचे अधिकारी व अंमलदार उपस्थित होते. पनवेल शहरातील नागरिकांची सुरक्षितता व वाहतूक व्यवस्था अधिक सुरळीत करण्याच्या दृष्टीने यापुढेही पनवेल शहरातील वेगवेगळ्या ठिकाणी अशाच प्रकारच्या विशेष रिक्षा तपासणी व कारवाई मोहिमा सातत्याने राबविण्यात येणार आहेत. वाहतुकीचे नियम मोडणाऱ्या रिक्षाचालकांविरुद्ध नियमानुसार कठोर कारवाई करण्यात येईल. रिक्षाचालकांनी प्रवाशांची सुरक्षितता व सुविधा लक्षात घेऊन वाहतुकीचे सर्व नियम पाळावेत, गणवेश परिधान करावा आणि मीटरप्रमाणे भाडे आकारावे.“वाहतुकीचे नियम पाळा, सुरक्षित प्रवास करा!” ०००००
हनुमान क्रीडा मंडळ कुर्लाचे पहिले आठ थर
मुंबई: कुर्ला येथील हनुमान क्रीडा मंडळ यांनी राहुल शेवाळे यांच्या राधा फाउंडेशन चेंबूर येथे आठ थर लावून सलामी दिली. हनुमान क्रीडा मंडळ कुर्ला तील नावाजलेले मंडळ असून १९६५ पासून दहीहंडी उत्सव जोशात…
शालेय विद्यार्थ्यांना मोफत शालोपयोगी वस्तूंचे वाटप
मुंबई – ग्राहकांच्या न्याय हक्कांसाठी लढणाऱ्या लोककल्याण ग्राहक संरक्षण संस्थेच्या वतीने साहित्यरत्न, लोकशाहीर अण्णाभाऊ साठे यांच्या १०६व्या जयंतीनिमित्त संस्थेचे मुंबई महानगर उपाध्यक्ष रमेश साहेबराव गुडेकर यांच्या वतीने विक्रोळी, भांडूप,मुलुंड विभागातील…
जबाबदारी कर्मचाऱ्यांची, ताबा खासगींचा
४९० वसतिगृहांवरून कास्ट्राईब आक्रमक! आंदोलनाच्या इशाऱ्याने आदिवासी विभागाची धावपळ; आयुक्त लीना बनसोड यांची चार तास बैठक अशोक गायकवाड नाशिक :आश्रमशाळा व वसतिगृहांतील विद्यार्थ्यांच्या जीवित, आरोग्य आणि सुरक्षेचा प्रश्न गंभीर असताना ४९० वसतिगृहांच्या खासगी व्यवस्थापनाचा करार तातडीने रद्द करा, या मागणीवरून महाराष्ट्र राज्य कास्ट्राईब कर्मचारी कल्याण महासंघ आक्रमक झाला आहे. ५ सप्टेंबरपासून बेमुदत आंदोलनाचा इशारा दिल्यानंतर आदिवासी विकास विभागाने आंदोलनाची दखल घेतली. आयुक्त लीना बनसोड यांनी महासंघाच्या पदाधिकाऱ्यांसोबत तब्बल चार तास बैठक घेऊन विविध मागण्यांवर सविस्तर चर्चा केली. महासंघाचे अध्यक्ष अरुण गाडे आणि अतिरिक्त महासचिव सुशील तायडे यांच्या नेतृत्वाखाली झालेल्या बैठकीत राज्यभरातील कर्मचारी, गृहपाल, अधीक्षक आणि प्रतिनिधी मोठ्या संख्येने सहभागी झाले. सुमारे सहा लाख विद्यार्थ्यांच्या सुरक्षेची जबाबदारी कर्मचाऱ्यांवर टाकली जात असताना त्यांना पुरेसे मनुष्यबळ, अधिकार आणि सुरक्षा व्यवस्था दिली जात नसल्याचा संताप महासंघाने व्यक्त केला. ४९० वसतिगृहांचे खासगी व्यवस्थापन तातडीने रद्द करून ती शासनाच्या ताब्यात घ्यावीत, सर्व अनुदानित आश्रमशाळा व वसतिगृहे शासनाने चालवावीत, तसेच आश्रमशाळा व वसतिगृहे तालुका आणि जिल्हा मुख्यालयांच्या ठिकाणी स्थलांतरित करावीत, अशी ठाम मागणी करण्यात आली. गृहपालांना राजपत्रित अधिकाऱ्याचा दर्जा देऊन कार्यालयप्रमुख घोषित करणे, रिक्त पदे तातडीने भरणे, मृत पदे पुनर्जीवित करणे, चोवीस तास पाळीनुसार कामाची व्यवस्था करणे, कर्मचाऱ्यांचे कामाचे तास व साप्ताहिक सुट्ट्या निश्चित करणे आणि विद्यार्थ्यांच्या जीवित, आरोग्य व सुरक्षेबाबत शासनाने लेखी हमी द्यावी, अशी मागणी करण्यात आली. राष्ट्रीय बाल हक्क संरक्षण आयोगाने निश्चित केलेली राष्ट्रीय वसतिगृह नियमावली राज्यातील सर्व आश्रमशाळा व वसतिगृहांमध्ये लागू करण्याची मागणीही महासंघाने केली. धोरणात्मक मागण्यांवर संबंधित मंत्र्यांसोबत बैठक घेऊन प्रश्न मार्गी लावण्यासाठी पाठपुरावा केला जाईल, असे आयुक्त लीना बनसोड यांनी स्पष्ट केले. मागण्यांवर सकारात्मक कार्यवाही करण्याचे आश्वासन देत त्यांनी आंदोलन स्थगित करण्याची सूचनाही केली. त्यामुळे आता महासंघाच्या पुढील भूमिकेकडे राज्यभरातील कर्मचारी व पालकांचे लक्ष लागले आहे. बैठकीस अपर आयुक्त दिगंबर चव्हाण, अर्पिता ठुबे, सहआयुक्त संतोष दुबे, उपायुक्त शशिकला अहिरराव, विनिता सोनवणे, राजेंद्र हिवाळे, कपिल पवार, सहसंचालक दिलीप खोखले यांच्यासह अधिकारी उपस्थित होते. आदिवासी कास्ट्राईब महिला संघटनेच्या सुवर्णा इंगोले, प्रा. एकनाथ मोरे, आराध्या क्रांतिकर, रेखा पवार, कविता निंबाळकर, साळवी तसेच राज्यभरातील कर्मचारी प्रतिनिधी सहभागी झाले.
स्नायू वाढविण्याच्या नावाखाली प्रतिबंधित इंजेक्शन्स!
जिम ट्रेनरवर गुन्हा दाखल मिरा -भाईंदर : स्नायू मजबूत करणे, वाढविणे यासाठी तरुण बॉडीबिल्डर्स डॉक्टरांच्या प्रिस्क्रिप्शनशिवाय किंवा वैध परवान्याशिवाय प्रतिबंधित औषधे विकत असल्याचा प्रकार उघडकीस आला आहे. अन्न व औषध प्रशासन (FDA) आणि नयनगर पोलिसांच्या संयुक्त कारवाईत, मीरा रोड रेल्वे स्टेशनजवळ असलेल्या ‘के-५ फिटनेस अँड वेलनेस’ या दुकानातून ‘टर्मिवा’ इंजेक्शनचा साठा जप्त करण्यात आला आहे. नयनगर पोलीस ठाण्यात जिम ट्रेनरविरुद्ध गुन्हा दाखल करण्यात आला आहे. मिळालेल्या माहितीनुसार, हे दुकान बेकायदेशीरपणे हानिकारक औषधे विकत असल्याची माहिती FDA अधिकाऱ्यांना मिळाली होती. FDA अधिकारी आणि नयनगर पोलिसांनी दुकानावर छापा टाकून ‘टर्मिवा’ इंजेक्शन जप्त केले. हे औषध ‘शेड्यूल एच’ श्रेणीत येते आणि डॉक्टरांच्या प्रिस्क्रिप्शनशिवाय व वैध परवान्याशिवाय त्याच्या विक्रीस मनाई आहे. अयोग्य किंवा अनधिकृत वापरामुळे रक्तदाब वाढण्यासह गंभीर दुष्परिणाम होऊ शकतात. हे इंजेक्शन कथितरित्या तरुण बॉडीबिल्डर्सना स्नायू वाढवण्यासाठी विकले जात होते. एफडीए निरीक्षक जोसेफ मॅथ्यू चिरामल यांच्या तक्रारीच्या आधारे, जिम ट्रेनर कृष्णा वकील कानोजिया यांच्या विरोधात गुन्हा दाखल करण्यात आला आहे. तरुणांना प्रतिबंधित किंवा परवाना नसलेली औषधे खरेदी करण्यासाठी कोणत्याही प्रकारे प्रोत्साहित केले गेले किंवा त्यांची दिशाभूल केली गेली का, याचाही पोलीस तपास करत आहेत. ००००
नवघर मैदानात दहीहंडीची ८ थरांची चुरस
मिरा -भाईंदरमध्ये लाखोच्या बक्षिसांची उधळण अरविंद जोशी मिरा -भाईंदर : गोपाळकाला उत्सव मिरा -भाईंदर शहरात यंदा अभूतपूर्व उत्साहात साजरा झाला. शहरात विविध राजकीय पक्ष आणि नेत्यांकडून लाखो रुपयांच्या बक्षिसांच्या दहीहंड्या उभारण्यात आल्या होत्या, त्यात भाईंदर पूर्वेतील नवघर मैदानातील ‘संस्कृती युवा प्रतिष्ठान’ची दहीहंडी मुख्य आकर्षण ठरली. मंत्री प्रताप सरनाईक यांच्या संस्कृती युवा प्रतिष्ठान आणि वंदना विकास पाटील जनहित संस्थेच्या संयुक्त विद्यमाने भाईंदर पूर्वेच्या नवघर मैदानावर विश्वविक्रमी संस्कृती दहीहंडीचे आयोजन करण्यात आले होते. या ठिकाणी तब्बल ५० लाख रुपयांपर्यंतची बक्षिसे जाहीर करण्यात आली होती. यंदा थर रचण्यासाठी गोविंदा पथकांमध्ये जोरदार चुरस पाहायला मिळाली. भाईंदरच्या जय मल्हार गोविंदा पथक आणि जय महाराष्ट्र गोविंदा पथक या दोन स्थानिक पथकांनी शिस्तबद्ध पद्धतीने ८ थरांची यशस्वी सलामी देत उपस्थितांची मने जिंकली. ९ थर लावणाऱ्या स्थानिक पथकाला ५ लाख रुपये व ट्रॉफी, तर बाहेरील पथकाला २ लाख रुपये. ८ थरांसाठी स्थानिक पथकाला ५० हजार (बाहेरील पथकाला २५ हजार), ७ थरांसाठी १० हजार रुपये आणि केवळ सलामी देणाऱ्या पथकाला ५ हजार रुपयांचे रोख पारितोषिक. या उत्सवात बिग बॉस फेम प्रसिद्ध आगरी-कोळी गायक व संगीतकार दादूस यांच्या लोकगीतांच्या कार्यक्रमाने रंगत वाढवली. शहरात ठिकठिकाणी मोठ्या दहीहंड्या लावण्यात आल्या होत्या. मीरा रोडच्या शांती पार्क येथील सेंटर प्लाझा हॉलजवळ ३० लाखांहून अधिक रकमेची दहीहंडी उभारण्यात आली होती. तिथे ९ थर लावणाऱ्या पथकासाठी ५१ हजारांचे बक्षीस होते. भाईंदर पश्चिमेला नगरभवनाजवळ मनसे उपशहर प्रमुख अभिनंद चव्हाण यांच्यावतीने ११,११,१११ रुपयांची, तर बावन जिनालय जैन मंदिराशेजारी आमदार नरेंद्र मेहता यांच्यावतीने ७,७७,७७७ रुपयांची दहीहंडी उभारण्यात आली होती. डीजेच्या तालावर, फटाक्यांच्या आतषबाजीत आणि ‘गोविंदा आला रे’च्या जयघोषात संपूर्ण मिरा -भाईंदर दुमदुमून गेले होते.